Levetekɔ 26:39 - Yálá laawoo hɛɓɛ (dc)

³⁹ Nuąi pai kulɔi ɉu ka lɔwai, di kaa pai kulɔi di wului, di yowoɠaa di wɔ lɔi hu, di wɔ nɛ̨ŋɛ̨nŋąąi mąą mɛ̨nį ɓa, kɛlaa di nąnni di wɔ nɛ̨ŋɛ̨nŋąąi da di kpɔwɔ nɛ̨ŋɛ̨nŋąą ɓə pai di kulɔi di wului.

Yálá laawoo hɛɓɛ

³⁹ Nuąi pai kulɔi ɉu ka lɔwai, di kaa pai kulɔi di wului, di yowoɠaa di wɔ lɔi hu, di wɔ nɛ̨ŋɛ̨nŋąąi mąą mɛ̨nį ɓa, kɛlaa di nąnni di wɔ nɛ̨ŋɛ̨nŋąąi da di kpɔwɔ nɛ̨ŋɛ̨nŋąą ɓə pai di kulɔi di wului.

Bible

³⁹ Káai kpulu-loŋ pâi lɛɛ̂i ka pâi saâi kásɔnyɔ̂ŋ da kánâŋ-ni díwɔ̂i su.

Levetekɔ 26:39 ပူးပေါင်းရင်းမြစ်များ

Kɔlɔnikɔ Veerɛi 34:24

‹Yai-Laa woo ka, yɛ: Gáá pai mɛ̨nį ɲąąnwąnąą laai gɛɛnąą ŋɛ̨i ɓa da ɉu nuą; ɉɛɓɛ́i tii di ɉu woo ɓo Ɉuda tɔɔmun ɲɛ̨i ɓa, mɛ̨nį ɲąąnwąnąą bɛ̨ɛ̨i ɉu, gáá gəlee pɔ mɛ̨nį kɛi;

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Nehemi 1:9

Kɛlaa, akɛ, ka pənə ka pa bɔ́, ka ka yee hee nwɔ tíɓoɠaa mu, kaa bɔ mɛ̨nį kɛ. Ka wɔ nuą di mą kɛ luwɔlaa hu lɔi kpɛlai, ŋį́ di ɲąą kpɔn, ŋį́ paa diɛ, ɓɛi ŋɛ̨i ŋį́ ɉəɠə ɉu, náá yɛ́ ɓo laa.›

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Lɛɛ gbɔwɔ ɓa 34:7

Yɛ mɛ̨inɛ̨ɛ̨ kɛ mąnįn bulu mąnįn waa tamąą ɓa, yɛ nuą kɛ nɛ̨ŋɛ̨n da di wɔ kulɔ nwoo mu laa mąąhvaalɛɛ. Kɛlaa, a mɛ̨nį ɲɔ̨n gɛ mun ɉutɔɔ, a lon gaa nuą di wɔ túwɔ́ pələ ɲɔ̨n gwələ kulɔ di lonnii diɛ, da di mąnįnni diɛ.»

Azaya 14:21

Ka nɛapɛlɛɛ paa mɛ̨nį ɲɛ̨i kulɔ, di nąnni di wɔ nɛ̨ŋɛ̨nŋąą mąą mɛ̨nį ɓa, di hvo pa nəi kɛnɛ̨, diɛ nɔi hon a kɔ́, diɛ hiɛ yɛnɛ̨ɛ̨ nąą kəlee.

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Ɉeremi 29:12

Ka mą́ą́ hiɛ kulɔ pai kɛi, kaa pa ɓɛ, káá də́li a náá, káá vɛ́li, ɲą́ą́n ŋą́ ɲéé hee ka woo mu.

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Ɉeremi 31:29

Nąąlɔwai tii hu, di hvo kɛa pai kɛi diɛ: «Ku nąnni di viɲə ɓá kpəlee mįi, kɛlaa di lonnii ɓə di ɲįn ŋą ə kponą.»

Woolaa 1:3

Daa Ɉuda lɔi nwun gulɔ, daa mąąwɛli, daa li la luwɔlaa hu. Gaa kɛa hį́i takpɛliɠaa lɔwai, vįitɔɔi hvó ɲəi! Nuą kɛi gbɛ daa həli mą, ɓɛi bu pələ hvo laa ɲəi.

Woolaa 4:9

Nuąi ɓɔwa ə di paa, di wɛi hviɛla aa ɓo, aa tɛɛ nuąi pulu aa di paa diɛ; di nwun na yɛ pili kɔ̨nɔ̨n bulu kolo ɓa.

Izikiɛ 18:19

«Ka káá kɛi diɛ: Lə mɛ̨nį ɓa yai lon va nąn nwɔ nɛ̨ŋɛ̨n bulu mɔ̨nɔ̨ mįi? Mąąhɔlɔɓo, non ə tələnmo yii ɓo, yɛ túwɔ a ɉaŋaa; ə nwɔ́ tɔ́n nwooɠaai kəlee pɔ mɛ̨nį kɛ; yili mąą mɛ̨nį ɓa, a lɛɛ yɛnɛ̨ɛ̨.

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 24:23

Ka wɔ ɓɔlɔɠaai da kɛ ka nwuɔ̨, ka wɔ kɔ́lɔɠaai di ɓo ka kɔ́wɔ ŋą, ka hvo pai túwɔi yɛ haa a too kaa; ka hvo pai wɔlɔi, kɛlaa ka káá pai kpalai ka wɔ nɛ̨ŋɛ̨nŋaai mąą mɛ̨nį ɓa, kaa ɲiŋɛ ka kee ni mąą mɛ̨nį ɓa.

Izikiɛ 33:10

«'Ə́ wəli tɔɔ, hulɔnu lon, 'mo Israɛlə nwɔ pɛlɛ́i ɓa, yɛ́ mą: Ka kɛ kɛi diɛ; ku wɔ nɛ̨ŋɛ̨nŋaa da ku wɔ kulɔ nwoo mu laa kaa ku nwuɔ̨ yili mąą mɛ̨nį ka ŋɛ̨i ku kaa luwun ɉii la, ku kaa pai ɓalo pələ kɛi ləi?

Izikiɛ 36:31

Ka kɛi ka kiliŋąhiɛ, ka wɔ pələ ɲɔ̨nwɔ̨ɔ̨ɠaa diɛ, da ka kɛ mɛ̨nįɠaai tii di hvo kɛ lɛlɛ li di hu, káá kpinįi ka káá pai nwumɛ̨i, ka wɔ nɛ̨ŋɛ̨nŋaai mąą mɛ̨nį ɓa, da ka wɔ túwɔ pələ ɲɔ̨nŋaai.

Izikiɛ 4:17

Mąąhɔlɔɓo, lɛɠɛ da ya di kaa pai hvɛɠɛi, di kaa pai howai a gee, ɛlɛɛ di kəlee diɛ luɠuun a di wɔ nɛ̨ŋɛ̨nŋąąi laa pɔɔ.»

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Osia 5:15

Gáá pai lií, gáá pənəi ŋį́ li bɔ́ɔ́li, ə lɛɛ ɉu, di hvaa di hɔn ma, ɛlɛɛ, diɛ ɲɛ̨ilai gwɛli. Mɔ̨nɔ̨ kaa pai wiɛi diɛ, di kaa pai hvilɛn ɉii, diɛ gwɛ́li.

Zakari 10:9

Ŋą́ di taɠa taɠa lɔiɠaa hu, Kɛlaa, di mą kɛ kwɛaala, gíli kaa lɔ pai kɛi di ɲą. Di kaa pai kɛi lon gaai, ɛlɛɛ di kaa pai pənəi di pa.

Lonon mo 14:18

‹Yɛ́ Yai-Laa, ə́ líiholi laa walaai, ɛlɛɛ, ə́ wɔ mɛ̨inɛ̨ɛ̨ hu kɛnɛ̨i, yɛ́ túwɔ́ pələ ɲɔ̨n da kɛɛ kalaa mąąhvaalɛɛ. Hva mɛ̨nį lɔpee ta gwələ kulɔ laa lɛɛ. Yɛ́i ya nu nąnni kɛ mɛ̨nį ɲɔ̨n gwələ kulɔ nonnii diɛ, ə həɠə kálaɓɔlɔ haaɓa ɓa ə həli la nąąn bɔ.›

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.

Dutɛrɔnome 30:1

«Lúwɔ́ da nɛ̨ŋɛ̨n naai ŋɛ̨i ŋą́ą́ naa ka lííla, ɓɛlɔwai gəlee kaa pai laai la kaa, ka káá pai ka kiliŋąhiɛi ma, kaa ɉu kpɛ, nɔiɠaa kpɔ tii Yai-Laa ka wɔ Yálái kaa pai lii a kaa ɉu,

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Dutɛrɔnome 8:20

Ka wala ka wəli tɔɔ Yai-Laa ka wɔ Yálái woo ɓa, bələi kpɔlɔɔ ə nuą ŋɛ̨i nwun na pili la ka ɲɛ̨i tɔwɔ, bələ lɔ ɓə a ka nwun na pili la.