Lomaŋ 10:6 - Yálá laawoo hɛɓɛ (dc)

⁶ Kɛlaa, tələnmolaai a kulɔ laa na hu, nwoo ka: 'Hvó kɛ mą ə́ kwəi pələ, gbɛɛ ɓə pai tɛi yələi? Gaa yɛ yá kɛli kɛ ə́ Kristə kulɔ yələi ə́ ɲɛɛ.

Yálá laawoo hɛɓɛ

⁶ Kɛlaa, tələnmolaai a kulɔ laa na hu, nwoo ka: 'Hvó kɛ mą ə́ kwəi pələ, gbɛɛ ɓə pai tɛi yələi? Gaa yɛ yá kɛli kɛ ə́ Kristə kulɔ yələi ə́ ɲɛɛ.

Bible

⁶ Kɛ́lɛ, dɔ̃yâ-laai nyíi a kûla laa-la sui, a mò, ǹyɛɛ, “Ífe mò ílii su, ‘Gbɛ̂ɛ ƃé pâi tɛ̂i Ɣâla-taa?’ (Zu-kulâi ƃa, é pá a Kôrai ǹɔii ma ƃɛ)

Lomaŋ 10:6 ပူးပေါင်းရင်းမြစ်များ

Hanwon 30:4

Gbɛɛ ɓə aa ta tɛ yələi, aa pənə aa yɛɛ? Gbɛɛ ɓə aa ta hvaŋą hon aa ɲee laa kpulu mą? Gbɛɛ ɓə aa ta yá pu mąą həɠə hu, aa gbulɔn? Gbɛɛ lɔi ɲɛn naa? Mąą nu laa ɓaa gbɛɛ? Non naa ɓaa pai kɛi a gbɛɛ? Gbaɠala lɛ mą́ą́ akɛ ə́ gɔlɔn?

Ɉaan 6:33

Mąąhɔlɔɓo, gɔ̨nɔ̨n Yálá a dɛɛ nu pɔ, ya ɓaa yii həɠə yələi ə pa yɛnɛ̨ɛ̨, əgɛ, ə yɛnɛ̨ɛ̨ hva kpɛɛ tɛɛ nuą pɔ.»

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 6:58

Gɔ̨nɔ̨n ka kalapɔlɔni di mįi nɔi pun ɉu, di haa; kɛlaa, gɔ̨nɔ̨n ŋɛ̨i həɠə yələi nwɛi, nu a da mįi a yɛnɛ̨ɛ̨i kpɛɛ hvo mą hɔlɔɓo.»

Lomaŋ 3:22

Yálá a nu kɛ a tələnmomun ɲɛ̨i ɓa akɛ mąą nu a laa Jesus Kristə la. Nuąi da laa Jesus Kristə la, diɛ ɓə Yálá a yili kɛ diɛ. Mąąhɔlɔɓo, nu ta hvo hviala ɓo li mɛlan ma.

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Lomaŋ 4:13

Yili ɓa, dɔn nwoo pɔ yíí ɓoɔ hvəə gɛ, Yálá yɛ yɛnɛ̨ɛ̨ kəlee laakwɛlanmo la Abrahamə ɓa da ɉuwu, a gwɛlin, kɛlaa, nwɔ laa na laa dələnmolaa hu ɓə.

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 11:7

Laa na laa háálai, Noe ə nwəli tɔɔ, Yálá ə pələ ɓo mą, yɛ hvilɛn na mɛ̨nįɠaai pai kɛi, yai nu hva gaa, mąą mɛ̨nį ɓa. Ə Yálá woo kaa a tɛ̨ą, ə kələn da bɛli, yɛ pɛli ɲəi bɛlɛ́n nuą ɓaloi. Bələ ə yɛnɛ̨ɛ̨ kəlee nwun na pili la, ə kɛ a tələnmolaai a hɔlɔɓo laa na laa hu, ŋą kwɛlin ɉəɠəmun.