Lomaŋ 11:20 - Yálá laawoo hɛɓɛ (dc)

²⁰ Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Yálá laawoo hɛɓɛ

²⁰ Tɛ̨ą li! Di di tee, a di wɔɔ kulɔ nwoo mu laa pɔɔ. Yáá tɔɔ di tɔɔi ə́ wɔ laa na la mąą mɛ̨nį ɓa. Gɛ a nɛlɛɛ, hvo ə́ huɲąŋą kɛnɛ̨, yɛ́mun ɲɔw.

Bible

²⁰ Gáa a tɔ̃yâ. Dí díɣale, kpɛ́ni fêi, laa-la fe kɛ́ ni díyêei, kɛ́lɛ, ya tɔ̂ɔ nɔ́ a gbanaŋɔɔ, kpɛ́ni fêi, laa-la káa íyeêi. Mɛni ma ífe yoŋka tèe, kɛ́lɛ, tɔɔ Ɣâla ŋɔyao-maai su.

Lomaŋ 11:20 ပူးပေါင်းရင်းမြစ်များ

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Mąątɛ̨nɛ̨ 138:6

Yai-Laa kaa hɛn gəlee nwun mɛ̨i yələi kwɛaa la! Nui kɔ́lɔn və mą, yɛ gaa! Yɛ humɛ̨ni kɛnɛ̨mun gaa kwɛaa la.»

Hanwon 28:14

Nwun na nɛ̨ɛ̨mun maa, nui a ɲɔw mɛ̨nį ɲɔ̨n ma. Kɛlaa, nui a gili walawala mɛ̨nį ɲɔ̨n gɛɛ hu, ya ɓə kpalo a gaa.

Hanwon 28:26

Nui a gilitɔɔ gbɔwɔ ɓa, ɓowomun ni. Kɛlaa, nui a hiɛ a kilikɛɲəilaa, mąą nu a ɓalo.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 2:17

Nuą di wɔ kpɔwɔŋąą kɛnɛ̨ mąą a yɛɛ, nuąi di huɲąŋą kɛnɛ̨, da di laa pɛlɛi pɔlɔ ɓa. Mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Azaya 7:9

Ɛfraimə lɔi daa lee ɓaa Samari, ɛlɛɛ, Remaliahu lon nwɔ tɔɔlaa kɛi lɔ ɓaa Samari. Ka wala laa na, ka hvo pai lamui.»›»

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Sofoni 3:11

Mąą yələi tii, hvó pai nwumɛ̨i, ə́ kɛ mɛ̨nį ɲɔ̨nwɔ̨ɔ̨ɠaa mąą mɛ̨nį ɓa, yɛ́ kɔ́ pɛlɛ mą́ą́. Gbala ə tɔɔ, nąąlɔwai, gbɔwɔ ɲąą kɛnɛ̨ nuąi tii, da kɛ di nwun dɛi, ŋą́ kɛ kɛa, a di hukalaa ə́ lɔwai, ɛlɛɛ, hvá kɛa humɛ̨ni kɛnɛ̨ kulɔ nwɔ́ yee mąąhəɠɛɛ nwuɔ̨.

Lukə 18:14

Jesus yɛ diɛ: «Gáá moi kaa, nįįhɔ̨nwɔ̨ kulɔ mun tii, ɓɛlɔwai ə kɛi li la bɛlɛ́ laaləi, da Yálá di lɔwai pɛliɛ kɛa kɛ. Kɛlaa, Farisiɛ̨ tii nwɛi hvo kɛ tii, mąąhɔlɔɓo, nui lɔpee a nwun dɛ, da nwun ɲɛ̨ɛ̨, nui a gbɔwɔ mąą yɛɛ, da mąą tɛ.»

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Lomaŋ 11:18

Yili ɓə gaa mą, olivie gbaɠaɠaai ti di dee mą diɛ ə́ kąną bala ɲái, hvó di ɓɛlɛkpɛɛ diɛ. Yá pɛli ə́ kpɔɔŋąą kɛnɛ̨i ləi? Yɛ́ hvəə ə́ kaa a nwului ti ɉamu kɔ̨nɔ̨n gɛi, kɛlaa yaamun ya ɓə ə́ kɔ̨nɔ̨n gɛi.

Lomaŋ 11:21

Mąąhɔlɔɓo, akɛ Yálá hvo nwɔ hin-nwului gbaɠa mąąwɛli kaa li, hvo pai ə́ mąąwɛli kaai yɛ́ kpɛli.

Lomaŋ 12:16

Ka nɛ̨ɛ̨ a ka kee, nu ta hvo gbɔwɔ ŋąąkɛnɛ̨. Mɛ̨nįi kpɔwɔ mąąyɛɛlaa kaa ɉu, nwɛli ə too kaa; ká hvo ká kpɔwɔ kaa a kilimąą nuą.

Lomaŋ 12:3

Mɛ̨inɛ̨ɛ̨i Yálá aa gɛ mą́ą́ ɉaalai ɓə gɛi, gɛ́ kɛ káá: 'Ká hvo ka kpɔwɔ hviala ɓo, kiliŋąhiɛ lɛlɛɛ ə kɛ kaa. Laa na laai Yálá aa dɛɛ ka pɔ, nu kəlee ə gbɔwɔ kaa yili hu.

Lomaŋ 3:3

Gwa pɛli kɛi lə? Akɛ nu taɠaa di hvo kulɔ li di woo ɓa da Yálá ni di lɔwai, Yálá nwɛi, a pɛli moɔ nwoo lɛɛi?

Korɛntə dɔlɔɔ 10:12

Yili ɓa, nui a giliŋąhiɛ yɛ gaa tɔɔni, ə gɛ a nɛlɛɛ, hvo pa too.

Korɛntə dɔlɔɔ 15:1

Ną́n nonnii, gáá gili tooi ká ɲą gɛ́ kaa: Nwɛlɛɛ lɛlɛɛi ŋą́ naa həli káá, yai ka ká yee hee mu, ka kąnąnŋąą mai,

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Korɛntə veelɛ 10:5

ɛlɛɛ, da ɲɛ̨itɛ mɛ̨nįi lɔpee a kɛ ə tɔɔ Yálá kɔlɔn mɛ̨nį la. Kwa kiliŋąhiɛ kəlee hon a luwɔ, diɛ pɛli lɛɛi Kristə woo mu;

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Tɛsalonikə veelɛ 2:4

yai a tɔɔ, hɛn kpɔ da kɛ mą: yálá gəlee la, yɛ kɔ pɛlɛ kwɛli hvilɛn mɛ̨nį kəlee ɓa, yaa kpinįi, yɛ li kpɔ yɛ hee Yálá ŋą pɛlɛ́i mu, yɛ gbɔwɔ kɛ a Yálá.

Timote dɔlɔɔ 6:17

Nuąi a hɛn gɔw nąmįną ɲɛnɛ̨ɛ̨ ŋɛ̨i hu, mo diɛ, di hvo kɛ di kaa di kpɔwɔ ɲąąkɛnɛ̨i ɉu, di hvo kɛ di kaa di kilitɔɔi hɛn gɔwi gaa a tɛɛi, mą; kɛlaa, di di kilitɔɔ Yálá ɓa, yai a gu kɔ a mɛ̨inɛ̨ɛ̨ɠaa, a ɉu kɛnɛ̨ɛ̨, guɔ ɲąąnɛ̨ɛ̨ kulɔ.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Hebreu 3:19

Gu ɲɛ̨i kaa mą, di tɔ̨nɔ̨ kpɛli hvo pɛli lɔi, a di wɔɔ kili walawala laa laa pɔɔ.

Hebreu 4:11

'Ká gu gu mąą hulɔ kani, gu lɔ vįitɔɔ tii hu, ə gɛ, gili walawala lii tii, hvo pa nu ta too.

Hebreu 4:6

Yili ɓa, yii kpɔ yaan nwoo ə lɛ lɔ a nwoo, ɛlɛɛ, nu tɔlɔɔɠaai nwɛlɛɛ lɛlɛɛ tii mɛ̨n, di hvo lɔ, a di wɔɔ kili walawalalaa laa pɔɔ, dakpɛliɠaa da pɛli di lɔ,

Zĩi 2:19

Ə́ laai na yɛ́ kɛ, Yálá kaa taanɔ̨n? Yáá gɛ a lɛlɛɛ. Ɲįnɛ̨nŋaa diɛ kpɛlimąn di laai lɔ ti na, ɛlɛɛ, yɛ di mąą kpɛlin.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Piɛrə dɔlɔɔ 5:12

Ŋį́ ɉɛɓɛ́ kpuɔ lon ŋɛ̨i tɛɛi kaa, Silvɛn nwɔ kpɔnmąą háálai, yai ŋą́ gaa yɛ néélon, dələnmoɔ, gɛ́ ká hvaŋąlɔ, ɛlɛɛ, gɛ́ kɛ káá, Yálá ŋą nɛ̨ɛ̨laa kpɔ-kpɔɔ ka tii káá kąnąn mą.

Piɛrə dɔlɔɔ 5:9

'Ká tɔɔ na laa na laa hu, ká kili ə pu ɉu káá, bələ lɔ ɓə ká kaayɔɠaa kaa mɔ̨nɔ̨ mįi la yɛnɛ̨ɛ̨ nąą kəlee.

M̀ɛni-lɛɛi 18:7

Bələi lɔ ə ɲąąnɛ̨ɛ̨ kulɔ la nwɔ mąąwiɛ laa hu, bələ lɔ ɓə 'ká mɔ̨nɔ̨ɓo la, ɛlɛɛ, 'ká mąąwɛli. Hvo gaai, ə kɛli mo gwəi pələ, yɛ kɛ: Gáá heeni yɛ tɔɔnɛ̨ɛ̨nu, və́ a galanin, və́ kpɔ pai mąąwɛli mɛ̨nį kaai.

M̀ɛni-lɛɛi 3:17

Gbala ə tɔɔ, yá kɛ kɛi diɛ: ‹Hɛn gɔw kaa ɲə́i, mą́ą́ kpaan və hɛn da ɓa›, ɛlɛɛ, ə́ kili hvo ɉu, yɛ́ kɛ, ə́ hvɛɠɛɛi, ə́ mąąwɛliɛ, ə́ yee ɲą kpɛɛ, ə́ ɲɛ̨i puɔ, ɛlɛɛ, yɛ́ ɓo a ə́ kpuwulu,