Lomaŋ 11:2 - Yálá laawoo hɛɓɛ (dc)

² Yálá nwɔ nuąi ə gbɛa kɛ di kɔ́lɔn a bɔlɔ, hvo lənə li diɛ. Ɓɛi ŋɛ̨i Eli kaa nwoolaai laa Israɛlə mąą mɛ̨nį ɓa Yálá lawoo hɛɓɛ́ hu, ká hvo mɔ̨ɔ̨ nąą kɔ́lɔn!

Yálá laawoo hɛɓɛ

² Yálá nwɔ nuąi ə gbɛa kɛ di kɔ́lɔn a bɔlɔ, hvo lənə li diɛ. Ɓɛi ŋɛ̨i Eli kaa nwoolaai laa Israɛlə mąą mɛ̨nį ɓa Yálá lawoo hɛɓɛ́ hu, ká hvo mɔ̨ɔ̨ nąą kɔ́lɔn!

Bible

² Ɣâla fe bôlu tɔ̂ɔni ŋɔnûai dîa, nyíi-ŋai e díkɔ̀lɔŋ a maa-ŋuŋ. Káfe mɛnii kɔ́lɔŋ Ŋ̀âla-kɔlɔi a mò e pîlaŋ Ilaza ma, berei e Eezuɛ-ŋai maa-ŋ̀wana-lɔ̂ɔ lɔ la Ɣâla mai?

Lomaŋ 11:2 ပူးပေါင်းရင်းမြစ်များ

Zɛnɛse 44:15

Ɉosɛfə yɛ diɛ: «Lə mɛ̨nį ɓa, ka gɛ tii a ɲą́ą́? Ka hvo gɔlɔn kaa diɛ gáá a nui a pɛli ə mɛ̨nįɠaa tii kpaɠala kaa?»

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Mąątɛ̨nɛ̨ 94:14

Mąąhɔlɔɓo, Yai-Laa hva gili kulɔ nwɔ nu huwui hu, hva lɛ̨ą gwɛlin ma tanɔ̨n gbɛli.

Lɛɛ gbɔwɔ ɓa 32:1

Yii kɛa nuą di gaa diɛ Moisə aa lamu ɲee ɓa, nuą di pa a di kpulu Aarɔn kwɛlɛ diɛ mą: «Ə́ muhəɠə, ə́ hali pɛli kuɔ, ə pələ kulɔ a kuɔ, hvó gaai, Moisə ŋɛ̨i ku kulɔ Eziptə lɔi hu, ku ɲɛ̨i hvo kɛa mą, mɛ̨nįi laa mą, ku hvo gɔlɔn.»

Ɉeremi 31:37

Yai-Laa woo ka, yɛ diɛ: «Akɛ nu a pɛli yələkɔlɔn goloon gɔɔn ɉii, akɛ nu a pɛli lɔi kpon ɉukwɛa pələ kɔ́ɔn ɉii, akɛtii, ɲą́ą́ gbɛli, ŋį́ pɛli gíli kulɔi Israɛlə nuą hu, di túwɔ́ hɔn mąą mɛ̨nį ɓa. Ɲą́ą́ Yai-Laa nwóó li!»

Lonon mo 16:15

Moisə lii ə holi kpɔ kɛnɛ̨, yɛ Yai-Laa ɓa: «Hvó ə́ yee hee di wɔ kɔ́ɓo hɛn mu. Və́ ta kpɛli hoohvaalən gulɔ li di yəi, və́ ta hvulu mɛ̨nį kɛ li a di ta.»

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Lukə 4:1

Jesus kulaa kɛa Ɉurdɛn hu, Kili-Mąąhəɠɛɛ ə naahvɛɛ. Kili ə ɉəɠə ə li la nɔi pun ɉu.

Ɉaan 4:11

Nɛ̨ɛ̨nui tii yɛ Jesus ɓa: «Ną́n ɲá lɔwai ŋɛ̨i hu kwɛaai, ə lɛɛ, ya kulɔ hɛn da hvo ə́ yəi, ya yɛnɛ̨ɛ̨ kpɛɛ hvo mą yai tii haɠa mį?

Gɛlaɠaa 13:48

Nwoo tii ə huwu takpɛliɠaa kwəinɛ̨ɛ̨ kpɔ kɛnɛ̨, diɛ Yálá laawoo mąątɛ̨nɛ̨, ɛlɛɛ, nuąi kpɔ kɛ di təliɛ ɓalo hva kpɛɛ ɓa, di di yee hee Yálá laawoo.

Gɛlaɠaa 15:18

A gwəi kiliɠaa ti kɛ ə kɛ a di kɔlɔnŋąą wɔlɔ-wɔlɔ ɓa.›»

Gɛlaɠaa 3:17

«Kɛlaa yaamun, nąn nonnii, gílí kaa ɉu gɛ́ ká tuwɔ́ tii, ká tɛɠii, ə mą kɛ ka ɲɛ̨itɔwɔ nuą.

Gɛlaɠaa 7:40

Ya ɓə gɛ, diɛ kɛ Aarɔn ɓa: ‹Yálá pɛlɛɛɠaa pɛli kuɔ, di hvilɛn ku tɔwɔ, hvo gaai, Moisəi ŋɛ̨i ku kulɔ Eziptə lɔi hu, mɛ̨nįi aa həli mą, ku hvo gɔlɔn.›

Lomaŋ 6:16

Ka hvo gɔlɔn kaa diɛ akɛ ya kɛi tiɓo kɛ nu ɓa ə gɛ ə́ nwoo hon, ə́ kaa ɲəi yɛ luwɔ. Yili ɓaa yɛ: Nɛŋɛ̨n yii a nu lɔ haa hu, a wala kɛti, Yálá woo honŋąa yɛnɛ̨ɛ̨ kpɛɛ hvo mą a nu lɔ tələnmo laa hu.

Lomaŋ 9:23

bələ ɓə Yálá ə kɛ la bɔ ə nwɔ mąąwiɛlaa too la pono ŋą gu ɲɛ̨i ɓa, a guɔi ŋɛ̨i aa gu ɲɛ̨imąąwɛli kaa, aa gu həɠə ɉu, ə gɛ, gu nwɔ mąąwiɛlaai ta hɔlɔɓo.

Lomaŋ 9:6

Və́ kɛli diɛ: Yálá nwɔ mįnɛ̨i kalaa li. Kɛlaa yaamun, gaa má, nuąi kpɔ Israɛlə pɛlɛ́i mui, gəlee hvəə a Israɛlə lonnii.

Korɛntə dɔlɔɔ 6:2

Ka hvo gbaɠala kɔ́lɔn kaa diɛ, Yálá nwɔ nuąi ɓə pai yɛnɛ̨ɛ̨ nuą kiti teei? Akɛ, káá ɓə pai yɛnɛ̨ɛ̨ kiti teei, lə mɛ̨nį ɓa ka hva pɛli mɛ̨nį hvįikpɛɛ kiti teei ka lɔwai?

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Filipə 1:22

Kɛlaa, akɛ ŋą́ lɛɛ yɛnɛ̨ɛ̨, ŋą́ pɛli kólo lɛlɛɛɠaa kɛi, ɲą́ą́ hvə ŋą́ níiɓa həɠə.

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!