Levetekɔ 26:17 - Yálá laawoo hɛɓɛ (dc)

¹⁷ Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Yálá laawoo hɛɓɛ

¹⁷ Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Bible

¹⁷ Ŋa pâi ḿbôlu fêi kâa a gɛɛ kákpɔara-ƃelai dí káyee mɛi ɣále díkɛ ƃò kámɛi. Ká pâi yaôi kpɔ́ ká pɛ́lɛ pûi yɛ̂ɛ ǹyaa ƃe núu da a kákpɛ̂i.

Levetekɔ 26:17 ပူးပေါင်းရင်းမြစ်များ

Zɛnɛse 4:12

Yili ɓə gaa mą, ə mą kɛ yaa kóló kɛ lɔi ɓa, hvo kɛa pai hɛn da tɛɛi ə́ pɔ. Ə́ kaa pai lɛɛi a nu kpoloon, yɛ́ gilɛ həɠə lɔi mɛ̨i.»

Tɔɔɓɛlaa dɔlɔɔ 8:33

«Ə́ wɔ nu huwu Israɛlə a nɛ̨ŋɛ̨n ɉəɠə yɛ́, ɲowow yee a tɛɛ mą kɔ́ hu, gɛ nɛ̨ŋɛ̨n tii mąą mɛ̨nį ɓa; a pənə a pa ə́ pɔ, yɛ ə́ laa mąąwiɛ, yɛ ə́ hvɛli, yɛ nɛ̨ɛ̨mąą hvə yɛ́ bɛlɛ́i ŋɛ̨i mu,

Tɔɔɓɛlaa veelɛ 13:3

Yai-Laa lii ə holi Israɛlə nuą pɔ, ə di lɔ Aramə tɔɔmun Hazaɛlə yee mu a yələ kəlee, ə mą kɛ Hazaɛlə lon Bɛn-Hadadə yee mu.

Tɔɔɓɛlaa veelɛ 13:7

Nuą lɔ lɛɛ Yoakazə yəi a kɔ́ kɔ́ nuą, di kɛ a hoo mɛ̨i nuą, nu pow lɔɔli, kɔ́ wotolo pow, ɛlɛɛ, kɔ́kuláá waa pow. Aramə tɔɔmun aa kɛ gbəliɠaa tii kəlee paa, ə kɛi hiɛ di hu yɛ nu aa kɛi hiɛ muluun gbala hu.

Mąątɛ̨nɛ̨ 44:10

Ya ka yáá ku pili, yáá ku ɲɛ̨i paa. Hvó lɛɛi kɛa ku wɔ kɔlaɠaɠaai pɔ, káá li kɔ́ mɛ̨i.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Mąątɛ̨nɛ̨ 53:6

Diɛ ka ɓɛ, di mąą yɛ kpɛlin, ya pa, nu mąą kpɛlin mɛ̨nį hvo laa. Mąąhɔlɔɓo, nuąi kɔ́ pɛlɛi yɛ́, Yálá aa di kɔ́wɠaa hu taɠa-taɠa. Yá yɛlɛ kulɔ di hu kɛa, mąąhɔlɔɓo Yálá aa di pili.

Hanwon 28:1

Nui líi ɲɔ̨ngwəimun gaa lɔ gilɛ ɲą, ə mą kɛ, nu hvo bulu. Tələnmomun nwɛi, gaa yɛ yala gbɔn, nii hva kulɔ mą.

Azaya 30:17

Nu waa tɔ̨nɔ̨ kaa pai pui, diɛ ɲɔw nu tanɔ̨n gbən ɓa. Nu lɔɔli gbən kaa pai ka mąą ɲɔwi, ka kəlee kaa pu di tɔwɔ, nuąi da kulɔ ɉu, da kɛ lɔ kɛa yɛ kɛɛnąą lɛ hɛn tɔɔni yee tonna, di ɓo yɛ wulu kpiɛn da dɔɔ yee kpu kpu nwuɔ̨ yɛ pələ lɛ.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Ɉeremi 19:7

Gáá pai Ɉuda da Ɉerusalɛmə taa di wɔɔ nwun dɔɔ hu woo kɛi a kpɛli kpɛli gɛɛnąą ŋɛ̨i ɓa. Ŋą́ hvaa mą, di yowoɠaa diɛ kɔ́ pɛlɛ diɛ, diɛ di paa, nuąi diɛ di di wɔ yɛnɛ̨ɛ̨ kulɔ di yəi, ŋį́ di tɛɛ yiliɠaa pɔ. Ɛlɛɛ, di powa ə lɛɛ a yələi nwɛ̨nįɠaa da lɔwɔ huwɔɠaa kɔ̨nɔ̨n.

Ɉeremi 44:11

«Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei ka hu, gɛ́ ka mɔ̨nɔ̨ ɓo, ɛlɛɛ, gɛ́ ka huwu kpɛɛ Ɉuda lɔi kəlee hu.

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Woolaa 2:4

Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Izikiɛ 15:7

Gáá heei di hu: Daa kulɔ nwɔ̨n ɲəi, kɛlaa nwɔ̨n gaa pai di kələn ɉi; bələ ɓə ká gili kɔ́lɔn na ti káá kɛ, Yai-Laa ɓaa a ɲą́ą́, ɲą́ą́ ɲɛ̨i hee ka hui.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Dutɛrɔnome 28:25

Yai-Laa kaa pai ka yowoɠaa yee tɛɛi kaa, ka kulɔ a pələ tɔ̨nɔ̨ kaa li pɛlɛi diɛ, kɛlaa da pu ka hu, kaa pu di tɔwɔ a pələ mɛ̨ihveelɛ a dee tee. Ka káá pai yɛnɛ̨ɛ̨ lɔiɠaa kəlee kwəi pili diɛ.

Zasua 7:4

Nu waa haaɓa ɲɔ̨nwɔ̨mąn nɔ ɓə həɠə nuą lɔwai, diɛ li gɔ́ tooi; kɛlaa, di yee hvo lɔ, di pu Ai nuą tɔwɔ.

Nwun mąąɓo 2:14

Yai-Laa ə níiɲąnwąną Israɛlə lonnii diɛ. Ə di tɛɛ di yowoɠaa pɔ, yiliɠaai di di hon. Ə di lɔwɔ́tɔɔ di yowoɠaa kɛ di kwɛlɛ diɛ, di hvo pɛli tɔɔi di yowoɠaa la.

Nwun mąąɓo 3:14

Israɛlə nuą di lɛɛ Moabə tɔɔmun Ɛglɔn yee mu, ə kɛ a kwɛlan bow kɔ́w mɛ̨ihaaɓa.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 6:2

Madian nuą di hee kpɔ Israɛlə lonnii mɛ̨i a nwąnąlɔ. Ya ɓə ə gɛ, Israɛlə nuą di kɛi di loo Madian nuą tɔwɔ, diɛ pələ kulɔ ɲee woloɠaa hu, diɛ lɔ gwɛni woloɠaa hu, diɛ di mąąkilɛ laa.

Samuɛlə dɔlɔɔ 12:15

Kɛlaa, ka wala ka wəli tɔɔ Yai-Laa woo ɓa, ka ká nwun gulɔ Yai-Laa nwɔ tɔ́n nwooɠaa mu, Yai-Laa yee kaa pai wiɛi ka mɛ̨i, yɛ bələi ə wiɛ la ka nąnni mɛ̨i.

Samuɛlə dɔlɔɔ 31:1

Filisti nuą di kɔ́ pɛlɛ Israɛlə ɓa, Israɛlə nuą di pu Filisti nuą tɔwɔ. Di mɔlɔ ɓɛlaa paa Gilboa yee ɓa.

Samuɛlə dɔlɔɔ 4:10

Filisti nuą di gɔ́ yili ŋą, gɔ́ ə kpɔli kpɔ, gɔ́ ə kala Israɛlə nuą diɛ kpɔ kɛnɛ̨, di pu, nu kəlee ə li bɔɔli, volói tii kɔ́kuláá nu waa pow haaɓa, di haa Israɛlə nuą lɔwai.