Levetekɔ 26:31 - Yálá laawoo hɛɓɛ (dc)

³¹ Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Yálá laawoo hɛɓɛ

³¹ Gáá pai ka wɔ taa kpɛa-kpɛa lɛɛi a taa kpoloon, gɛ́ ka wɔ kɛɛnąą mąąhəɠɛɛɠaai mąąwɛli; vá kɛa ka wɔ lansan kun mɛ̨n.

Bible

³¹ Ŋa pâi kátaa lee-ŋai su kara, ŋá káɣâla-pɔkɔɔŋ-ŋai fɛli kwaa-ŋai ḿâ su kara. Ŋa pâi ńyee kúlai kásâla-ŋai mu. Kákereŋ-sãa kúŋ nɛ̃ɛi da ƃɛlɛ fé pâi kɛ̂i ŋ́goi.

Levetekɔ 26:31 ပူးပေါင်းရင်းမြစ်များ

Zɛnɛse 8:21

Ɉaláá tii Noe ə gulɔ ə nɛ̨ɛ̨, ə Yai-Laa liilaa. Yai-Laa yɛ gbɔwɔ ɓa: «Və́ kɛa pai lɔi nɛ̨ŋɛ̨n naai nu kan dúwɔ́ pələ mąą mɛ̨nį ɓa. Bələi mąn kpɛli di wɔ kiliŋąhiɛ hva kɛ la a nɛlɛɛ, ə gɔwɔ tɔɔ di lokolo yələ ɓa. Ɛlɛɛ, və́ kɛa pai yɛnɛ̨ɛ̨ nwun na pilii yɛ bələi ŋɛ̨i ŋį́ gɛ́ lai.

Tɔɔɓɛlaa veelɛ 22:19

yii kpɔ ə́ lii ə too pulu, ə́ ə́ mąą həɠə huɓɛla, yɛ́ wɔlɔ nííla, yili ɓa, ɲą́ą́ gbɛli mąn, ŋą́ą́ mɛ̨n, Yai-Laa nwóó li.

Kɔlɔnikɔ Veerɛi 36:19

Kalde nuą di Yálá ŋą pɛlɛ́i kələn, di Ɉerusalɛmə mąąkpɛ hį́i bu, di nwɔ̨n nɔ dɔɔ pɛlɛ́ɠaa kəlee hu, ɉɛn mąąwiɛɠaa kpɔ kɛ laa, gəlee hu ə kala.

Nehemi 1:3

Diɛ mą́ą́: «Nuąi həɠə nuwɔ laa hu, di haa laa nɔi mɔ̨nɔ̨ kɛnɛ̨ hu, da nwunmɛ̨. Ɉerusalɛmə mąąkpɛɛ hįį puɔ naa taɠaa, ɛlɛɛ, gbonŋąą kələnŋąą.»

Nehemi 2:17

Ya ɓə ŋį́ kɛ diɛ: «Mɛ̨nį ɲąąnwąnąąi gu ɉu, ka káá gaai! Ɉerusalɛmə taa aa pu, gbonŋąą kələn ŋąą, ka gu pənə, ka gu Ɉerusalɛmə mąąkpɛ hįį tɔɔ. Gu hvo kɛa kɛ a nwunmɛ̨ lɔwɔ.»

Nehemi 2:3

Gɛ́ tɔɔmun ma: «Ə́ lamun yɛnɛ̨ɛ̨ Yálá ə kɛ! Lə mɛ̨nį ɓa, ɲį́nąą hva kɛ a ɲiliɛ! Daai ną́nni kámą kaa ɉu, aa lɛɛ a taa kpoloon, nwɔ̨n aa ɉįi kponŋąą kəlee kələn!»

Azaya 1:7

Ka wɔ lɔi aa kɛ yɛ lɔi pun, ka wɔ taaɠaai daa kələn, nwɛ̨ąą diɛ too ka mɛ̨i, diɛ ka wɔ lɔi dɔ̨nɔ̨ kulɔ, ka ɲɛ̨i ɓa; hɛn nɔpee ta hva lɛɛ laa, yɛ bələi lɔi kalamun a lɔi kulɔ la bihɛi.

Azaya 6:11

Gɛ́ mą: «Ną́mu, ə lɛɛ ɉu lə yələ?» Yɛ mą́ą́: «Ə lɛɛ ɉu, daaɠaa di lɛɛ a di kpoloon, nu hva kɛ laa, bɛlɛ́ɠaa di lɛɛ a di howolo, nu hva kɛ mu; nɔi hu ə kala, ɛlɛɛ a kpomó.»

Azaya 63:18

Ə́ wɔ nu huwu mąąhəɠɛɛi lɔ mɛ̨nį nɔi ɲɛ̨i hu, hvo kɛi a mɛ̨nį hu kwɛaa mɛ̨nį. Ya ka ku yowoɠaa daa ə́ wɔ pɛlɛ mąąhəɠɛɛi wolo!

Azaya 64:9

Yɛ́ taa mąąhəɠɛɛɠaa daa lɛɛ a lɔi pun, Siɔn taa aa lɛɛ a gboloon, Ɉerusalɛmə ɲɛ̨i aa paa.

Azaya 66:3

Da kɛ niŋɛ̨ kulɔi a haláá, ɛlɛɛ nwɔ̨nɔ̨, diɛ nu paa! Da kɛ ɓɛlaa haa kulɔi a haláá, ɛlɛɛ nwɔ̨nɔ̨, diɛ yilɛ lon baa a gbɔn! Diɛ ɓɛlaa laa həli, kɛlaa ɓoi ɲąmą ɓə da bu! Da lansan kələn, kɛlaa hali mąąwiɛ mɛ̨nį ɓə! Nuąi tii, daa di liiɓa pələ həɠə, ɛlɛɛ, gbɛli kpɛli mɛ̨nįɠaai tii, di ɓo a di kwəinɛ̨ɛ̨ mɛ̨nį,

Ɉeremi 22:5

Kɛlaa ka wala ka wəli tɔɔ nwóóɠaa ɓa, a tɛ̨ą, gáá gwɛlai a gbɔ́wɔ́ kpįnįi; bɛlɛ́i ŋɛ̨i kaa pai lɛɛi a pɛlɛ́ kpoloon, Yai-Laa woo li.»

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 26:9

Ə́ liikpələi pələ kaa ləi, yɛ mɛ̨nį lɛɛ kwɛa la, yɛ mo a Yai-Laa laa, yɛ kɛ diɛ, bɛlɛ́i ŋɛ̨i kaa pai kɛi yɛ Silo, ɛlɛɛ, di kaa pai daa kalai di ɉu nuą kulɔ ɉu?» Nuą kəlee di tinɛ̨n Ɉeremi ɓa Yai-Laa hee pɛlɛ́ mu.

Ɉeremi 4:26

Ŋą́ ɲɛ̨i hee, nɔi kɛ a wali lɔi, aa lɛɛ a hvaŋą da gbalə lɔi. Daaɠaa kəlee daa wolo, Yai-Laa kɛ mɛ̨nį li; níiholi pələ ɓa.

Ɉeremi 4:27

Yai-Laa woo ka, yɛ diɛ: Gáá nɔi kəlee kalai. Kɛlaa, ə mą kɛ tii, gáá ɲéé pulu lɛɛi naa ta.

Ɉeremi 4:7

Yala aa kulɔ ɲəi gban mu, nɔiɠaa kalamun aa hvilɛn bələ ɓa, aa həɠə bɔɔli, yɛ pa kuɔ lɔi kala mɛ̨nį ɓa, di kaa pai kuɔ taaɠaa kələn ɉii diɛ naa lɛɛ a taa kpoloon.

Ɉeremi 44:2

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka: Mɛ̨ni ɲąąnwąnąąɠaai ŋą́ naa Ɉerusalɛmə taa da Ɉuda taaɠaa diɛ, ka di kɔ́lɔn, daa lɛɛ kɛa a lɔi pun, nu hvo laa.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Ɉeremi 52:13

Ə nwɔ̨n nɔ Yálá hee pɛlɛ́ hu, da tɔɔmun nwɔ pɛlɛ́i, ə mą kɛ, Ɉerusalɛmə nu kpɛa kpɛaa di wɔ pɛlɛ́ɠaai.

Ɉeremi 9:11

Gbɛɛ ɓə kilí kaa mą, yɛ pɛli mɛ̨nį kpaɠaa la kaai, ə lɛɛ nwoo Yai-Laa a nɛ mą, ə nolo ɓo? Lə ɓə kɛ, yaai nɔi aa kala? Kɛɛnaa kəlee daa kələn. Nu hva tɛɛ laa?

Woolaa 1:1

'Ká ɓɛ gaa lə! Daai kɛ naahvɛɛ a nu kan, ya ka daa lənə mą. Aa lɛɛ yɛ kalanin. Yaai wɔlɔ kɛ a tɔɔ taa, aa lɛɛ a kóló-ku-duwɔ.

Woolaa 1:10

Ɲowoɠaa daa ɲəi hɛn gɔw kəlee həɠə. Ɉerusalɛmə kpįnįi, ɲɛ̨i aa lɛɛ ɲowoɠaa diɛ, diɛ lɔ gɛɛnąą mąąhəɠɛɛ ɓa, ɓɛi ə́ tɔ́n dɔɔ mą nu takpɛliɠaa lɔ mɛ̨ni ɓa laa!

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Woolaa 2:7

Yai-Laa nwɔ haláá kulɔi wɛli aa kpɛɛ mą aa gili kulɔ nwɔ pɛlɛ́ mąąhəɠɛɛ hu, aa dɔɔ pɛlɛ́ɠaa too ku yowoɠaa yee ŋą da di mąąkpɛ hįiɠaa. Kɔ́ mɛ̨i tomą woo kaa kulɔi Yai-Laa yəi bɛlɛ́n yɛ daa kɛi hɛli pu.

Izikiɛ 12:20

Daaɠaai tii nuą kaa ɉu, da lɛɛ a taa kpoloonŋaa; nɔi yɛ lɛɛ a lɔi pun. Ká gili kɔ́lɔn nąąlɔwai, kaa kɛ, Ɲą́ą́ ɓə a Yai-Laa.»

Izikiɛ 21:15

Ɲąą liɛɛ nu paa mɛ̨nį ɓa, mąą kəlɛɛ, yɛ lən, yɛ kɛ wɛlɛn-wɛlɛn.

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Izikiɛ 24:21

'Mo Israɛlə nwɔ pɛlɛ́i ɓa, yɛ mą: ‹Mɛ̨ni kəlee ŋą Hééɓomun Yálá woo ka, yɛ, gáá pai nwɔ pɛlɛ́i pui, yai gaa a ka ɲɛ̨i pɔ̨nɔ̨ hɛn, ka wɔ ɲąąwooɓo laai hu; yai gaa a ka ɲɛ̨i kɔ́w nwɔ kwəinɛ̨ɛ̨; yai ka ka kilitɔɔi mą ka wɔ yɛnɛ̨ɛ̨ hu. Ka lon ɉinąą da ka lon nɛ̨ąąi tii ka di lɛɛ Ɉerusalɛmə, di kaa pai tooi ɓɔwa kwɛa yee ŋą.

Izikiɛ 6:6

Ɓɛi lɔpee ka káá pai kɛi laa, da daaɠaa pu, diɛ ɉaláá kulɔiɠaa hu taɠa taɠa, diɛ ka wɔ halaa kulɔiɠaa hu kala la ti; nąą ɓɛlɛ yɛ kpɛɛ la mą; diɛ ɉali mąąnįnįnŋąą yali yali, di mąą mɛ̨nį yɛ kpɛɛ; diɛ ɉali kɔ́ pɛlɛ́ɠaa wolo, diɛ ka yee pɔɔ taɠa taɠa.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Danîa 2:46

Nąąlɔwai, tɔɔmun Nabukodonosorə ə pɛlɛ nɔi ɓa, ə kwɛli hvilɛn Daniɛlə ɓa. Yili pulu, ə mo yɛ diɛ: «Ka pa a haláá hɛn gu dɛɛ Daniɛlə pɔ da wulɔ kun nɛ̨ɛ̨.»

Amɔsə 7:9

«Ɓɛiɠaai kpɔ Isaakə huwu a kɛ hali kɔ́i laa, gáá nąą kəlee taɠai. Gáá Israɛlə nu huwu di wɔ haláá kulɔiɠaa taɠai, ɛlɛɛ, ŋį́ pɛlɛ Ɉeroboamə yəi bɛlɛ́n nuą diɛ a kɔ́.»

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Sofoni 3:6

Ŋą́ą́ lɔi taɠaa mąą mɛ̨nį kpɛɛ yɛnɛ̨ɛ̨, di mąąkpɛ pɛlɛ́ɠaa daa pu, ŋą́ą́ bələɠaa mɛ̨i tɔɔ tón-tón, nu hvo mą hvo tɛɛ la. Ŋą́ą́ daaɠaa lɛɛ a taa kpoloon, nu hvo ɉu, nu hvo mą hvo hee laa.

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Hebreu 10:26

Mąąhɔlɔɓo, guɔi gwaa tɛ̨ą leelee kɔ́lɔn, gwa gili, gwa nɛ̨ŋɛ̨n ɉəɠə, nɛ̨ŋɛ̨n mąą hvaalɛɛ haláá kulaa takpɛli hvo kɛa laa.