Lomaŋ 15:13 - Yálá laawoo hɛɓɛ (dc)

¹³ Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Yálá laawoo hɛɓɛ

¹³ Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Nįį-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Bible

¹³ Gili-kɛ-zu-Ɣalai é kálaa fɛ́ɛ a Líi-nɛ̃ɛ da lii-sêe laa-la su, a gɛ́ɛ kili-kɛ-zu támaa é kɛ́ káyêei M̀ɔlêŋ Maa Waai ŋɔwála-walai sârai.

Lomaŋ 15:13 ပူးပေါင်းရင်းမြစ်များ

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Lomaŋ 12:12

Kwɛinɛ̨ɛ̨ ə kɛ ka yəi kilitɔɔmąąlaa hu, mɛ̨nį ɲąąnwąnąą a həli kaa, ka ka liikpələ. 'Ká tɔɔ kpaan Yálá hvɛliɛ hu.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Lomaŋ 15:5

Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Korɛntə dɔlɔɔ 2:4

Nwóó da nwɔ́ nuą mąąkwɛli pələ, di hvo kɛ a gbąnąlaa kili, kɛlaa, di kɛ a Yálá ŋą Kilii nwɔ huwalawala ŋą mɛ̨nį lɛ pələ;

Korɛntə veelɛ 9:8

Huwalawala kaa Yálá yəi, yɛ pɛli ká yee laa hvɛɛi a mɛ̨inɛ̨ɛ̨ huwui lɔpee gəlee, yii mąąkpaan gaa káá, mɛ̨nį kəlee hu, a yələ kəlee, yɛ pɛli kɛi ká yəi; ɛlɛɛ, káá nwɔ̨nɔ̨ pɛli kóló lɛlɛɛ huwui lɔpee gəlee kɛi la.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Ifisiɛŋ 1:2

Gu Ną́n Yálá da gu Ną́mu Jesus Kristə di wɔ nɛ̨ɛ̨laa da di wɔɔ liilaa ə kɛ ká pɔ.

Tɛsalonikə dɔlɔɔ 1:5

Gbala ə tɔɔ, nwɛlɛɛ lɛlɛɛi ku naa həlii, hvo kɛ pa li ká pɔ, a woo kpɛli-kpɛli, kɛlaa ə kɛ a huwalawalalaa, a Kili-Mąąhəɠɛɛ kɛ mɛ̨nį, naa kulaa kpɔ a neelee. Ɛlɛɛ, bələ kpɔ ɓə ə kɛ la, káá kpinįi ká kilaa ponoɔi tii ɉu, yili ə həli tii kuɔ ká pɔɔli, ká mąą mɛ̨nį ɓa.

Timote dɔlɔɔ 1:1

Polə, Jesus Kristə ŋą kɛla, yɛ bələi gu nwun mąąɓomun Yálá ə dí la, da Jesus Kristə yai a gu wɔ kilitɔɔi.

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Samuɛlə dɔlɔɔ 1:18

Anə yɛ mą: «Yálá ə hvaa mą, ə́ nwɔ luwɔ nɛ̨ą ə́ ə́ lii hon.» Anə ə li, ə kɔ̨nɔ̨n mįi, ɲɛ̨ilai kɛ pələ ə ɓo a dee.