Lomaŋ 1:18 - Yálá laawoo hɛɓɛ (dc)

¹⁸ Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Yálá laawoo hɛɓɛ

¹⁸ Yili ɓa, hɔn ɲɔ̨n da nɛ̨ŋɛ̨n nɔpee nuą da ɉəɠə, Yálá nwɔ liiɲąnwąną a həɠə yələi ə yɛɛ di mɛ̨i. Mąąhɔlɔɓo, di wɔ hɔn ɲɔ̨n ti ɓə gbəɲąn ŋąą tɛ̨ą mɛ̨nį tɔwɔ.

Bible

¹⁸ Ɣâla ŋɔlii-ŋwanai a kûla Ɣâla-taa é lɛ́ diai dîa da tɔ̂ɔ Ɣâla mai da ŋ̀wana-lɔ̂ɔ-ƃelai nyíi-ŋai da dɔ̃yâi su kara a díŋ̀wana-lɔ̂ɔi.

Lomaŋ 1:18 ပူးပေါင်းရင်းမြစ်များ

Lɛɛ gbɔwɔ ɓa 23:7

Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Lomaŋ 1:19

Mąąhɔlɔɓo, mɛ̨nįi kpɔ gwa pɛli gɔlɔn ɉii Yálá mɛ̨nį hu, gəlee huponoi diɛ Yálá yaa kpinįilee aa nɛ diɛ.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 1:32

Di Yálá nwɔ kitii kɔ́lɔn, di gɔlɔn diɛ: Nui a túwɔ́ ti, vɛla ɓaa a haa. Diɛ kpinįilee da mɛ̨nį ɲɔ̨n ti kɛ, yili pulu, nuąi da kɛi mɛ̨nį ɲɔ̨n ti ɲɔ̨nwɔ̨mąn gɛ, diɛ di mąątɛ̨nɛ̨.

Lomaŋ 2:3

Yɛi ə́ kaa nuą kiti teei, mɛ̨nįi ə́ kaa di kiti teei ɉu, ka diɛ ni kəlee kaa gɛ; gaa ə́ kwəi Yálá nwɔ kitii kaa pai ə́ mąąhvaalɛɛi?

Lomaŋ 3:9

Ɛ̨į lə kpɔ? Guɔi a Ɉuifəɠaa, gu hviala ɓoɔi mɔ̨ɔ̨ ə tɛɛ huwu takpɛliɠaa diɛ? Gɛ́ diɛ kpaa-o! Gbala ə tɔɔ, ŋą́ gbɛa nɛ kɛ́ diɛ: Ɉuifəɠaa da huwu takpɛliɠaa kəlee di kaa nɛ̨ŋɛ̨n ŋą luwɔlaa hu.

Lomaŋ 4:15

Mąąhɔlɔɓo lííholi a kulɔ dɔ́n ɉu. Ɓɛi tɔ́n və laa, mɛ̨nį kalaa hvo laa.

Lomaŋ 5:6

A tɛ̨ą, ɓɛlɔwai hvaŋą hvo kɛ la gu yəi, Yálá nwɔ yələi ə ɉəɠə ɉu ɉəliɛ, Kristə ə haa mɛ̨nį ɲɔ̨n gɛ nuą mąą mɛ̨nį ɓa.

Lomaŋ 5:9

Ɛlɛɛ, yiihui ŋɛ̨i, aa gu mąąhəɠə la a ɲąmą, gu hvomun təɠa kɛ yii ŋɛ̨i kɛa, gaa pai gu nwun mąąɓoi la Yálá nwɔ lííholi yəi.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Ifisiɛŋ 5:6

Nu ta hvo ka ɓowo a ká kili ɲąą pɛlɛ wooɠaa, yili kəlee ɓə a pa a Yálá ŋą liiholui, nuąi da di nwun gulɔ ɲee mu di mɛ̨i.

Kolosə 3:6

Yili ɓə a Yálá nwɔ liiɲąnwąną yala, yɛ bu nuąi mɛ̨i.

Tɛsalonikə veelɛ 2:10

ɛlɛɛ, a ɲąąhɛn mɛ̨nįɠaa, yɛ nwun napili nuą ɓowo la, mąąhɔlɔɓo, wɛlikɛmąą tɛ̨ąi a pɛli di nwun mąąɓoi, di hvo di yee hee li mu.

Tɛsalonikə veelɛ 2:6

Yiihu kɛa, hɛn ɲee kanąnŋąą mą, yɛ nwɔ lɔwai mąąkpɔn na, ká gɔlɔn.