Lomaŋ 15:31 - Yálá laawoo hɛɓɛ (dc)

³¹ Ka Yálá hvɛli mą́ą́, ə gɛ gili walawala nuąi di kaa Ɉude, ŋą́ kulɔ di yəi; əgɛ, ɉamą tiɛ̨i ŋɛ̨i gáá lii naa lɛi Ɉerusalɛmə Yálá nwɔ nuą pɔ, di di yee hee mu a kwəinɛ̨ɛ̨.

Yálá laawoo hɛɓɛ

³¹ Ka Yálá hvɛli mą́ą́, ə gɛ gili walawala nuąi di kaa Ɉude, ŋą́ kulɔ di yəi; əgɛ, ɉamą tiɛ̨i ŋɛ̨i gáá lii naa lɛi Ɉerusalɛmə Yálá nwɔ nuą pɔ, di di yee hee mu a kwəinɛ̨ɛ̨.

Bible

³¹ a gɛ́ɛ ŋá kúla Zuda-ƃelai yêei nyíi-ŋai laa-la fe díyêei, a gɛ́ɛ ŋɔ́nɔ Zerusâlɛŋ-Ɣala-ƃelai dí díyee see gbɔŋ-maai mu ŋa liî la dípɔi,

Lomaŋ 15:31 ပူးပေါင်းရင်းမြစ်များ

Gɛlaɠaa 22:24

Ɉolahi nwun nąmu ə mo, yɛ diɛ: 'Ka Polə hon, ka li la bɛlɛ lon mu, 'ka gɛlɛ, ə gɛ, mɛ̨nįi nu kpului ŋɛ̨i kaa tomąi la mɛ̨i, gu nwun gaa.

Gɛlaɠaa 25:2

Ɲąąɓa, ɉaláá laa həli nuą kpɛa-kpɛaa da Ɉuifə kalanɉonŋaa, di Polə kalamąɓo mą a hɔlɔmąą.

Gɛlaɠaa 25:24

Fɛstusə ə bələ həɠə, yɛ mą: «Ə hə́li yɛ́! Tɔɔmun Agripa, da kaai kpɔ gwa kááni ku kaa ɓɛ, ə hə́li káá! Ka káá ɉulɔnui ŋɛ̨i káái, ya ɓə Ɉuifəɠaa kəlee piliɛ gee mɛ̨i di pa gáái mą́ą́ ɓa Ɉerusalɛmə, ə mą kɛ ɓɛ, diɛ tómą, diɛ kɛ, mąą hvo nɛ̨ɛ̨li hvo lɛɛ yɛnɛ̨ɛ̨.

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 15:25

Kɛlaa, yiihui ŋɛ̨i, gáá lii Ɉerusalɛmə Yálá nwɔ nuąi mąą mɛ̨nį ɓa.

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Korɛntə veelɛ 1:10

Yaa tii ɓə ku kulɔ ɉaa taa ləi tii yəi, yaa lɔ ɓə nwɔ̨nɔ̨ pai ku kulɔ ɲəi kɛi; yaa tii ɓə ku wɔɔ kilitɔɔmąą laa kaa mą, ya lɔ ɓə pai ku kulɔ ɲəi kɛi.

Korɛntə veelɛ 8:4

Di ɉu hvɛli kuɔ a hvɔlɔmąą laa, əgɛ ku hvaamą, diɛ pɛli mɛ̨inɛ̨ɛ̨ kɛi Kristalɛa diɛ.

Korɛntə veelɛ 9:1

Yii hvilɛn na kalan nɛai mąąkpɔnmąąɓo mɛ̨nį ɓa, ə mą kɛ kɛa və́ yili ta pɛ̨ɛ̨ li, və́ dɛɛ káá.

Korɛntə veelɛ 9:13

Bələi kpɔ Ká káá la, ká wɔ mɛ̨inɛ̨ɛ̨i tii, a ká lɛ diɛ, diɛ mąąwiɛ tɛɛ la Yálá pɔ, a ká lɛɛ mɛ̨nį Kristə ŋą Wɛlɛɛ lɛlɛɛ woo mu, yai káá gaa a tɛ̨ą, da ká wɔɔ nú-kpɔɔlaa kɛ pələ, káá di kɔ, ə mą kɛ, nu kəlee, a ka yəi hɛn gɔw.

Tɛsalonikə dɔlɔɔ 2:15

a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Tɛsalonikə veelɛ 3:2

ɛlɛɛ, kuɔ pɛli kulɔi, nwąnąlɔ nuą, da mɛ̨nį ɲɔ̨n gɛ nuą yee mu, mąąhɔlɔɓo, nu kəlee hvəə laa na laa kaa ɲəi.

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.

Timote veelɛ 4:17

Gu Ną́mu nwɛi, ə tɔɔ búlú, ə hvaŋą tɛɛ bɔ́, ə gɛ, ɲą́ą́ bɔ́ pələ, nwɛlɛɛ woo laa ə həli, huwu takpɛliɠaa di mɛ̨n. Ɛlɛɛ, ŋį́ kulɔ yala hvulúmąą la.