Lomaŋ 1:20 - Yálá laawoo hɛɓɛ (dc)

²⁰ Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Yálá laawoo hɛɓɛ

²⁰ Ə həɠə yɛnɛ̨ɛ̨ pɛli yələ ɓa, ə həli la yiihu ɓa, Yálá kɛ pələɠaai nu hva pɛli gaai: nwɔ huwalawalalaai kpɛɛ hvo mą, nwɔ Yálá laa, gəlee kulaai pono ŋą gɛ kólóɠaa kəlee hu. Mɛ̨niɠaa di hu ɓə nuą da pɛli di Yálá kɔ́lɔn naa. Yili ɓa, mąąhvaalɛɛ hvo diɛ.

Bible

²⁰ M̀ɛni-ŋai bîlaŋɔɔi Ɣâla ma nyíi-ŋai kúfa díkàa a kúŋɛi-gaoi, nuu-kpune a díkàa kpɔ́ a zu-ponoɔɔ é siɣe ŋ̀éniɛi kpɛtɛ tãi ma, kpɛ́ni fêi, da díkàa ŋɔkpɛtɛ sãai sârai. M̀aa mɛni-ŋai ƃa ŋɔwɔ́lɔ-wɔlɔ wála-walai da Ŋɔtɔ̃yâ Ɣala-laai. M̀ɛni ma káfalo da kélee fe díyêei.

Lomaŋ 1:20 ပူးပေါင်းရင်းမြစ်များ

Zɛnɛse 1:1

Yálá ə gbɛa tɔlɔɔ yələkɔlɔn da lɔi di pɛli.

Zɛnɛse 21:33

Abrahamə ə wulu ta hin Beɛrə-Seva, diɛ kɛ naa ɓaa: tamarisə. Ə Yálá hvɛli gɛɛnąąi tii, ə Yálá laa hee a: Yai-Laa.

Zôo 12:7

Kɛlaa, huwɔɠaa da nwɛ̨nįɠaa di mąąnikɛ, di kaa pai kili tɛɛi ə́ pɔ, di ə́ mąą kwɛli mɛ̨nį tamąą ɓa.

Mąątɛ̨nɛ̨ 104:31

Yai-Laa Mąąwiɛ̨ pələ, 'ə lɛɛ lɔ laa kpan kpan! Yai-Laa, kɛkólóɠaa di gwəinɛ̨ɛ̨!

Mąątɛ̨nɛ̨ 104:5

Ə lɔi kpalan naa kpɔ tin-tin, tumun və mą a yələi lɔpee ta.

Mąątɛ̨nɛ̨ 119:90

Ə́ haŋąąi a yələ kəlee, ə́ lɔi laa, ɛlɛɛ gaa lɔ naai.

Mąątɛ̨nɛ̨ 139:13

Yɛ́ ɓə nį́i too ɉú, Yɛ́ ɓə dóó néé kwəi.

Mąątɛ̨nɛ̨ 8:3

Lɛapɛlɛɛ, da ɲįnį kpələ lɛapɛlɛɛ woo ɓə, yá gɛ a hįį kpoloon, yɛ́ tɔɔ la ə́ kɔ́yɔwɔɠaa la; yɛ́ ə́ yowo da kálápiliɠaa laakpulu.

Mąątɛ̨nɛ̨ 90:2

Gɛɛ hvó yeeɠaa tɔɔ, hvó lɔi kpalan naa, da yɛnɛ̨ɛ̨ bili-pili gee mɛ̨i, wɔ́lɔ́ wɔ́lɔ́ ɓa, wɔlɔ-wɔlɔ ɓa, Yɛ́ lɔ ɓə ɓaa a Yálá.

Azaya 26:4

'Ka ka kilitɔɔ Yai-laa ɓa a yələ kəlee da nwɔɔ, Yai-Laa ɓə gaa a gu mąąkɔ̨nwɔ̨ kwɛni a yələ kəlee.

Azaya 40:26

'Ka ka ɲɛ̨i muhəɠə kpɔ ɲələi pələ, ka nąą kaa, gbɛɛ ɓə ɉɛnŋąąi tii pɛli? Ya ɓə di kpulu kəlee ɲąąkpɔn, yɛ di tɛi tɛi di təli a di laa, vaŋą kɛnɛ̨ pələ, ɉuwala wala pələ, ɉɛnŋąąi tii ta lɔpee hvo lɛɛ pulu.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 5:21

«'Ka ka wəli tɔɔ! Kai ka kiliŋaa pɛlɛɛ, ka hva ŋąą hiɛ. Ɲɛi kɔ́w kaa ka, ka hva kɛɛ kaa la! Wəli ə ɓo ka, ka hva mɛ̨nį mɛ̨n na!»

Ɉeremi 51:15

Ya ɓə lɔi pɛli a nwɔ huwalawala, ə yɛnɛ̨ɛ̨ hee kpəlin na kɛ a kilikɛɲəi, ə yələkɔ́lɔn ɉu lɛan a nwɔ mɛ̨nį kɔ́lɔnŋąą,

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Markə 10:6

Kɛlaa, yɛnɛ̨ɛ̨ pɛlii lɔwai, Yálá ə hulɔnu da nɛ̨ɛ̨nu di pɛli.

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 15:22

Ŋą́ wala kɛ pa, Və́ mɛ̨nį ɓo diɛ, nɛ̨ŋɛ̨n vəli kɛ diɛ; kɛlaa yiihu kɛa, woo hukulɔ ta lɔpee hvo di la, di wɔ nɛ̨ŋɛ̨nŋąą mąą mɛ̨nį ɓa.

Gɛlaɠaa 17:29

«Yii kani gu kaa a Yálá huwu, mąą hvo nɛ̨ɛ̨li, gu hvo kɛ diɛ, Yálá kɛ pələ kaa yɛ hɛni, yɛ wali kwɛli, a wala kɛ ti, yɛ kwɛni, a hɛn da ɉaɠa a yɛlɛ́, a nu kanŋaa di wɔɔ kilikɛɲəi laa.

Gɛlaɠaa 22:1

«Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Lomaŋ 1:19

Mąąhɔlɔɓo, mɛ̨nįi kpɔ gwa pɛli gɔlɔn ɉii Yálá mɛ̨nį hu, gəlee huponoi diɛ Yálá yaa kpinįilee aa nɛ diɛ.

Lomaŋ 16:26

kɛlaa yiihu kɛa, mɛ̨nįi ti aa too ponoŋą, huwu takpɛliɠaa diɛ, Yálá kwəi mɛ̨nį hukulɔ nuą di wɔ hɛɓɛ́ pɛ̨ɛ̨ hu, yɛ bələi kpɔlɔ Yálá ə mo la, di laa na di lɛɛ nwoopulu.

Lomaŋ 2:1

Yɛi ə́ kaa ə́ ɓɛlaa kiti teei, mąąhvaalɛɛ hvo yɛ, ə́ mąą kɛ a nu huwui lɔpee. Mąąhɔlɔɓo, mɛ̨nįi ə́ kaa nuą kiti tɛɛi mąą mɛ̨nį hu, yɛ kpinįi yɛ ɓo a da kɛmun. A kɛ ti, yaa kɛi nuą kiti tee, ya kɛ ə́ kpɔɔ ɲɛ̨i hvalai.

Lomaŋ 2:15

Da nɛ diɛ kɛ: Yálá ŋą tɔ́n bɛ̨ɛ̨ kaa di kili pɔ, di wɔ kiliŋąhiɛ yɛ mąą kɛla hvaa ɓo, di wɔ mɛ̨nį hutɔɔ pələ yɛ nɛ, diɛ di kpɔwɔ kaa la a hɔnmąąmun awala kɛ tii, a tələnmomun.

Korɛntə dɔlɔɔ 1:20

Gilimąą mun gaa mį? Dɔ́n galamɔ̨ɔ̨ kaa mį? Yɛnɛ̨ɛ̨ mɛ̨nį ɲąąyɛɠɛmun gaa mį? Yálá hvaa mɔ̨ɔ̨ yɛnɛ̨ɛ̨ ŋą kilikɛɲəi laa kɛ a ɓowo mɛ̨nį?

Dutɛrɔnome 33:27

Yálái gaa a tɔwɔ-tɔwɔ Yálá, ya ɓə gaa a ə́ mąąkilɛi, ya ɓə ə́ yowoɠaa kpɛ ə́ tɔwɔ, yɛ kɛ yɛ́: di hu kala.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,