Lomaŋ 16:18 - Yálá laawoo hɛɓɛ (dc)

¹⁸ Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Yálá laawoo hɛɓɛ

¹⁸ Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Bible

¹⁸ Kpɛ́ni fêi, núu kɛɛ-ŋai ti dífa tíi kɛ̀ Kúnuu-namui Kôrai mi, fɛ̂ɛ díkpîŋ nia-mɛni kɛ́ɛ, ǹyaŋ da moo-ƃelai pɛ̀lɛ a wóo lɛ́lɛɛ-ŋa da laa-maa-tɛ-woo-ŋa.

Lomaŋ 16:18 ပူးပေါင်းရင်းမြစ်များ

Samia Veerɛi 15:6

Bələ ɓə Absalɔn ə kɛi gɛ la a Israɛlə nuąi kpɔ kɛi pa tɔɔmun bɔ di mąą mɛ̨nį ɓo mɛ̨nį ɓa gəlee. Bələ ɓə Absalɔn ə Israɛlə nuą kəlee di wɔ kiliŋąhiɛ tinɛ̨n na bɔ pələ.

Kɔlɔnikɔ Veerɛi 18:5

Israɛlə tɔɔmun ə nwɔ Yálá kwəi mɛ̨nį hukulɔ nuąi ɲąąkpɔn, di kɛ a nu nwun nąąn; yɛ diɛ: «Kwa pɛli lii mɔ̨ɔ̨ ku kɔ́ pɛlɛ Ramotə ɓa Galaadə, awala kɛ tii, ŋį́ lɛɛ ɓɛ?» Ya diɛ mą: «Tɔɔmun! 'Li, Yálá aa nąą tɛɛ ə́ pɔ!»

Mąątɛ̨nɛ̨ 119:130

Ə́ laawoo, kili ɲąpono, a kili tɛɛ lɛapɛlɛɛ pɔ.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 19:7

A muhəɠə yələkɔlɔn bələ tɔ̨nɔ̨, ə nwɔ gilɛ həɠə yələ kwəi nąą kəlee, ə naa kulɔ bələ tɔ̨nɔ̨; hɛn da hva pɛli kulɔ wəleen ɲəi.

Hanwon 14:15

Nui gili hva li kwɛa la, yii lɔpee da mo mą, a hvaa lɔ ma. Kɛlaa, nui a mɛ̨nį hu kpɛ, a hiɛ a gili.

Hanwon 22:3

Nui daa gilaa pɔ̨nɔ̨, a mɛ̨nį ɲɔ̨n gaa yɛ pa, a mąą kilɛ. Nuąi di hva di kiliŋąhiɛ, da lɛɛ a di nwun vilɛn ŋąą, mɛ̨nį ə laa diɛ.

Hanwon 8:5

Kaai ka hva mɛ̨nį ŋąą kaa, ka pa ŋį́ ka mąąkwɛli. Kaai ɓaa hupu nuą, ka pa ŋį́ ka nwun gɛ ka hu.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Izikiɛ 13:16

Israɛlə nwɔ Yálá kwəi mɛ̨nį hukulɔ nuąi kɛi mɛ̨nį ɓo, yɛ hvilɛn na Ɉerusalɛmə ɓa, di hva kɛa da ɓo. Diɛi kɛi liilaa kɛɛ kaa, ya pa liilaa hvo kɛ laa. Mɛ̨nį kəlee ŋą Hééɓomun Yálá wóó li.

Izikiɛ 13:19

Káá náá pu nwɔ́ nu huwui ɲɛ̨́i ɓa, yeehvɛɛ tɛi tɛi mąą mɛ̨nį ɓa lɔ, da lɛɠɛ kpuo lon; nuąi mąą hvo nɛ̨ɛ̨li di hvo haa, ka káá di paai; ɛlɛɛ nuąi mąą hvo nɛ̨ɛ̨li di hvo lɛɛ yɛnɛ̨ɛ̨, kaa di lɛɛ yɛnɛ̨ɛ̨; nwɔ́ nuąi ɲɛ̨́i di ɓowo la nɛ̨ɛ̨i, bələ ɓə ka di ɓowo la.

Danîa 11:34

Mələkpɛɛ mąą lɔwai tii hu, di hvo pai kpɔmąą kɛnɛ̨ hɔlɔɓoi nuą yəi. Mąąhɔlɔɓo, nuąi pai tooi di pɔ, di kaa pai gɛi lɔ a yələ kulɔ ɉu.

Mise 3:5

Nwooi Yai-Laa ə mo yɛ hvilɛn na, nuąi da nwɔ nuąi ɓowo diɛ, ya ka, yɛ diɛ: Gbɛɛ ɓə nwɔ́ nuąi ɓowoi? Nuąi da kɔ̨nɔ̨n dɛɛ di pɔ, da liilaa wɛlɛɛ laa həli diɛ. Kɛlaa nuąi di hva di kɔ́, da kɔ́ muhəɠə yiliɠaai ɓa.

Malasi 1:10

Yii viɛlaɓoɔ, ya ɓaa: ka tɔ̨nɔ̨ ə li, ə nwɔ́ pɛlɛ́ laa kpulu, ə gɛ, ka hvo pa kɛ lɔ lii laa, kaa nwɔ̨n ɉee nwɔ́ haláá kulɔi tii ɓa, a kpɛli. A tɛ̨ą, və́ kpɛli bɔ, və́ ka káá ɉaláá kulɔi, gu hvomun kɛ, ka wɔ haláá hɛnŋaa. Yili wɛli hvo mą́ą́. Ɲą́ą́ Yai-Laa Mɛ̨nį Kəlee ŋą Hééɓomun, nwóó li.

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 6:24

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Maafîu 7:15

«'Ka ka kpɔɔ mɛ̨i kaa, nuąi da di kpɔɔ kɛ a Yálá kwəi mɛ̨nį hukulɔ nuą di mąą mɛ̨nį ɓa. Mąąhɔlɔɓo, da lɔ ɓɛlaa kɔ́lɔ hu, diɛ pa ka pɔ. Kaa di kaa yɛ ɓɛlaaɠaa, a mɛ̨nį gɛ kwɛ́li hvulúɠaa li.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Lomaŋ 14:18

Nui a kɛi tí kɛ tii Kristə ɓa, ya ɓə gaa a Yálá liiɓamun. Ɛlɛɛ, nuą da dɛ̨nɛ̨.

Lomaŋ 16:19

Nu kəlee kili kaa ɉu diɛ ka woo mɛ̨n naa kɛ. Ká mąą mɛ̨nį a gwə́inɛ̨ɛ̨, yii gáá bɔ ya ɓaa ka kɛ a kilimąą nuą, ka mɛ̨nį lɛlɛɛ kɛ ka mɛ̨nį ɲɔ̨n mąą laa.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Galatə 1:10

Gaa ká kwəi nuą di di ɲɛ̨i lɛlɛɛ hee mą́ą́ mɛ̨nį ɓə, a wala kɛ tii, Yálá nwɛi? Gaa ká kwəi nu liiɓa ɓə gáá gwɛlii? Akɛ yili ɓə, vá pɛli kɛ kɛi a Kristə ŋą tímun.

Filipə 2:21

Yiiɠaai ti kəlee, di kpɔɔ mɛ̨nį lɔ ɓə da niihɛlɛn Ɉee; di hva di kiliŋąhiɛ Jesus Kristə mąą mɛ̨nį ɓa.

Filipə 3:19

Di kaa di kpɔɔ nwun na pilii, mąąhɔlɔɓo, di wɔ Yálá ɓaa di kolon. Mɛ̨nįi a di nwumɛ̨, ya ɓə da di kwəinɛ̨ɛ̨ ɉu, ɛlɛɛ, di wɔ kiliŋąhiɛ ka lɔ ɲɛnɛ̨ɛ̨ ŋɛ̨i hu hɛnŋąa diɛ.

Kolosə 2:4

Gáá yili ɓoi ti, əgɛ, nu ta hvo pa ka ɓowo, a lɛɛ wooɠaa.

Kolosə 3:24

Ká ká kili lɛɛ ɉu, káá, ká káá pai kwɛlin ɉɔlɔɓoi Yálá yəi a ká hvɛla. Ká Nąmu ɓaa a Kristə, ya ɓə ká káá tíi mą.

Tɛsalonikə veelɛ 2:10

ɛlɛɛ, a ɲąąhɛn mɛ̨nįɠaa, yɛ nwun napili nuą ɓowo la, mąąhɔlɔɓo, wɛlikɛmąą tɛ̨ąi a pɛli di nwun mąąɓoi, di hvo di yee hee li mu.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.

Piɛrə veelɛ 2:3

Ə lɛɛ, di wɔ hɛn nwɛli laa mąą mɛ̨nį ɓa, di kaa pai kɛi tooi ka mɛ̨i, diɛ hɛn gulɔ ka yəi a lɛɛ woo, kɛlaa, di kiti tee mun gɛ pələ pɛliɛi ə di kiti tee, ə lɛɛ, di wɔ nwun napili hu hvo kwɛa li.

Zûu 1:1

Ɲą́ą́ Ɉudə Jesus Kristə ŋą tímun, Ɉakə nəɠə. Gáá ɉɛɓɛ́i ŋɛ̨i tɛɛi, nuąi kpɔ Ną́n Yálá aa di təli, a wɛlikɛmąą laa, yɛ ɲɛ̨i kɛ diɛ, diɛi a Jesus Kristə nwɔɔ.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

Zûu 1:16

Nɛɛ kalan gɛ nuą tii, mɛ̨nį ta hva di kwəinɛ̨ɛ̨. Di kaa lɔ di woo laa hu, di kpɔwɔ nwɔ kiliŋąhiɛ lɔ ɓə da hiɛ la. Kpɔwɔ ɲąą kɛnɛ̨ wooɠaa kaa di la. Da kɛi nu ta tɔ̨nɔ̨ kulɔ ya lɔ ɓə da mąąwiɛ la.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

Samuɛlə dɔlɔɔ 2:29

Lə ɓə kɛ yai ka káá tɛɠɛɓoi nwɔ́ haláái hu, da gɔ́ hɛnŋaai ŋą́ vaaɓo nuą diɛ ɲəi bɛlɛ́n? Lə ɓə kɛ yai, yá nwumɛ̨ ə́ lonnii diɛ, yɛ di hviɛlaɓo mą́ą́? Lə mɛ̨nį ɓa ka koo kaa laai ka ŋą a nwɔ́ nu huwui Israɛlə nwɔ haláá hɛn nɛ̨ɛ̨mun?