Levetekɔ 4:24 - Yálá laawoo hɛɓɛ (dc)

²⁴ A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Yálá laawoo hɛɓɛ

²⁴ A ɲee pɛlɛ molu hilɛ nwuɔ̨, di nwun dee ɓɛi da kɛ haláá hɛn da gəlee kələn nwun dee laa Yai-Laa lííla, nɛ̨ŋɛ̨n mąą hvaalɛɛ haláá ka tii.

Bible

²⁴ é ǹyée pɛ́lɛ ŋ̀uŋ ma é báa ŋ̀âla-teƃelei ŋá ƃɛ́i da géreŋ sâla kula taa-tulɛi paa naai Yâwɛɛ ŋɛ́i-tuɛ. Gáa a sɔnyɔ̂ŋ sala sɛŋ.

Levetekɔ 4:24 ပူးပေါင်းရင်းမြစ်များ

Tɔɔɓɛlaa veelɛ 12:16

Nuąi di kɛi nwaliɠaa tɛɛ di pɔ, góló kɛ nuą hvɛla kulɔ mɛ̨nį ɓa, di hvo kɛi di mąąni kɛ nwali mɛ̨nį hu, mąąhɔlɔɓo, di kɛi ɉon a nɛlɛɛ.

Kɔlɔnikɔ Veerɛi 29:23

Yili pulu, di pa a mooliɠaa, a nɛ̨ŋɛ̨nŋąą mąąhvaalɛɛ haláá hɛn, tɔɔmun da nu kpɔn nií la, di di yee haŋą di mɛ̨i.

Lɛɛ gbɔwɔ ɓa 29:38

«Ɉɛnŋąąi nwɔ̨nɔ̨ mąąnɛ̨ɛ̨ ə́ di kulɔ a haláá, diɛ ka: kwɛlan dɔ̨nɔ̨ ɓɛlaa lon veelɛ həɠə, hvóló tɛitɛi kəlee.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Levetekɔ 1:11

Da nwun dee ɉaláá kulɔi ɲələi pələ Yai-Laa liíla. Yili pulu, Aarɔn lonnii a ɉaláá laa həli nuą, da ɲąmą pu ɉaláá kulɔi ɓa di dínɛ̨n di doo gee hu.

Levetekɔ 1:4

Yai-Laa a ɲee hee mu, ə ɲee pɛlɛ daatɛlɛɛ nwuɔ̨, ə ɉɛatɔɔ mą, nwɔ nɛ̨ŋɛ̨n mąąhvaalɛɛ mɛ̨nį ɓa.

Levetekɔ 1:5

Da daatɛlɛɛ nwun dee Yai-Laa liíla, yili pulu, Aarɔn lonnii a ɉaláá laa həli nuą, di ɲąmą həɠə, di daɠa ɉaláá kulɔi ɓa gee kaa kələ laaləi, di dínɛ̨n mą di doo gee hu.

Levetekɔ 14:13

A mɛlaa lon nwun dee ɓɛi da kɛ nɛ̨ŋɛ̨n ɉaláá da ɉaláái da gələn nwɔ taatɛlɛɛ nwun deei laa, gɛɛnąą mąąhəɠɛɛ ɓa. Mąąhɔlɔɓo, nu pɔɔŋą pɛli haláá kulɔ pələ kaa lɔ yɛ nɛ̨ŋɛ̨n mąą hvaalɛɛ haláá. Yili kaa a hɛn mąąhəɠɛɛ, yii a lɛɛ ɉaláá laa həli mun ɲəi.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 3:13

di di yee pɛlɛ nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą.

Levetekɔ 3:2

A ɲee pɛlɛ daatɛlɛɛ tii nwuɔ̨, di nwun dee gee kaa kələ laaləi. Aarɔn lonnii a ɉaláá laa həli nuą, di ɲąmą pu ɉaláá kulɔi koo ɓa nąą kəlee.

Levetekɔ 3:8

da di yee pɛlɛ daatɛlɛɛ tii nwuɔ̨, di nwun dee gee kaa kələ laaləi, Aarɔn lonnii di ɲąmą pu ɉaláá kulɔ kəhi koo ɓa di dínɛ̨n mą di doo gee hu.

Levetekɔ 6:18

«Mo Aarɔn da nonnii diɛ: Nɛ̨ŋɛ̨n mąąhvaalɛɛ haláá kulɔ pələ ka: Da nɛ̨ŋɛ̨n mąąhvaalɛɛ taatɛlɛɛ paa, ɓɛi da daatɛlɛɛ kələn naa, Yai-Laa lííla. Gaa a hɛn yii mąąhəɠɛɛ.

Levetekɔ 6:22

Nui lɔpee gaa a ɉaláá laa həli mun da, a pɛli da mįi, hɛn mąąhəɠɛɛ li.

Levetekɔ 7:2

Haláá taatɛlɛɛi da gələn, ɓɛi da nwun dee laa, nąą ɓə da nu pɔɔŋą pɛli haláá taatɛlɛɛ nwun dee laa, yili pulu, ɉaláá laa həli mun ə ɲąmą ta taɠa ɉaláá kulɔi koo ɓa nąą kəlee.