Lomaŋ 16:2 - Yálá laawoo hɛɓɛ (dc)

² 'Ká ka yee hee mu gu Nąmu laa hu, yɛ bələi da gɛ la a nu mąąhəɠɛɛ; 'ká kpɔnmąą tɛɛ bɔ ganąn mɛ̨nįɠaa kəlee hu. Hvo gaai, yaa kpinįlee ti, aa kpɔnmąą tɛɛ nu tamąą pɔ, gəlee ə mą kɛ ŋą́ą́ Polə.

Yálá laawoo hɛɓɛ

² 'Ká ka yee hee mu gu Nąmu laa hu, yɛ bələi da gɛ la a nu mąąhəɠɛɛ; 'ká kpɔnmąą tɛɛ bɔ ganąn mɛ̨nįɠaa kəlee hu. Hvo gaai, yaa kpinįlee ti, aa kpɔnmąą tɛɛ nu tamąą pɔ, gəlee ə mą kɛ ŋą́ą́ Polə.

Bible

² a gɛ́ɛ ka káyee see mù Kúnuu-namui kponôi yɛ̂ɛ berei Ɣâla-ƃela da gɛ̀ lai. Ka kpɔŋ-maa tɛɛ bɔ mɛni kélee su a ŋ̀wɛli káyêei. Kpɛ́ni fêi, a kpɔŋ-maa tɛɛ núu támaa pɔ, a kpɔŋ mâa tɛɛ ḿbɔ máŋ.

Lomaŋ 16:2 ပူးပေါင်းရင်းမြစ်များ

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

Lomaŋ 15:7

Ka ka yee hee ka kee mu yɛ pələi Kristə ə ɲee hee la gu mu Yálá mąąwiɛ mɛ̨nį ɓa.

Lomaŋ 16:15

Ŋą́ Filologə da Ɉuli, Nere da mąąhala, Olimpasə da nu mąąhəɠɛɛɠaai da diɛni di kaa laa, di túwɔ́ɓo.

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Lomaŋ 16:6

Ŋą́ Mari tuwɔ ɓo, yai mɔ̨nɔ̨ tamąą mįi ka mąą mɛ̨nį ɓa.

Lomaŋ 16:9

Urbɛn yai gwa diɛni gu yee kaa kóló tɔ̨nɔ̨ ɓa Kristə hu, da nwɛ́likɛmąąmun Stakisə ŋą́ di duwɔ ɓo.

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 2:29

Yili ɓa a pa, ka naa kwiɛn a kwəinɛ̨ɛ̨ kɛnɛ̨ɛ̨ gu Ną́mu laa hu, ka gɔlɔn kaa diɛ nu ɲɔ̨nwɔ̨mąnŋaai ti ɓə, mąąnɛ̨ɛ̨ ka di mąąwiɛ.

Kolosə 4:10

Aristarkə, yai kwa yaa ku kaa gaho ɲą, yɛ ka tuwɔ ɓo, ə mą kɛ, Barnabasə dɛlɛn non Markə, yɛ ka tuwɔ ɓo. Markə ti, daa hiɛ mąą mɛ̨nį hukulɔ kaa, a pa ka pɔɔli, ka ka yee hee mu a nɛlɛɛ.

Timote dɔlɔɔ 2:10

kɛlaa yaamun, di di mąąyili, a túwɔ́ pələ lɛlɛɠaa, yɛ nɛ̨ąąi da di wɔɔ lɛɛ nwoo mu laa lɛ Yálá ɓa.

Timote veelɛ 1:18

Gu Ną́mu ə gɛ, ə mɛ̨inɛ̨ɛ̨ hɔlɔɓo gu Nąmu kwɛlɛ a ɲələi tii. Ɛlɛɛ, mɛ̨inɛ̨ɛ̨ɠaai kpɔ ə gɛ mą́ą́ Efɛsə, yɛ́ kpinįi ə́ gɔlɔn gbɔ a nɛlɛɛ.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Filemɔn 1:12

Onesimə aa kɛ kɛa a gbíní. Gáá dɔɔi ə pa ə́ pɔ.

Filemɔn 1:17

Akɛ yá gáá yɛ ə́ nąn non laa na laa hu, Onesimə a pa ə́ pɔɔli, ə́ yee hee mu yɛ bələi yá ə́ yee hee kɛ la mú.

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.