Lomaŋ 11:36 - Yálá laawoo hɛɓɛ (dc)

³⁶ Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Yálá laawoo hɛɓɛ

³⁶ Gbala ə tɔɔ, hɛn gəlee a həɠə ɲee ɲą, ya ɓə gəlee pɛli, gəlee ə ɓo a nwɔɔ. Mąąwiɛ ə kɛ mą a yələ kəlee, kɛi a mo tii Yálá ə kɛ! Mįiną.

Bible

³⁶ Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Lomaŋ 11:36 ပူးပေါင်းရင်းမြစ်များ

Mąątɛ̨nɛ̨ 115:1

Kuɔ hvəi, Yai-Laa, kuɔ hvəi mąąnɛ̨ɛ̨ ku mąąwiɛ hɔlɔɓo; kpələ́! Kuɔ hvəi, kɛlaa yili mąąnɛ̨ɛ̨i ə kɛ Ə́ laa mąąhəɠɛɛ ɓa, ə́ wɔ wɛlikɛmąąlaa, da ə́ wɔ tɛ̨ą mąą mɛ̨nį ɓa.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Hanwon 16:4

Yai-Laa ə mɛ̨nį kəlee kɛ mɛ̨nį nwun gɛ mą. Ə mą kɛ, nwąnąlɔmun mə, ə bɛli mąąwɛli yələ mąą mɛ̨nį ɓa.

Azaya 42:12

Nuą di Yai-Laa laa tɛ, di mąątɛ̨nɛ̨ wələɠaa too gboloyá hɛ̨ąi lɔiɠaa hu.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Gɛlaɠaa 17:28

Hvo gaai: Yaa tii ɉu ɓə, gwa yɛnɛ̨ɛ̨ kɛ laa, guɔ gu tumun, guɔ nɔ̨ɔ̨; yɛ bələi ka wɔ mɛ̨nį kɔ́lɔn nuą taɠaa di bɛ̨ɛ̨ la, diɛ kɛ: Gu kaa a ɉuwu ta.»

Lomaŋ 16:27

Yálá tanɔ̨n gbən yai mɛ̨nį kəlee kɔ́lɔn, mąąwiɛ ə kɛ mą, Jesus Kristə laa hu, a yələ kəlee! Ə kɛ ti.

Korɛntə dɔlɔɔ 11:12

Mąąhɔlɔɓo, yɛ bələi di nɛ̨ɛ̨nu kulɔ la hulɔnu hu, pələ lɔ ɓə nɛ̨ɛ̨nu yaa kpɛli a hulɔnu kaa la, gəlee hveelɛi di həɠə Yálá pɔ.

Korɛntə dɔlɔɔ 8:6

gu wɛi Yálá tanɔ̨n gbən mə gu yəi, a gu Nąn, yai hɛn gəlee a həɠə bɔ, bɔ pələ lɔ ɓə nwɔ̨nɔ̨ gu kaa lii la, ɛlɛɛ, gu Nąmu ə ɓo tanɔ̨n, yai a Jesus Kristə; yai hɛn gəlee kaa yɛnɛ̨ɛ̨ ɉaalai, guɔ ɓo ɲee kɔnma.

Galatə 1:5

Mąąwiɛ ə kɛ yaa tii mą a yələ kəlee! Mįiną!

Ifisiɛŋ 3:21

mąąwiɛ ə kɛ mą, nwɔ kpɔn hu, da Kristə Jesus hu, huwu kəlee lɔwai, kwɛlan gəlee yee mu, kpɛɛ hvo kɛ mą! Yálá ə kɛti!

Filipə 4:20

Mąąwiɛ ə kɛ gu Ną́n Yálá ɓa, a yələ kəlee, ɲɛ̨n deei hvo mą! Amįįną!

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Timote veelɛ 4:18

Gu Ną́mu kaa pai gúlɔi mɛ̨nį ɲɔ̨n gəlee yəi, ɛlɛɛ, ə málo ŋą yələkɔlɔn ɉu tɔɔlaai mąą mɛ̨nį ɓa. Mąąwiɛ ə kɛ mą a yələ kəlee kpɛɛ hvo mą! Yálá ə kɛti.

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 5:11

Yaa ti ɓə ɉəɛ hɛn gəlee mɛ̨i a kwɛlan gəlee da nwɔɔ! Yaa lɔ ɓə a kɛ!

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Zûu 1:25

Yálá kɔw tanɔ̨n tii a gu ɓalomun, gu Nąmu Jesus Kristə laa hu, mąąwiɛ, kɛnɛ̨ laa, huwalawala da heeɓolaa ə kɛ mą, yiihu ə lɛɛ ɉu wɔ, Yálá ə kɛ!

M̀ɛni-lɛɛi 19:1

Yili pulu, ŋį́ tín da mɛ̨n yɛ nu kpulu kɛnɛ̨ɛ̨ huluun nwoo yələkɔlɔn ɉu, diɛ kɛ mą: «Kánįkookwəi! Ɓalo mɛ̨nį, mąąwiɛlaa, ɛlɛɛ, da huwalawalalaa kaa a ku wɔɔ Yálái nwɔɔ.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 7:10

Diɛ tomą a di woo kɛnɛ̨, diɛ kɛ mą: «Ku wɔ Yálái ɓə ɓalo mɛ̨nį kaa a nwɔɔ, yai heeni dɔɔkpəlin ɉu da Mɛlaa Lon.»

M̀ɛni-lɛɛi 7:12

Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»