Lomaŋ 12:16 - Yálá laawoo hɛɓɛ (dc)

¹⁶ Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Yálá laawoo hɛɓɛ

¹⁶ Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Bible

¹⁶ Ka tûa a kákîe-ni a ǹɛ́lɛɛ; káfè kɛ̀ a su-mɛni-kɛtɛ-ƃela, ka ŋa-yeŋ-ƃela ka kɛ́ kákîe-ni dîa; káfe kákpîŋ kɛ̀tɛ.

Lomaŋ 12:16 ပူးပေါင်းရင်းမြစ်များ

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Zôo 36:5

Ə́ kiliŋąhiɛ Yálá nwɔ kɛnɛ̨ laa ɓa, nwɛi hva kɛ diɛ, gáá yɛlɛ kulɔi ɉu, a gɛnɛ̨ pələ lɛ gɛ mɛ̨nįɠaa kəlee hu.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Hanwon 19:22

Hɛn da gwɛli nu yəi ya ɓaa a kulɔ nwoo ɓa laa, yili ɓa, yeehvowolomun viɛlaɓoɔi lɛɛmun ma

Hanwon 19:7

Yeehowolomun gaayɔɠoa da nwɛli kpɛɛ diɛ. Gu hvo mun, kɛ mɛlaa yiiɠaai da di mąą kwɛa mą. Ɓɛlɔwai a kɛ pɔ ə mɛ̨nį too la diɛ, di hva kɛa kɛ laa.

Hanwon 26:12

Yá nu ta kaa, yɛ gbɔwɔ kɛ a kilimąą mun? Nu kilitɔɔ kilikpɛɛgwəi mun ma, viɛlaɓoɔi nu taaləi tii ɓa.

Hanwon 26:5

Kilikpɛɛɲəimun nwoo ɲąą pənə a nwɔ hupumąą woo, əgɛ hvo pa gbɔwɔ kaa yɛ kilimąą mun.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Azaya 5:21

Kpalo ɓɛlaai diɛ, da di kpɔwɔ kaa a kilimąą nuą, diɛ di kpɔwɔ kaa di kwəi pələ, a mɛ̨nį kɔ́lɔn nuą.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Ɉeremi 45:5

Mɛ̨nį kpɛa kpɛaɠaai mąą lii kaa ə́ kwəi, ə́ kili həɠə laa, gáá mɛ̨nį nwąnąą laai nu kəlee ɓa. Kɛlaa, ə́ wɛi, gáá ə́ wɔ yɛnɛ̨ɛ̨ laahɔn moi nɛ̨kpɛlɛɛ ɓɛi lɔpee yá li laa.›»

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Lukə 14:13

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Lukə 6:20

Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Gɛlaɠaa 4:32

Laa na nuą kəlee yee lɔ kɛ gee hu, di yəi hɛnŋąa kəlee pɛlɛɛ gee ɓa, kiliŋąhiɛ tɔ̨nɔ̨ hu. Nu tɔ̨nɔ̨ kpɛli hvo kɛi kɛ diɛ: «Yii ɲə́i, ɲą́ą́ dɔ̨nɔ̨ nwɔ́ɔ́ li.»

Lomaŋ 11:20

Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Lomaŋ 11:25

Nąn nonnii, və́ bɔ ká hvo lɛɛ kwəi pilimąą hu, mɛ̨nį looŋąą ŋɛ̨i mąą mɛ̨nį ɓa, ə gɛ, ka hvo pa ka kpɔɔ kaa yɛ kilimąą nuą; Israɛlə lonnii bələ tɔ̨nɔ̨ kili walawala pələ kaa pai lɛɛi ɉu, ə lɛɛ ɉu, huwu takpɛliɠaa di di lɔi hɔlɔɓo.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Lomaŋ 15:5

Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Lomaŋ 6:2

Gɛ́ diɛ: Kpaa! Akɛ gwaa haa nɛ̨ŋɛ̨n ma, gwa pɛli nwɔ̨nɔ̨ yɛnɛ̨ɛ̨ kɛ pələ kɛi ləi nɛ̨ŋɛ̨n Ɉu?

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 4:10

Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Korɛntə dɔlɔɔ 6:5

Yii ŋɛ̨i gáá moi, yili kaa a ká nwumɛ̨ mɛ̨nį. Akɛti, nu ta hvo ka lɔwai yii kili kaa mą, yɛ pɛli ka lɔwai mɛ̨nį ɓoi?

Korɛntə dɔlɔɔ 8:2

Kɛlaa nu a gbɔwɔ kaa yɛ mɛ̨nį kɔ́lɔn mun, a kɛ tii, hvo gɔlɔn yɛ bələi kɛ mąąnɛ̨ɛ̨ ə gɔlɔn na.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Filipə 3:16

Mɛ̨nį kəlee ə mą kɛ, bələi ŋɛ̨i háákələi ka gu kaa mɛ̨i, ka gu lɛɛ lɔ mɛ̨i.

Filipə 4:2

Nɛ̨ą hveelɛi ŋɛ̨i, Evodi da Sɛntikə, gáá nɛ̨ɛ̨mąą hvəə diɛ, gɛ́, di nɛ̨ɛ̨ a di kee, gu Ną́mu hu.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Piɛrə dɔlɔɔ 3:8

Yili pulu, ká kəlee ka wɔ kiliŋąhiɛ ə kɛ tanɔ̨n, 'ká kwəi mɛ̨nį ə kɛ tanɔ̨n, lee-lon nwɛlikɛmąą laa, ɲɛ̨imąąwɛlikaa da kpɔwɔ mąą yɛɛ laa ə kɛ ka yəi ka keeni mąą mɛ̨nį ɓa.

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.

Zɔ̂ŋ Zaaƃai 1:9

Ŋą́ hɛɓɛ tɛɛ gbɔn ma. Kɛlaa, Diotrefɛsə, yai gbɔwɔ tɛ mɛ̨nį tɔwɔ wɛli kaa mąi, hvo ku kɔlɔn ni.