Levetekɔ 3:11 - Yálá laawoo hɛɓɛ (dc)

¹¹ Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Yálá laawoo hɛɓɛ

¹¹ Yili pulu, ɉaláá laa həli mun ə di kələn ɉaláá kulɔ kəhi mɛ̨i. Ɉaláái da gələn a Yai-Laa nwɔɔ, yaa lii.

Bible

¹¹ Zâla láa soŋ-nuui é zãai ŋí kéreŋ ŋ̀âla-teƃelei ma. Gáa a mii-sɛŋ sama-sɛŋ Yâwɛɛ mɛni ma.

Levetekɔ 3:11 ပူးပေါင်းရင်းမြစ်များ

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Izikiɛ 44:7

Kɛ́nɛ̨ kpolɔwaɠaai di kili mąą kuu hvo kɛ li, da di kɔ́lɔ hvo hee li kɛ́nɛ̨ ɓa, diɛi a nwɛ̨ą, ká kɛ lɔi a diɛ nwɔ́ kɛɛnąą mąąhəɠɛɛi ɓa, diɛ nwɔ́ pɛlɛ́i laa pu. Ká kɛ gɔ́nɔn naa həli, ɉuwɔ wulɔ da ɲąmą, ká kɛ nwɔ́ mįnɛ̨i hukalai a ka wɔ ɓowo túwɔɠaai tii.

Levetekɔ 21:17

«'Mo Aarɔn ɓa, yɛ́ mą: Ə həɠə yiihu ɓa, ə li la tɔwɔ pələ, ɉuwu hu mun nɔpee kpɛɠii a kɛ mą, hvo kɛ gaa Yálá kɔ́ hɛn naa həlii.

Levetekɔ 21:6

Di kaa a di wɔ Yálá nwɔɔ, mąą hvo nɛ̨ɛ̨li di hvo di wɔ Yálái laa ɓɛlɛkpɛɛ mą. Diɛ ɓə da Yai-Laa nwɔ haláá kəlee laa həli, yii gaa a di wɔ Yálái kɔ̨nɔ̨n, mąąnɛ̨ɛ̨ di mąą ə lɛɛ a ɉəɠɛɛ.

Levetekɔ 21:8

Hvo kɛli nuą di gaa a nu mąąhəɠɛɛ, mąąhɔlɔɓo, ya ɓə gaa a Yálá kɔ̨nɔ̨n naa həli mun. Gaa a nu mąąhəɠɛɛ, mąąhɔlɔɓo, ɲą́ą́ Yai-Laa, ɲą́ą́i ŋą́ ka mąąhəɠə, mą́ą́ həɠɛɛi.

Levetekɔ 22:25

Ka hvo kpɛli daatɛlɛɛ taaləi tii ta hon nwɛ̨ą yəi, kaa naa hɛli ka wɔ Yálái ɓa a gɔ̨nɔ̨n, di kala ka tii daa mo, kpɛɠii ka tii daa ɉee diɛ, di hva pɛli di yee heei mu ka yəi.»

Levetekɔ 3:16

yili pulu, ɉaláá laa həli mun ə ɉuwɔ kpuwɔɠaa tii kələn ɉaláá kulɔ kəhi mɛ̨i. Haláá kɔ̨nɔ̨n ni, yai da gələn, mąą kun nɛ̨ɛ̨, yɛ Yai-Laa liilaa. «Haláá huwɔ, nwulɔ kəlee kaa a Yai-Laa nwɔɔ.

Levetekɔ 3:5

Yili pulu, Aarɔn lonnii di gəlee kələn ɉaláá kulɔ kəhi mɛ̨i, ɉaláá hɛn tii a kɛ nwɔ̨n ɉu, gwɛi mɛ̨i, yili mɛ̨i pələ. Yili kaa a haláá mąą kun nɛ̨ɛ̨, yɛ Yai-Laa liilaa.

Malasi 1:12

Kɛlaa, ka wɛi, ka nwɔ́ kɛnɛ̨ laa hviiɓo, gɛ mɛ̨nį kaa kɛ diɛ: «Námu nwɔ haláá kulɔi ɓɛlɛ hvo mą, taatɛlɛɛ lɔpee a nɛ̨ɛ̨ nu ɓa, ya ɓə a gulɔ laa a haláá.»

Malasi 1:7

Kɔ̨nɔ̨n mąąliɓiɛ ɓə ka naa ɲə́i ɉaláá kulɔi. Ɛlɛɛ, kaa kɛ mą́ą́: ‹Kwa kɛ ɲɛ̨itɛ kulɔ pələ kɛi ləi a yɛ́?› Káá kpįnįi, káá nwɔ́ haláá kulɔi kɔ́hɔɓo.»

Lonon mo 28:2

yɛ mą mɛ̨nįɠaa ŋɛ̨i ɓo Israɛlə lonnii diɛ, yɛ́ diɛ: «Ka tɔɔ a ka nwąnąi, ɉɛnŋąąi mąąnɛ̨ɛ̨ ka gɔ́ la, kaa paa la a guui da ɉee. Gɔ̨nɔ̨n da gələn, mąą kun nɛ̨ɛ̨.

Lonon mo 28:24

Bələ ɓə mąąnɛ̨ɛ̨ ka gɛ la a yələ kəlee voló mɛ̨ihveelɛi tii yee mu. Yai-Laa liilaa kɔ̨nɔ̨n mąą kun nɛ̨ɛ̨li. Yili kəlee a pɛlɛ ɉaláái mąąnɛ̨ɛ̨ di gəlee kələn mą, diɛ gulɔ a yələ kəlee da nɔɔi mąąnɛ̨ɛ̨ ə pu ɉaláá kulɔi.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Korɛntə dɔlɔɔ 10:21

Ka hva pɛli mą ka hvo ka kpələ a gu Ną́mu nwɔ kpələ kɔwɔi, káá nwɔ̨nɔ̨ ká kpələ a ɲinɛ̨nŋaa di wɔ kpələ kɔwɔ. Ká hva pɛli kɔ̨nɔ̨n mįi gu Ną́mu nwɔ kɔ́wɔi hu, káá nwɔ̨nɔ̨ ká yee lɔ ɲinɛ̨nŋaa di wɔ kɔ́wɔi hu.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.