Lomaŋ 11:33 - Yálá laawoo hɛɓɛ (dc)

³³ Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Yálá laawoo hɛɓɛ

³³ Ee Yálá nwɔ yəi kɛnɛ̨laa kpon ɉu kwɛaa ɓə-e! Nwɔ kili da nwɔ mɛ̨nį kɔ́lɔn ŋąą hu kɛnɛ̨ɛ̨ ɓə! Nu kili hva pɛli nwɔ mɛ̨nį hutɔɔ pələ kpaɠala kaai! Nwɔ pələi hukpinįɛi!

Bible

³³ Óo Ɣâla ŋɔtárei da ŋɔmɛni kɔlɔŋɔɔi nyíi-ŋai dísiŋɔɔ̂i dítɔɔ-laai sui! Berei káa ŋɔmɛni ŋa-teɛɛ-ŋai kúfa pɔ̂ri maa-kɔrii la da ŋɔpere-ŋai nyíi dɛɛi kúkili-ŋa-siai mai!

Lomaŋ 11:33 ပူးပေါင်းရင်းမြစ်များ

Zôo 10:13

Kɛlaa, yii ə́ kɛi ə́ kiliŋąhiɛ mą, ya ka: Ŋą́ gɔlɔn gɛ́, mɛ̨nį ta ə kɛ ə́ kwəi, yɛ hvilɛn na mą́ą́,

Zôo 15:8

Yaa ta Yálá nwɔ loo mɛ̨nį kɔ́lɔn? Yɛ́ pɛli pilɛi la kili kɛ ɲəi hu?

Zôo 23:14

Yili ɓa tii, gɛɛ lɔ pai nwəli tɔɔi nwóó ɓa ɓəi?

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Zôo 33:13

Lə mɛ̨nį ɓa ə́ kaa hvaa kwɛlii Yálá ɓa, Yaai hva mɛ̨nį ta pɔɔ kulɔi?

Zôo 37:19

Yii mąąnɛ̨ɛ̨ gu mo Yálá ɓa, nɛ mą́ą́, gu kɛ mɛ̨nį kpinį hu, mąą hvo nɛ̨ɛ̨li, gu hvo kiti too na.

Zôo 37:23

Gaa a Huwalawala Kəlee Nąmu, gu hva pɛli həlii ma, gɛnɛ̨ɛi yeetɛɛmąą laa hu, gɛnɛ̨ɛ tələnmolaa hu. Gaa a tələnmolaa Nąmu, hva nu ta nwɔ tɛ̨ą mɛ̨nį kpəlaan.

Zôo 5:9

Ya ɓə a mɛ̨nį kpɛa kpɛa kɛ, yii nu kili hva gbaɠala kaa. Mɛ̨nį kpɛa kpɛai nu hva pɛli nonon ɉii.

Zôo 9:10

Ya ɓə hɛn gbɛa-gbɛaɠaa pɛli, yii nu kili hva gbaɠala kaa, nwɔ kpalo mɛ̨nįɠaai a gɛ, nu hva pɛli gəlee kwɛdɛn ɉii.

Mąątɛ̨nɛ̨ 139:6

Gɔ́lɔ́n bələ taaləi tii ə́ yəi, yili yee tɛɛi mą́ą́, Nąnŋąąi mɛ̨́i, vá pɛli həlii mą!

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 36:6

Yai-Laa, ə́ wɔ wɛlikɛmąąlaa kaa yələkɔlɔn ɉu, yɛ́ kulɔ nwoo ɓa laa, yɛ həli kpɔ tulɔ kpinįnŋaa diɛ.

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 92:5

Mąąhɔlɔɓo, ə́ kɛ mɛ̨nįɠaa da gwə́inɛ̨ɛ̨, Yai-Laa! Ɛlɛɛ, ŋą kɛi ə́ yee ŋą kolóɠaa kaa, ŋą pili yələi, gɛ́ tomą a kwəinɛ̨ɛ̨.

Mąątɛ̨nɛ̨ 97:2

Mąątinɛ̨ŋąąi a kpinį da tulɔ kpinįn, tələnmolaa da tɛ̨ą ɓə a nwɔ tɔɔ kpəlin kɔ́wɔ hvilɛn ɉɛn.

Hanwon 25:2

Yálá nwɔ mąąwiɛ ɓaa, loo mɛ̨nį lɛɛ noo pələi. Tɔɔɓɛlaa di wɔ mąąwiɛ ɓaa, di mɛ̨nįɠaa mąąkpɛɛ.

Hanwon 25:3

Bələi yələkɔlɔn mąą kwɛa la, bələi lɔi kpon ɉu kwɛa la, bələ kpɔlɔɔ ɓə nu hva pɛli tɔɔɓɛlaa di wɔ kiliŋąhiɛ kpon ɉu kaai la.

Ikilisiati 3:11

Yálá ə mɛ̨nį kəlee lɛlɛ ə bɛli nwɔ yələ ɓa. Mɛ̨nįɠaai Yálá ə gɛ, di lɛlɛɛi lɔ a di wɔ yələ. Ɛlɛɛ, Yálá ə Yálá-taa kili too nu hu. Kɛlaa, ə mą kɛ tii, nu hva pɛli Yálá kɛ mɛ̨nįɠaa kɔ́lɔn ɉi, ə həɠə kpɔ gɔwɔ tɔɔi yələ ɓa, ə həli la naa kulɔi ɓa.

Ikilisiati 7:24

Mɛ̨nįi gaa ju, ŋąą kɛnɛ̨ pələ, da gbon ɉu kwɛa pələ, gbɛɛ ɓə a pɛli gbaɠala kəlee kaai?

Ikilisiati 8:17

Ya ɓə ŋį́ Yálá kɛ mɛ̨nįɠaa kaa, gɛ́ diɛ: nu hva pɛli Yálá kɛ mɛ̨nįɠaa hukpɛi ɓɛ yələkɔlɔn mu; bələi mąn nu kanŋaa kaa tɔɔi la a di nwąnąi diɛ gwɛli. Ə mą kɛ, kilimąą mun a kɛ diɛ: «Ŋą́ gɔlɔn!» Hva pɛli Yálá kɛ mɛ̨nįɠaa pulu kaai.

Azaya 28:29

Mɛ̨nįɠaai tii kəlee di həɠə Yai-Laa Mɛ̨nį Kəlee ŋą Hééɓomun pɔ, yai gaa a liɛwoo kɛmunn nɛlɛɛ, mɛ̨nį kəlee kɛ kpaɠala ə ɓo mą.

Azaya 40:28

Gbaɠala hvo mɔ̨ɔ̨ yɛ́, ɛlɛɛ, hvo ta mɛ̨n ni diɛ kɛ diɛ: Yai-Laa ɓə yələ kəlee Yálá? Ya ɓə lɔi piliɛ gee mɛ̨i pɛli, vii hva kpɛɛ, vaŋą ta hva kulɔ mą; nu hva pɛli nwɔ kili kɛ ɲəi laa kɔ́lɔn ɉii.

Lomaŋ 2:4

A wala kɛti, ə́ ɲɛ̨i tɛɠɛ ɓoɔ ɓə mɔ̨ɔ̨ Yálá nwɔ mɛ̨inɛ̨ɛ̨ pələ da nwɔ lii kpələ hu? Hvo gɔlɔn yɛ mɛ̨inɛ̨ɛ̨ ti gaa gɛi yɛ, gaa gɛi ti, ə gɛ, ə́ ə́ hɔn mąąhvalin?

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Korɛntə dɔlɔɔ 2:10

Yaan, guɔ ɓə Yálá ə nɛ guɔ, nwɔ Kilii háálai. Hvo gaai, Yálá nwɔ Kilii ɓə a mɛ̨nį kəlee hukpɛ, ə mą kɛ, Yálá nwɔ mɛ̨nį pɛliɛɠaa.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Ifisiɛŋ 2:7

Yálá lii nɛ̨ɛ̨i mɔ̨ɔ̨ gwəi gu pɔ, Jesus Kristə háálai, Ə kɛ bɔ, ə nɛ, ɲɛnɛ̨ɛ̨i pai tɔwɔ pələ ɉu nuą diɛ, bələi nwɔ nɛ̨ɛ̨laa hu kɛnɛ̨ɛ̨ la, gɔɔnmąą hvo mą.

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 3:16

Ŋą́ vɛli gɛ́: yɛ bələi nwɔ hɛn Nąmu laa kaa la mąąwiɛlaa hu, ə ka huwalawala, ə ka hvaŋąlɔ nwɔ Kilii háálai yai gaa ka hu.

Ifisiɛŋ 3:18

Ə gɛ, ká pɛli hvaŋą hɔlɔɓoi, káá pɛli mɛ̨nį loɔi tii, ɲąąkɛnɛ̨ pələ, gwɛa pələ, dɔɔmɛ̨i da gbon ɉu kwɛa pələ kɔlɔn ɉii, ká Kristalɛa kəlee.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!