Lomaŋ 15:26 - Yálá laawoo hɛɓɛ (dc)

²⁶ Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Yálá laawoo hɛɓɛ

²⁶ Mąąhɔlɔɓo, Masedoanə nuą da Akaiə nuą daa di kiliŋąhiɛ ə gɛ di mɛ̨inɛ̨ɛ̨ kɛ Yálá nwɔ nuą Ɉerusalɛmə diɛ, mąąhɔlɔɓo di yee ɲą aa kpɛɛ.

Bible

²⁶ Kpɛ́ni fêi, Masadonia-ƃelai da Ɛkeya-ƃelai líi e làa a gɛ́ɛ dí kpɔŋ-gîe-maa kɛ́ gôlo-ƃelai mɛni ma Zerusâlɛŋ-Ɣala-ƃelai sama.

Lomaŋ 15:26 ပူးပေါင်းရင်းမြစ်များ

Hanwon 14:21

Nui a tɛɠɛ ɓo mɛlan gaalon ɉu, nɛ̨ŋɛ̨n ni. Kɛlaa, nui a yeehvowolo nuą mąąwɛlikaa, lúwɔ́ lon ni.

Hanwon 14:31

Nui a hee mąąwɛlimun mɛ̨i, gaa mąąwɛlimun tii pɛli Yálá lalan ɉii. Kɛlaa, nui a mąąwɛli nuą mąąwɛli kaa, a Yálá mąąwiɛ.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Zakari 11:11

Di gala a mąą yələ, daatɛlɛɛ lɔwɔ́tɔɔ nuą ɲɛ̨i heɛ lɔ kɛ mą́ą́, di gbaɠala kaa diɛ kɛ, Yai-Laa woo pɔ mɛ̨nį ka tii kɛi.

Zakari 11:7

Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Lukə 14:13

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Lukə 6:20

Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Gɛlaɠaa 16:12

ku həɠə laa, kwəli Filipə daai, yai a Masedoanə lɔi daa-lee, yɛ ɓo Romə nuą yee mu. Ku yíikuu ta wolo kɛ daai ti hu.

Gɛlaɠaa 16:9

Kpini ta, Polə ə hįi kaa, Masedoanə nɔi mun da yɛ nɛ̨ɛ̨mąą hvə mą, yɛ kɛ mą: «'Tɛɛ Masedoanə pələ, ə́ ku mąąkpɔn mąąɓo.»

Gɛlaɠaa 18:12

Galiɔn nwɔ ɲąąwooɓo yələ, Akaiə lɔi hu, Ɉuifəɠaa di wɔɔ yowolaa ə hvilɛn Polə ɓa, di ɉon di li la gití haɠa ɓa.

Gɛlaɠaa 19:21

Mɛ̨nįɠaa ti tɛɛ pulu, Polə ə kɛ bɔ ə Masedoanə huɓɔ da Akaiə taa, yɛ li Ɉerusalɛmə. Ə mo yɛ diɛ: «Ŋą́ pa həlii la, hvo kɛli ŋį́ li Romə kpɛlimąn.»

Gɛlaɠaa 9:13

Ananiasə ə nwoo ɲąąpənə yɛ mą: «Nąmu, ŋą́ą́ nu tamąą woo mɛ̨n, diɛ ɉulɔnui tii laa pələ ɓo, mɛ̨nį ɲɔ̨n kpɔ aa naa ə́ wɔ nu mąąhəɠɛɛɠaa diɛ Ɉerusalɛmə, diɛ ɉukulɔ.

Korɛntə dɔlɔɔ 16:15

Ną́n nonnii! Mɛ̨nį tɔ̨nɔ̨ ɓə gáá ɉu hvɛlii káá, 'ká kili kaa ɉu, Stefanasə da ɲəi bɛlɛ́n nuą ɓə kɛ a Akaiə nuą dɔlɔɔ, diɛ di kpɔwɔ kɛ a nu mąąhəɠɛɛɠaa di wɔɔ tínuą.

Korɛntə dɔlɔɔ 16:5

Gáá pai Masedoanə hu ɓɔi, gɛ́ pa ka pɔɔli.

Korɛntə veelɛ 1:16

yili pulu, ŋą́ həɠə ká pɔɔli, ŋį́ li kɛ Masedoanə, ŋą́ həɠə nwɔ̨nɔ̨ Masedoanə pələ, ŋį́ tɛɛ ká pɔɔli pələ, káá kɛa dɔ́ɔ́ bələi, a hɛn mąąkpaan gaa mą́ą́, gɛ́ li Ɉude lɔi hu pələ.

Korɛntə veelɛ 11:9

Ɛlɛɛ, ɓɛlɔwai ŋį́ kɛ la ka pɔɔli, kpaan a hee kɛ mą́ą́, və́ kɛ laa li nu ta nwuɔ̨ a tiɛ̨, mɛ̨nį ta hu; mąąhɔlɔɓo, hɛn kpɔ mąą kanąn ə kɛ mą́ą́, gu nąn nonnii kɛi həɠə Masedoanə lɔi hu, di pa a gəlee bɔ́. Ɛlɛɛ, mɛ̨nį kəlee hu ŋą́ gbɔ́wɔ́ hu hon, və́ laa ká nwuɔ̨ a tiɛ̨ mɛ̨nį lɔpee ta hu, bələ lɔ ɓə gáá pai lɛɛi la.

Korɛntə veelɛ 2:13

kɛlaa, níí hvo kɛ laa li gwə́i, mąąhɔlɔɓo, və́ ną́n non Titə kaa. Ŋį́ yələ wala kɛ diɛ, gɛ́ kɛa li Masedoanə lɔi hu.

Korɛntə veelɛ 7:5

Hvo gaai, bələi mąn ku paa la Masedoanə, ku hvo hvįįtɔɔ hɔlɔɓo, kɛlaa mɔ̨nɔ̨ huwu lɔpee ə həli kuɔ; di kɔ pɛlɛ kuɔ ɲɛnɛ̨ɛ̨ pələ, ɲɔw yɛ ɓo ku hu pələ.

Korɛntə veelɛ 9:12

Mąąhɔlɔɓo, ɲee ɲąąkpɔn daaləi ŋɛ̨i hvo lɔ a kristalɛa mąąkpɔnmąą ɓo mɛ̨nį, kɛlaa gaa a gu wɔɔ mɛ̨inɛ̨ɛ̨ hu kɔlɔn ɉɛɠɛɛɓoi, a tɛ Yálá pɔ pələ.

Korɛntə veelɛ 9:2

Ŋą́ ka wɔ kiliŋąhiɛ lɛlɛɛ kɔ́lɔn, ɛlɛɛ, ŋą́ ɲɛ̨́i pono la Masedoanə lɔi hu nuą ɲɛ̨i ɓa; ŋą́ kɛ kɛi diɛ: Akaiə yee ɲąą pɛliɛi, gwɛlan dɔ̨nɔ̨ ka; ɛlɛɛ, ká wɔɔ tɔɔ a nwąnąi laa tii, aa kalan gbɔn damąą lii muhəɠə a nɛlɛɛ.

Korɛntə veelɛ 9:4

Akɛ, Masedoanə nuą da lɛɛ bɔ́ kwa pa, ká yee ɲąą hvo pɛli li, gilitɔɔmąą laa lɛlɛɛ ti, mąą hvo pa pənə a ku nwumɛ̨ mɛ̨nį, gu hvomun kɛ káá kpɛli.

Filipə 4:15

Káái a Filipə daai nuą, ka gɔlɔn kaa diɛ: ɓɛlɔwai ŋį́ həɠə la Masedoanə lɔi hu wɛlɛɛ lɛlɛɛ laa həliɛ kɔ́wɔ tɔɔi lɔwai, kaai a Yálá ŋą kpɔn Filipə daai kaa tanɔ̨n gbən lɔ ɓə kaa mą́ą́ kpɔn mąą ɓo, kaa tɔ̨nɔ̨ gbən ɓə kaa yili kɛ.

Tɛsalonikə dɔlɔɔ 1:7

Yili ɓa, káá kɛ kɛa a kɔ́ɔnmąą lɛlɛɛ, Masedoanə da Akaiə laa na nuą kəlee diɛ.

Tɛsalonikə dɔlɔɔ 1:8

Ká pɔɔli ɓə gu Nąmu laa woo ə həɠə laa yɛ li Masedoanə da Akaiə, kɛlaa ka laa mɛ̨nį Yálá la, bələ aa taɠa-taɠa kɛɛnąą kəlee, ə mą kɛ kpɛli kɛ, ku hvo yili bələ ta ɓo li káá.

Tɛsalonikə dɔlɔɔ 4:10

ɛlɛɛ, ká kɛmun yili kɛi Kristalɛa kəlee diɛ Masedoanə nąą kəlee. Ną́n nonnii, ku kaa ká hvaŋąlɔi, kuɔ ká ká yee mąą tɛ ká ɉon nwɔ̨nɔ̨ a nįnɛ̨;

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Filemɔn 1:5

Mąąhɔlɔɓo, bələi yá nu mąąhəɠɛɛɠaa wɛli la kɛ la, da bələi ə́ wɔ laa na laa kaa la Ną́mu Jesus ɓa, ŋą́ą́ yiliɠaai bələ mɛ̨n.