Levetekɔ 25:9 - Yálá laawoo hɛɓɛ (dc)

⁹ Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Yálá laawoo hɛɓɛ

⁹ Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Bible

⁹ À kɛ̀ tí, ŋ̀áloŋ ǹɔ́ɔlui mɛi feerɛi ŋɔfóloi buu ɣelei ƃe gáa a Gɛ-zu tɔnɔ Ɣelei. Vóloi ŋí ƃe ká dúrui fɛ́ɛ la ǹɔii sú gwaa kélee ḿa.

Levetekɔ 25:9 ပူးပေါင်းရင်းမြစ်များ

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Mąątɛ̨nɛ̨ 89:16

Nwun na nɛ̨ɛ̨mun maa, nu huwui a ə́ mąątɛ̨nɛ̨. Di kaa pai kɛi hiɛi ə́ ɲɛ̨ilai nwɔ kɛɛ pɔ̨nɔ̨ hu, Yai-Laa.

Azaya 27:13

Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.

Levetekɔ 16:20

«A kpɛɛ kɛa a nɛ̨ŋɛ̨n mąąhvaalɛɛ mɛ̨nįɠaa kɛɛ gɛɛnąą mąąhəɠɛɛ mɛ̨i, da gee kaa kələ mąą mɛ̨nį hu, ɉaláá kulɔ kəhi mɛ̨i, a mo di pa a molu hilɛi tii a vulúi.

Levetekɔ 16:29

«Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Levetekɔ 16:30

Mąąhɔlɔɓo, volói tii ɓə da nɛ̨ŋɛ̨n mąąhvaalɛɛ kóló kɛ la ka mɛ̨i, yɛ nɛ̨ŋɛ̨n gulɔ kaa, ka mąą yɛ həɠə la tii ka wɔ nɛ̨ŋɛ̨nŋąą diɛ, Yai-Laa ɲɛ̨i ɓa.

Levetekɔ 23:24

«'Mo Israɛlə lonnii diɛ, yɛ́ diɛ: «Ɲąnin mɛ̨ihveelɛnąą nwɔ hvóló dɔlɔɔ, kaa ka yəi a hvįįtɔɔ hvóló, yɛ mɛ̨nį kili too ka ŋą, ə ɓo a hɛli, ka ka ɲąąkpɔn a ɲələ, kaa mą́ą́wiɛ.

Levetekɔ 23:27

«Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Levetekɔ 25:8

«Ka hvįįtɔɔ hvóló lonon mɛ̨ihveelɛ, kwɛlan ba pələ tɛitɛi, ka gwɛlan mɛ̨ihveelɛi tii heei kɛ mɛ̨ihveelɛ. A kɛ tii kwɛlan bow nąąn kɔ́w mɛ̨inąąn ga tii.

Levetekɔ 27:17

Nui a nwɔ tíi laakwɛlanmo a mąąɓo kwɛlan nɔwai, ɉɔ̨nwɔ̨i tii ɓə a lɛɛ mą.

Levetekɔ 27:24

Nui di díi ya ɲəi, díi a pənə ə lɛɛ ɲəi a mąąɓo kwɛlan nɔwai, yili ɓa, nui gwɛlin ni, ya ɓə a lɛɛ ɲəi.

Lonon mo 10:10

Ka wɔ hɛli hvólóɠaa, da ka wɔ ɲąnin nįnɛ̨ nwɔ hɛliɠaa, a wala kɛ tii hɛli mąąwiɛi takpɛliɠaa hu, ɓɛlɔwai ka kɛi haláá hɛn gələn na, kaa nɛ̨ɛ̨yɔwɔ laa haláá kulɔ, ka dúlúɠaai tii hvɛɛ, ə gɛ ka ka nąą kili too la Yai-Laa ka wɔ Yálái ŋą. Ɲą́ą́ Yai-Laa ka wɔ Yálá.»

Lonon mo 36:4

Ɛlɛɛ ɓɛlɔwai nɔi hvįįtɔɔ kwɛlan a ɉəli la Israɛlə lonnii yəi, nɛ̨ąąɠaa tii, di wɔ lɔiɠaai a pɛlɛ di hilɛni di wɔ lɔiɠaai diɛ; di gulɔ kɛa ku wɔ lɔiɠaai hu.»

Lomaŋ 10:18

Akɛti nuąi di hvo laa na, di hvo mɔ̨ɔ̨ nwɛlɛɛ lɛlɛɛi ti mɛ̨n? Kɛlaa di mɛ̨n gbɔ! Yɛ bələi Yálá lawoo hɛɓɛ́ kaa moi la yɛ diɛ: Di woo ə həli yɛnɛ̨ɛ̨ nąą kəlee, di wɔ kalan gɛ woo ə həli lɔi kpɛlai.

Lomaŋ 15:19

a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.

Tɛsalonikə dɔlɔɔ 1:8

Ká pɔɔli ɓə gu Nąmu laa woo ə həɠə laa yɛ li Masedoanə da Akaiə, kɛlaa ka laa mɛ̨nį Yálá la, bələ aa taɠa-taɠa kɛɛnąą kəlee, ə mą kɛ kpɛli kɛ, ku hvo yili bələ ta ɓo li káá.

Zasua 6:4

Ɉaláá laa həli nuą mɛ̨ihveelɛ, di kaa pai kɛi mįnɛ̨ kəhi tɔwɔ, ɓɛlaa mįnɛ̨ mɛ̨ihveelɛ ə ɓo di yəi. Voló mɛ̨ihveelɛ yələ, ka daa mąątinɛ̨n gee mɛ̨i mɛ̨ihveelɛ, ɉaláá laa həli nuą da mɛlaa mįnɛ̨ tulu hvɛɛ.