Levetekɔ 26:45 - Yálá laawoo hɛɓɛ (dc)

⁴⁵ Mįnɛ̨i kwa di nąnni ku ɉəɠə, a diɛi tii ŋį́ di kulɔ Eziptə lɔi hui, nu huwu takpɛliɠaa ɲɛ̨i ɓa, gɛ́ kɛ a di wɔ Yálá; ŋą́ gíliɲą lɛlɛɛ hiɛ mįnɛ̨i tii ɓa, di mąą mɛ̨nį ɓa, ɲą́ą́ Yai-Laa.»

Yálá laawoo hɛɓɛ

⁴⁵ Mįnɛ̨i kwa di nąnni ku ɉəɠə, a diɛi tii ŋį́ di kulɔ Eziptə lɔi hui, nu huwu takpɛliɠaa ɲɛ̨i ɓa, gɛ́ kɛ a di wɔ Yálá; ŋą́ gíliɲą lɛlɛɛ hiɛ mįnɛ̨i tii ɓa, di mąą mɛ̨nį ɓa, ɲą́ą́ Yai-Laa.»

Bible

⁴⁵ Ŋá pâi ŋɔnɔ gbanaŋ-wooi kɛ̂i díyêei a nina yɛ̂ɛ berei ŋá gɛ̀ la a tãi ŋá ŋáwala-wala laai lɛ́ la a díkulaa lɔii ŋuŋ da kpɛni-ŋa da Ize lɔii sui a gɛ́ɛ Ńyãa Yâwɛɛ ŋá kɛ́ a Díɣâlai.”

Levetekɔ 26:45 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 9:15

mįnɛ̨i gaa gwa kaa ni gu lɔwai, kwa nɔ̨ɔ̨-nɔ̨ɔ̨ hɛn gəlee, ŋį́ giliŋąhiɛ yili ɓa; yánwąną tɔ̨nɔ̨ kpɛli hvo kɛa pai kulɔi, hvo yɛnɛ̨ɛ̨ nwun na pili.

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

Levetekɔ 22:33

Ɲą́ą́ ɓə ka kulɔ Eziptə lɔi hu, əgɛ, ŋį́ kɛ a ka wɔ Yálá. Ɲą́ą́ ɓə gáá a Yai-Laa.»

Levetekɔ 25:38

Ɲą́ą́ Yai-Laa ka wɔ Yálá ɲą́ą́ ɓə ka kulɔ Eziptə lɔi hu, gɛ́ Kanaan lɔi tɛɛ ka pɔ, gɛ́ pɛli gbɔ́wɔ́ lɛi la tii a ka wɔ Yálá.

Lomaŋ 11:12

Akɛ di nwɔɔ hɔn ɲɔ̨n aa kɛ yɛnɛ̨ɛ̨ nąą kəlee nwɔ yéélaholoon; ɛlɛɛ, di mąąyɛɛ mɛ̨nį aa kɛ a huwu takpɛliɠaa di wɔɔ yéélaholoon; gu hvo mun kɛ, da di yee lɔ nuą nwun mąąɓo kólói hu?

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Dutɛrɔnome 9:27

Ə́ kiliŋąhiɛ kani ə́ vilɛn ə́ wɔ tínuąi a: Abrahamə, Isaakə da Ɉakɔbə diɛ. Hvó ə́ kili lɛɛ nu huwui ŋɛ̨i nwɔ wəlii kpɔlɔ ɓa, da di wɔ túwɔ́ pələ ɲɔ̨n, ə mą kɛ di wɔ nɛ̨ŋɛ̨n;