Levetekɔ 6:18 - Yálá laawoo hɛɓɛ (dc)

¹⁸ «Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Yálá laawoo hɛɓɛ

¹⁸ «Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Bible

¹⁸ Eelɔŋ ǹônii sinaai dísuui su sinaai díwɔ̂ sala-sɛŋ mii ká ŋí zâla sɛŋ su nyii da dɛ̀ɛ Yâwɛɛ pɔ́i. Gáa a díwɔi wɔlɔ-wɔlɔ da wɔlɔ-wɔlɔ. Núu da kpɛ́ni a lɛ̀ɣɛ mii-sɛŋ ŋí ḿâ, a pâi naa pɔɔ lɛ̂i, kpɛ́ni-fei m̀aa waai.

Levetekɔ 6:18 ပူးပေါင်းရင်းမြစ်များ

Lɛɛ gbɔwɔ ɓa 29:37

Hvóló mɛ̨ihveelɛ yee mu, ə́ kaa pai kɛi nɛ̨ŋɛ̨n mąą hvaalɛɛ haláá kulɔi, yɛ́ gɛ ti ɉaláá kulɔ kəhi mɛ̨i, yɛ́ gɛ a Yálá nwɔɔ, bələ ɓə ɉaláá kulɔi mąą kaa pai həɠəi la. Hɛn lɔpee pai tunwɔ̨n ɉii ɉaláá kulɔ kəhi ɓa, gaa pai kɛi a mąąhəɠɛɛ ə mą kɛ nu ɓə.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Levetekɔ 4:24

A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Levetekɔ 4:3

«Akɛ ɉaláá laa həli mun di ɉee diɛ nwulɔ mąąhəɠɛɛ lɔ mą ya ɓə nɛ̨ŋɛ̨n ɉəɠə, ə nɔi nuą kəlee kɛ la tii a nɛ̨ŋɛ̨n ɉəɠə nuą. Mąąnɛ̨ɛ̨ ə pa a nįŋɛ̨ hilɛ lon kpɛɠii hvo mą Yai-Laa pɔ, a nɛ̨ŋɛ̨n tii ə ɉəɠə mąąhvaalɛɛ haláá.

Levetekɔ 4:33

A ɲee pɛlɛ daatɛlɛɛ tii nwuɔ̨, di nwun dee a nɛ̨ŋɛ̨n mąąhvaalɛɛ haláá, ɓɛi tii haláá hɛn da gəlee kələn, nwun dee laa.

Levetekɔ 6:10

Di hva lɛɠɛ tɛ hɛn bu nɛɠɛ hu diɛ mɔ̨n. Yili ɓə ŋą́ dɛɛ di pɔ, yɛ kulɔ nwɔ́ haláá hɛnŋąąi hu, yii di gələn gaa a hɛn yii mąąhəɠɛɛ, yɛ bələi di nɛ̨ŋɛ̨n mąąhvaalɛɛ haláá kɛ la.

Levetekɔ 6:19

Ɉaláá laa həli mun tii a ɉaláá kulɔ, ya ɓə a ɉaláá hɛn mį́i. Ɛlɛɛ mąąnɛ̨ɛ̨ ə mį́i gɛɛnąą mąąhəɠɛɛ ɓa, gee kaa kələ gwəli hąąi.

Levetekɔ 7:6

Hinąą yiiɠaai di kaa ɉaláá kulɔ nuą yəi bɛlɛ́n, da pɛli di ɉuwɔi tii ta mį́i; da mįi kɛɛnąą mąąhəɠɛɛ ɓa. Yili kaa a hɛn mąąhəɠɛɛ kpɔ kpąą.

Lonon mo 18:10

Ka di mįi yɛ kɔ̨nɔ̨n mąąhəɠɛɛ. Hinąą kəlee da pɛli da mįi, mąąnɛ̨ɛ̨ ə́ ɉɛnŋąąi tii kaa yɛ́ hɛn mąąhəɠɛɛɠaa.

Lonon mo 18:8

Yai-Laa yɛ Aarɔn ɓa: «Ə́ wəli tɔɔ, Nįįhɔ̨nwɔ̨i da gulɔ mą́ą́, gáá ə́ heei nwun na. Hɛn lɔpee Israɛlə lonnii da gulɔ di hɔlɔɓo hɛnŋąą hu, diɛ gɛ a nwɔ́ɔ́. Gáá nɛɛi ə́ yee kɔ́nma, yɛ́ ka ə́ lonnii, a mɛ̨nįi mąą hva pɛli hvalin ɉii.

Korɛntə dɔlɔɔ 9:13

Ka hvo gɔlɔn kaa nuąi da tiɓo kɛ Yálá hee pɛlɛ́ mu, naa lɔ ɓə da di kɔ̨nɔ̨n ɉɔlɔɓo laa? Nuąi da kɛ haláá kulɔi Yálá nwɔ haláá kulɔ kəhi mɛ̨i, nąą ɓə da di kɔ̨nɔ̨n ɉɔlɔɓo laa?

Piɛrə dɔlɔɔ 1:16

hvo gaai, bɛ̨ɛ̨i yɛ mą: Mą́ą́həɠɛɛi, káá kpɛlimąn, ká mąą ə həɠə tii…

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,