Levetekɔ 4:12 - Yálá laawoo hɛɓɛ (dc)

¹² nįŋɛ̨ kpəli kəlee, a mo di kulɔ la daa kpala, kɛɛnąą lɛlɛɛ ta ɓa, ɓɛi da kɛ ɉaláá luwu pilii laa, ə gələn naa kwɛi nwɔ̨n ma, ɉaláá luwu pilii.

Yálá laawoo hɛɓɛ

¹² nįŋɛ̨ kpəli kəlee, a mo di kulɔ la daa kpala, kɛɛnąą lɛlɛɛ ta ɓa, ɓɛi da kɛ ɉaláá luwu pilii laa, ə gələn naa kwɛi nwɔ̨n ma, ɉaláá luwu pilii.

Levetekɔ 4:12 ပူးပေါင်းရင်းမြစ်များ

Lɛɛ gbɔwɔ ɓa 29:14

Kɛlaa nįŋɛ̨ huwɔ nwɛi, gɔlɔ, da gbo, ya di kələn daa pulu a nɛ̨ŋɛ̨n mąąhvaalɛɛ haláá.

Izikiɛ 43:21

Nįŋɛ̨i tii kɛ a nɛ̨ŋɛ̨n ɉaláá hɛn, yá ɉəɠə, di gələn ɓɛi mąąnɛɛ di gələn naa bɛlɛ́n, kɛlaa hva kɛ gɛɛnąą mąąhəɠɛɛ ɓa.

Levetekɔ 13:46

Bələi lɔ ɲɔ̨n a lamun la mą, bələ lɔ ɓə dɔ́n a lamun la mɛ̨i, nui tɔ́n gaa mą, a kulɔ mɛlaa kaalɛa pɔ, yɛ ɓo daa pulu pələ.

Levetekɔ 16:27

Nįŋɛ̨ gbɔn da molu hilɛi tii kɛ a nɛ̨ŋɛ̨n mąąhvaalɛɛ taatɛlɛɛ, diɛi tii di di ɲąmą həɠə diɛ li la gɛɛnąą mąąhəgɛɛ ɓa, diɛ nɛ̨ŋɛ̨n mąą hvaalɛɛ kóló kɛ la, da ɉuwɔ həɠə di kulɔ la daa pulu, di ɉuwɔ, gɔlɔ ə mą kɛ gbo, di gəlee kələn.

Levetekɔ 4:21

A nįŋɛ̨ lon ɉəɠə, ə kulɔ la taai, ə gələn yɛ bələi ə nįŋɛ̨ yii tii kələn na. Yili kaa a nɔi nuą kəlee mąą hvaalɛɛ hɛn.

Levetekɔ 6:23

Kɛlaa, nɛ̨ŋɛ̨n mąąhvaalɛɛ haláá taatɛlɛɛ lɔpee nwɛi, da li a ɲąmą gee kaa kələ mu, diɛ nɛ̨ŋɛ̨n mąąhvaalɛɛ kóló kɛ gɛɛnąą mąąhəɠɛɛ tii ɓa, mąą hvo nɛ̨ɛ̨li diɛ mį́i, mąąnɛ̨ɛ̨ di gəlee kələn.

Levetekɔ 6:4

Nąąlɔwai, a ɉaláá kulɔ həɠəɠaa kulɔ mą, ə həɠə takpɛli too gwąną ə li ə nuwu pili daa kpala kɛɛnąą mąąhəɠɛɛ ta ɓa.

Levetekɔ 8:17

Nįŋɛ̨ kɔ́lɔ, ɉuwɔ da gbo, di di kələn daa pulu, yɛ bələi Yai-Laa ə Moisə tí la.

Levetekɔ 9:11

Ɉuwɔ leelee da gɔlɔ, ə́ di kələn ɉįi, pulu pələ.

Lonon mo 15:35

Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Lonon mo 19:3

Ka dɛɛ ɉaláá laa həli mun Eleazarə pɔ, di kulɔ la daa pulu, di nwun dee Eleazarə ɲɛ̨i ɓa.

Lonon mo 19:5

Yili pulu, ə mo diɛ di nįŋɛ̨ haai tii kələn ɲɛ̨i ɓa; gɔlɔ, ɉuwɔ, ɲąmą da gbo, di gəlee kələn.

Lonon mo 5:3

Ka di kpɛ, ɉinąą mąn, nɛ̨ąą mąn, ka di kpɛ taai. Di hvo Israɛlə lonnii di wɔ taai mąąliɓi. Mąąhɔlɔɓo, gáá Israɛlə lonnii lɔwai.»

Hebreu 13:11

Mąąhɔlɔɓo, daatɛlɛɛɠaai ɉaláá laa həli mun gɛnɛ̨ɛ̨ ə kɛli ɲąmą həɠə, yɛ lɔ la ɉəɠə pɛlɛ́ mu, yɛ nɛ̨ŋɛ̨nŋaa mąąhvaalɛɛ haláá kulɔ la, di kɛli daatɛlɛɛɠaa tii powaɠaa kələn, ɉį́i pulu pələ.