Lomaŋ 2:13 - Yálá laawoo hɛɓɛ (dc)

¹³ Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Yálá laawoo hɛɓɛ

¹³ Nuąi da di wəli tɔɔ tɔn nwoo ɓa, diɛ lɔ hvəə di tələnmoɔ Yálá ɲɛ̨i ɓa, kɛlaa, nuąi da tɔ́n nwoo pɔ yíi ɓo, diɛ ɓə a tələnmo nuą.

Bible

¹³ Diai da dɔ̂ŋ mɛni kɛ́lɛ dífa sia a ŋ̀óoi dífe a tɔ̃yâ-ƃela Ɣâla ŋɛi, kɛ́lɛ, Ɣâla a pâi dɔ̂ŋ mɛi káa-ƃelai tólîi a tɔ̃yâ-ƃela.

Lomaŋ 2:13 ပူးပေါင်းရင်းမြစ်များ

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Ɉeremi 11:6

Yai-Laa yɛ mą́ą́ nwɔ̨nɔ̨: Nwɛlɛɛ ŋɛ̨i ɓo a lolo Ɉuda daa leeɠaa hu da Ɉerusalɛmə daai, gwəliɠaa pɔ; yɛ diɛ: Ka ka wəli tɔɔ, mįnɛ̨i ŋɛ̨i hu wooɠaa diɛ, ɛlɛɛ, ka di pɔ mɛ̨nį kɛ.

Izikiɛ 20:11

Ŋą́ nwɔ́ tiɓoɠaai tɛɛ di pɔ, ŋą́ nwɔ́ tɔ́nŋaai lɛ diɛ, ə gɛ nuąi da di pɔ mɛ̨nį kɛ, di yɛnɛ̨ɛ̨ kpɛɛ hvo mą hɔlɔɓo.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Lukə 8:21

Kɛlaa, nu kpului tii kɛ di wəli tɔɔ Jesus woo ɓa, Jesus ə mo diɛ, yɛ diɛ: «Néé lonnii ɓaa a nuą ŋɛ̨i di wəli tɔɔ Yálá laawoo ɓai, ə lɛɛ, diɛ bɔ mɛ̨nį kɛ.»

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Gɛlaɠaa 13:39

Jesus háálai, nui lɔpee a mąą mɛ̨nį kaa a tɛ̨ą, mąą nu a dələnmolaai ti hɔlɔɓo, yɛ pɛli ɉu.

Lomaŋ 10:5

Dələnmolaai a kulɔ tɔn ɉu, Moisə kpinįi ə bɛ̨ɛ̨, yɛ mą: Nui a pɔ mɛ̨nį kɛ, nwun mąą a ɓo.

Lomaŋ 2:25

Akɛ yá dɔ́n nwooi pɔ mɛ̨nį kɛ, ə́ wɔ kɛ́nɛ̨lonnaa mɛlɛ kaa mą. Kɛlaa, akɛ yá wala dɔ́n nwoo pɔ mɛ̨nį, ə́ káá a kpolɔwa.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 3:23

Nu kəlee daa nɛ̨ŋɛ̨n ɉəɠə daa hvɛɠɛ a Yálá nwɔ mąąwiɛlaa hu.

Lomaŋ 3:30

Hvo gaai, Yálá kaa tanɔ̨n, yaa lɔ ɓə pai kɛnɛ̨lɛa tələnmoi laa na laa háálai, ə kɛnɛ̨ kpolowaɠaa tələnmoi laa na laa háálai.

Korɛntə dɔlɔɔ 4:4

A tɛ̨ą, gwə́i kili hva ɉɔ́n gaa mą́ą́, kɛlaa yili hvə a də́lə́nmo, nui a mą́ą́ mɛ̨nį hutɔɔ, ya lɔ ɓaa gu Ną́mu.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Galatə 5:4

Káái ka káá bɔ ká kɛ, a tələnmo nuą Yálá ɲɛ̨i ɓa, dɔ́n ɉáálai, a kɛ ti ka Kristə ni kaa ka ɓɛla ɓo, ká wɔɔ nąą hvo Yálá nwɔ mɛ̨inɛ̨ɛ̨ hu.

Dutɛrɔnome 4:1

Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.