Levetekɔ 9:15 - Yálá laawoo hɛɓɛ (dc)

¹⁵ Ə nuą di wɔ Yálá kɔ́ hɛnŋąą laa həli Yai-Laa ɓa. Ə nuą di wɔ nɛ̨ŋɛ̨n mąąhvaalɛɛ haláá ɓolu hilɛ həɠə, ə nwun dee, ə naa həli yɛ bələi ə gɛ la a ɉaláá taatɛlɛɛ dɔlɔɔɠaa.

Yálá laawoo hɛɓɛ

¹⁵ Ə nuą di wɔ Yálá kɔ́ hɛnŋąą laa həli Yai-Laa ɓa. Ə nuą di wɔ nɛ̨ŋɛ̨n mąąhvaalɛɛ haláá ɓolu hilɛ həɠə, ə nwun dee, ə naa həli yɛ bələi ə gɛ la a ɉaláá taatɛlɛɛ dɔlɔɔɠaa.

Bible

¹⁵ Nyíŋ pôlu ma è ǹûai dísála-sɛŋ láa seri. E m̀olii láa seri ǹûai dísɔnyɔ̂ŋ mɛni ma, é báa yɛ̂ɛ berei è gɛ̀ la a gbîŋ sɔnyɔ̂ŋ sala-sɛŋ.

Levetekɔ 9:15 ပူးပေါင်းရင်းမြစ်များ

Kɔlɔnikɔ Veerɛi 29:24

Ɉaláá laa həli nuą di di paa, di ɲąmą taɠa Yálá kɔ́i a nɛ̨ŋɛ̨n mąąhvaalɛɛ hɛn. Diɛ nɛ̨ɛ̨mąą hvə Israɛlə lonnii mąą mɛ̨nį ɓa. Mąąhɔlɔɓo, Israɛlə lonnii kəlee mąą mɛ̨nį ɓa ɓə tɔɔmun ə mo la, diɛ ɉaláá hɛn daa gəlee kələn da nɛ̨ŋɛ̨n mąąhvaalɛɛ haláá kulɔ la.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Levetekɔ 10:16

Molu hilɛi tii di gulɔ a nɛ̨ŋɛ̨n mąąhvaalɛɛ haláá, Moisə ə kɛɛ mąąningɛ; ə gaa daa kɛ gələn, ə niiholi Eleazarə da Itamarə di pɔ, diɛi kɛ a Aarɔn lonnii hveelɛi lɛɛ. Yɛ diɛ:

Levetekɔ 9:14

Ə gboyɛli da gɔwɔ kwąnąɠaa waa, ə di kələn ɉaláá kulɔ kəhi mɛ̨i, a haláái da gəlee kələn.

Levetekɔ 9:3

Yili pulu, ə́ nwooɠaai ŋɛ̨i ɓo Israɛlə lonnii diɛ, yɛ́ diɛ: Ka ɓolu hilɛ həɠə nɛ̨ŋɛ̨n ɉaláá kulɔ mɛ̨nį ɓa; ka kwɛlan dɔ̨nɔ̨ ɓɛlaa lon da kwɛlan dɔ̨nɔ̨ nįŋɛ̨ lon di həɠə, kpɛɠii hvo kɛ di ta lɔpee ɓa, haláá yii da gəlee kələn mąą mɛ̨nį ɓa.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.