Levetekɔ 26:42 - Yálá laawoo hɛɓɛ (dc)

⁴² Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Yálá laawoo hɛɓɛ

⁴² Ŋą́ gíliŋąhiɛ kɛa mįnɛ̨i kwa Ɉakɔbə ku ɉəɠə mą, yai kwa Isaakə ku ɉəɠə, yai lɔ nwɔ̨nɔ̨ kwa Abrahamə ku ɉəɠə; Gɛ́ gíliŋąhiɛ nɔi ɓa.

Bible

⁴² gɛ̀ ní, gbanaŋ-wooi ŋá gɛ̀ Zeeka, Aise da Eberaɣɛ̃ɛ ni yêei ǹɔii mɛni mai ŋa pâi ŋɔ́nɔ gɛ̂i é lɛ́ɛ dɔɔ̂i.

Levetekɔ 26:42 ပူးပေါင်းရင်းမြစ်များ

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 26:2

Yai-Laa ə gbɔwɔ lɛ Isaakə ɓa, yɛ mą: «Və́ kɛ li yɛ́ li Eziptə lɔi hu, kɛlaa, ɓɛi ŋį́ nąą lɛ yɛ́, li ə́ hee laa.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Zɛnɛse 26:5

Mąąhɔlɔɓo, Abrahamə ə nwóó mɛ̨n, ə nwɔ́ tɔ́nŋąąi hon, da bɔ liɛwooɠaa, ə́ nwɔ́ tiɓoɠaa kɛ.»

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 35:11

Yálá yɛ nwɔ̨nɔ̨ Ɉakɔbə ɓa: «Ɲą́ą́ ɓə a Huwalawala Kəlee Nąmu Yálá, gáá ə́ kwəi nwun ɉii, ə́ huwu ə ɓɛlɛ, ə́ kaa pai kɛi a hį́i tamąą di nąn, tɔɔɓɛlaa da kulɔ ə́ huwuhu.

Zɛnɛse 35:12

Nɔi ŋɛ̨i ŋį́ dɛɛ Abrahamə pɔ, ŋį́ dɛɛ Isaakə pɔ, gáá dɛɛ ə́ pɔ. A tinąą kɛ a ə́ huwu nwɔɔ.»

Zɛnɛse 9:15

mįnɛ̨i gaa gwa kaa ni gu lɔwai, kwa nɔ̨ɔ̨-nɔ̨ɔ̨ hɛn gəlee, ŋį́ giliŋąhiɛ yili ɓa; yánwąną tɔ̨nɔ̨ kpɛli hvo kɛa pai kulɔi, hvo yɛnɛ̨ɛ̨ nwun na pili.

Zɛnɛse 9:16

Gbəi-mįlįįn gaa pai kɛi yələ kwəi, ŋą́ gaa, mįnɛ̨i ŋɛ̨i gaa, ɲą́ą́ kwa nɔ̨ɔ̨nɔ̨ɔ̨ ɉɛnŋaa kəlee ku lɔwai, nąą kili a too ŋą́.»

Mąątɛ̨nɛ̨ 106:45

Mįnɛ̨i da diɛ ni di ɉəɠə, ə giliŋąhiɛ mą, nwɔ wɛlikɛmąąlaa kɛnɛ̨ hu, ə nwoo yali bulu.

Mąątɛ̨nɛ̨ 136:23

Ə giliŋąhiɛ kuɔ, ku wɔ laanɔ̨nwɔ̨ hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 2:24

Yálá ə di wɔlɔ woo mɛ̨n, ə pənə ə nwɔ mįnɛ̨i hu nwun. Yai wɔlɔ da Abrahamə, Isaakə da Ɉakɔbə ni di ɉəɠə.

Lɛɛ gbɔwɔ ɓa 6:5

Yiihu, mɔ̨nɔ̨i Eziptə nuą di kaa nɔi Israɛlə lonnii pɔ, ŋą́ą́ di wɔlɔ woo mɛ̨n, nwóói ŋį́ gwɛlɛ diɛ, gili aa too ɲą́.

Azaya 14:1

Yai-Laa kaa pai Ɉakɔbə mąąwɛli kaai, gaa nwɔ̨nɔ̨ pai Israɛlə kɛi a niiɓa mun, ə pənə ə ɉee nwɔ lɔi hu; nwɛ̨ąą diɛ pa di pɔ, diɛ kanąn Ɉakɔbə nwɔ pɛlɛ́i ɓa.

Izikiɛ 16:60

Nwɛ́i, mįnɛ̨i gwa yɛ́ gu ɉəɠə a ə́ muhəɠə yələ, gáá pai nąą kili tooi ə́ ŋą; gwa yɛ́ guɔ mįnɛ̨ həɠə la, a yələ kəlee mɛ̨nį.

Zooɛ 2:18

Yai-Laa nwɔ lɔi wɛli kaa mą, a nwɔ nu huwui ɲɛ̨imąąwɛli kaa,

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Dutɛrɔnome 4:31

Mąąhɔlɔɓo, Yai-Laa ka wɔ Yálái kaa a liinɛ̨ɛ̨ gwəi Yálá, hva gili kulɔ ka hu, hva ka huwu pu, ɛlɛɛ, mįnɛ̨i da ka nąnni di ɉəɠə, yɛ gwɛla ɉu, hva ɉəɠə mą.

Dutɛrɔnome 9:27

Ə́ kiliŋąhiɛ kani ə́ vilɛn ə́ wɔ tínuąi a: Abrahamə, Isaakə da Ɉakɔbə diɛ. Hvó ə́ kili lɛɛ nu huwui ŋɛ̨i nwɔ wəlii kpɔlɔ ɓa, da di wɔ túwɔ́ pələ ɲɔ̨n, ə mą kɛ di wɔ nɛ̨ŋɛ̨n;

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.