Lomaŋ 16:25 - Yálá laawoo hɛɓɛ (dc)

²⁵ Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Yálá laawoo hɛɓɛ

²⁵ Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Bible

²⁵ Laa-maa-tɛ é tɛ́ɛ Ɣâla pɔ nyíi pɔ̂ri è kɛ̀ mì a gɛ́ɛ e kasu kpanaŋ yɛ̂ɛ berei ŋátuŋ lɛ́lɛɛi a mò la da berei ŋa Zîsɛ Kôrai maa-mɛni ƃo lai. Ŋorɛ-wooi ká ti nyíi kɛ̀ noo-perei wɔ́lɔ a tãi su kôya,

Lomaŋ 16:25 ပူးပေါင်းရင်းမြစ်များ

Mąątɛ̨nɛ̨ 78:2

Gáá mɛ̨mi ɓoi yɛ hanwon ɉu, gɛ́ tɔwɔ tɔwɔ mɛ̨nįɠaa ɓɛla hanwon ɉu.

Danîa 2:22

mɛ̨nį yii noɔ, a gbon ɉu kwɛa, Yaa ɓə a gulɔ pɔ̨nɔ̨ŋa. Ya ɓə kpinį hu mɛ̨nį kɔ́lɔn, maahɔlɔɓo, ya ɓə kɛɛ pɔ̨nɔ̨ kaa ɲəi.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Maafîu 13:17

Gáá tɛ̨ą ɓoi kaa, Yálá nwɔ́ kwəi mɛ̨nį hukulɔ nuą tamąą ə mą kɛ tələnmo nuą tamąą di kɛ bɔ, mɛ̨nįɠaai ka káá gai, da yiiɠaai ka káá mɛ̨n ɉi, di gaa, əlɛɛ, di mɛ̨n. Kɛlaa di hvo gaa li, əlɛɛ, di hvo mɛ̨n ni.»

Maafîu 13:35

Ə kɛi gɛ tii ə gɛ, mɛ̨nį Yálá kwəi mɛ̨nį hukulɔ mun ə mo naa ə hon. Yaai ə kɛ la mą: «Gáá lɔ pai kɛi hvaai a hanwon, Mɛ̨nį yiiɠaa wɔlɔ a loo mɛ̨nį, ə həɠə yɛnɛ̨ɛ̨ kɔ́wɔ tɔɔi lɔwai ɓa ə həli la yiihu ɓa, gɛ́ yiliɠaai ɓo diɛ a lolo-woo.»

Maafîu 20:7

«Di mo mą diɛ mą: ‹Mąąhɔlɔɓo, nu ta hvo kólo tɛɛ li ku pɔ.› Ə mo diɛ yɛ diɛ: ‹Ka li kaa kpɛli ka kólo kɛ ɲə́i ɲɛa, gaa pai ka halai.›

Gɛlaɠaa 20:32

«Yiihu kɛa, gáá ka lɛɛi Yálá yəi da nwɔ nɛ̨ɛ̨laa woo, yaa ɓə huwalawala kaa ɲəi yɛ pɛli bɛlɛ́ tɔɔi, yɛ mąąhəɠə nuą kəlee kwɛlin dɛɛ di pɔ.

Gɛlaɠaa 9:20

Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 14:4

Gbɛɛ ɓaa a yɛ́, yai, nui hvo a yɛ́ tímun, yɛ́ giti tee? Ə tɔɔ-o, ə too-o; ə́ wɔɔ lə mɛ̨nį ɓə ɉu? Da Ną́mu di lɔwai li. Ɛlɛɛ, ɲee kaa pai lɔi, mąąhɔlɔɓo, hvaŋą kaa gu Nąmu yəi, yɛ dɛɛ bɔ.

Lomaŋ 16:24

Gɛ́ gu Ną́mu Jesus Kristə nwɔ mɛ̨inɛ̨ɛ̨ ə kɛ ka kəlee ka pɔ.

Lomaŋ 2:16

Yɛ bələi nwɛlɛɛ lɛlɛɛ ŋɛ̨i gáá naa həli gaa moi la, yɛ diɛ: Ɲələi Yálá kaa pai nuą túwɔ́ pələ loɔɠaa kiti teei la Jesus Kristə laa hu, ɲələi ti ɓə mɛ̨nį kəlee a too la ponoɲą.

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə dɔlɔɔ 2:7

Yálá ŋą kilikɛɲəi laa ɓə ku kaa naa həlii, gaa a kwɛlɛɛn mɛ̨nį, noɔ, yai Yálá ə wɔlɔ bɛli, yɛnɛ̨ɛ̨ kɔ́wɔ hvo ni kɛ tɔɔ li, a guɔi ə gu həɠə ɉu, a gu mąąɲįnɛ̨n.

Korɛntə dɔlɔɔ 4:1

Ká ku kaa lɔ yɛ, Kristə ŋą tínuą, a diɛi a Yálá ŋą tɛ̨ą loɔ mɛ̨ikaa nuą.

Korɛntə veelɛ 4:3

Akɛ nwɛlɛɛ lɛlɛɛi ku kaa naa həlii, mɛ̨i kpuluɔi, mɛ̨i kpuluɔi lɔ nwun na pili nuą diɛ.

Korɛntə veelɛ 4:5

Ku kpɔwɔ mąą kalan vəi ku kaa gɛi, kɛlaa gu Nąmu Jesus Kristə ɓə. Yii ɓaa ku kpinįi ku wɛi, kwa ku kpɔwɔ lɛ a ká wɔɔ tínuą Jesus mąą mɛ̨nį ɓa.

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Ifisiɛŋ 1:9

Nwɔ loo mɛ̨nįɠaai a niiɓa, aa nɛ guɔ, a mɛ̨nįɠaai tii, ə gbɛa mąą kili tee gwəi, gbɔwɔ kpinį hu.

Ifisiɛŋ 3:11

Mɛ̨nįi ə mąą kili tee gwəi ə həɠə wɔlɔ-wɔlɔ ɓa, ə bɔ mɛ̨nį kɛ gu Nąmu Jesus Kristə hu.

Ifisiɛŋ 3:9

Ɛlɛɛ, mɛ̨nį loɔi, yɛnɛ̨ɛ̨ kəlee piliɛ geemɛ̨i pɛlimun Yálá, ə noo la gwəi ə həɠə la wɔlɔ-wɔlɔ ɓa; bələi ə mɛ̨nįi tii ɲɛ̨i kulɔ la, gɛ́ nwɔ̨nɔ̨ yili mąą pono.

Ifisiɛŋ 6:19

'Ká Yálá hvɛli ɲą́ą́ kpɛlimąn mą́ą́, nwɛlɛɛ lɛlɛɛi mɛ̨n naa walaai ŋɛ̨i, naa həli woo ə tɛ ná, gɛ́ naa həli la a ɲɛ̨i ponolaa,

Kolosə 2:2

Gáá gɛi ti, əgɛ, di lii ə kpələ, di kanąn di kee ɓa wɛlikɛmąąlaa hu. Kilitɔɔmąą leeleei mɛ̨nį kɔ́lɔn ŋąą a dɛɛ nu pɔ, di gɔlɔn, əlɛɛ, di Kristə kɔ́lɔn yai a Yálá ŋą loo mɛ̨nį.

Kolosə 4:3

Ká wɔɔ Yálá hvɛlii lɔwaiɠaa, ká Yálá hvɛli kuɔ kpɛlimąn kuɔ, əgɛ, Yálá ə naa woo laa həli pələ laaɓo ku tɔwɔ, gɛ́ pɛli Kristə mąą mɛ̨nį loɔɠaa hukulɔi, yai gáá gaho ɲą, mąą mɛ̨nį ɓa;

Tɛsalonikə dɔlɔɔ 3:13

Ə ká nii huwalawala lɔ tii mąąhəɠəlaa hu, mąąkulɔi hvo kɛ mą Yálá gu Nąn ɲɛ̨i ɓa, a gu Ną́mu Jesus pa yələ, da nu mąąhəɠɛɛɠaa kəlee.

Tɛsalonikə veelɛ 2:14

Yili ɓə ə ká təli mą, nwɛlɛɛ lɛlɛɛ ŋɛ̨i ku naa həli káá, ɉaalai, káá pɛli ká wɔɔ nąą hɔlɔɓoi gu Ną́mu Jesus Kristə nwɔ mąąwiɛlaa hu.

Tɛsalonikə veelɛ 3:3

Gu Ną́mu a kulɔ nwoo ɓa, ya ɓə pai ká hvaŋąlɔi, yɛ ká mąąkɔ̨nwɔ̨ mɛ̨nį ɲɔ̨n ɲəi.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Timote veelɛ 2:8

'Ə́ kili hvilɛn Jesus Kristə ɓa, yai nwun ə kulɔ haa yəi, a yai kulɔ Davidə huwu hu, yə bələi, nwɛlɛɛ lɛlɛɛi gáá naa həlii ə mo la,

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

M̀ɛni-lɛɛi 10:7

Kɛlaa, ɓɛlɔwai malaka mɛ̨ihveelɛnąą kaa pai nwɔ tului hvɛɛi la, a pa gɔwɔ tɔɔi yɛ nwɔ tului hvɛɛ, nąąlɔwai ɓə Yálá ŋą mɛ̨nį looŋąą pɔ mɛ̨nį a kɛ la, yɛ bələ ə wɔlɔ mo la ŋą tínuąi a gwəi mɛ̨nį hukulɔ nuą di laaləi.