Lomaŋ 10:18 - Yálá laawoo hɛɓɛ (dc)

¹⁸ Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Yálá laawoo hɛɓɛ

¹⁸ Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Bible

¹⁸ Kɛ́lɛ, ŋa mare-kɛɛ kɛ̂i, dífe mɛni ni? Tɔ̃yâ ma, dí mɛ̀ni; kpɛ́ni fêi, “Ŋ̀âla-woo ƃo-ƃelai wóo a seri ǹɔii gwaa kélee, díwoo a seri ǹɔii kóyaŋ ma.”

Lomaŋ 10:18 ပူးပေါင်းရင်းမြစ်များ

Tɔɔɓɛlaa dɔlɔɔ 18:10

Akɛ Yai-Laa ə́ nwɔ Yálái kaa a vulú, lɔi ta hvo laa, tɔɔlaa ta hvo laa, ɓɛi nwɔ́ mɛ̨nį nąmu Akabə hvo ni nuą tɔɔ li laa, ə́ kwɛli mɛ̨nį ɓa. Akɛ dɔɔlaa tii, a wala kɛ tii, nɔi tii hu nuą da kɛ mą: ‹Hvoo ɓɛ!›, a kɛ diɛ: ‹Ka ka kwɛla, akɛ ka hvo ni gaa li!›

Mąątɛ̨nɛ̨ 19:4

Hvo pɛ̨ɛ̨ li, di woo hva tɔɔ, nu hva di woo mɛ̨n.

Mąątɛ̨nɛ̨ 22:27

Kpɔwɔ mąąyɛɛ nuą da kɔ̨nɔ̨n mįi, di pilɛ ɉu. Diɛi da Yai-Laa kwɛlii, da Yai-Laa laa mąątɛ̨nɛ̨. «Yíipoo, da yɛnɛ̨ɛ̨ ɲąąnɛ̨ɛ̨, 'di kɛ kaa!»

Mąątɛ̨nɛ̨ 98:3

Bələi a Israɛlə nwɔ pɛlɛ́i hon na, a wɛlikɛmąąlaa, da lɛɛ nwoo pululaa, aa gili too ɲą, ə mą kɛ kwɛala lɔiɠaa daa gu wɔ Yálái nwɔ ɓalo mɛ̨nį kaa.

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Maafîu 24:14

Yálá-taa tɔɔlaa yii gaa pai, hvo kɛ li mąą wəlɛɛ lɛlɛɛ laa ə həli yɛnɛ̨ɛ̨ nu kəlee ɓa, ə gɛ, yili ə kɛ a kɛla hvaa nu kəlee ɓa. Yili pulu, yɛnɛ̨ɛ̨ ŋąą yɛ kɛa kpɛɛ.»

Maafîu 26:13

Gáá moi kaa a tɛ̨ą, ɓɛi lɔpee di kaa pai kɛi mą́ą́ wəlɛɛ lɛlɛɛ laa həli la, di kaa pai nɛ̨ɛ̨nu ŋɛ̨i mąą mɛ̨nį ɓoi, diɛ nwɔ mɛ̨nį lɛlɛɛ mɛ̨nį ɓo.»

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Maafîu 4:8

Nąnį ə ɉəɠə laa ə li la nwɔ̨nɔ̨ yee kɛnɛ̨ ta tona; ə yɛnɛ̨ɛ̨ tɔɔlaaɠaa kəlee da ɉu mąąwiɛ lɛ mą.

Markə 16:15

Yili pulu, Jesus ə mo diɛ, yɛ diɛ: «Ka li yɛnɛ̨ɛ̨ nąą kəlee, ka wəlɛɛ lɛlɛɛ laa həli hį́i kəlee ɓa.

Markə 16:20

Galan nɛa di pənə di pulu, diɛ Yálá laawoo laa həli kɛɛnąą kəlee. Ną́mu ə kɛi kpɔnmąą tɛɛ di pɔ́ gólói tii kɛ mɛ̨nį hu, yɛ di wɔ kalan gɛ woo kɛ a tɛ̨ą, kpalo mɛ̨nįɠaa kɛɛ hu.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Lomaŋ 1:8

Gɛɛ və́ mɛ̨nį lɔpee ta ɓo, gáá nwɔ Yálá hɛɠɛɛɓoi Jesus Kristə laa hu ka mąą mɛ̨nį ɓa. Mąąhɔlɔɓo, nu kəlee kaa ka wɔ laa na mɛ̨nį mąą kɛla hvaa ɓoi a nɛlɛɛ.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Tɛsalonikə dɔlɔɔ 1:8

Ká pɔɔli ɓə gu Nąmu laa woo ə həɠə laa yɛ li Masedoanə da Akaiə, kɛlaa ka laa mɛ̨nį Yálá la, bələ aa taɠa-taɠa kɛɛnąą kəlee, ə mą kɛ kpɛli kɛ, ku hvo yili bələ ta ɓo li káá.