Levetekɔ 25:43 - Yálá laawoo hɛɓɛ (dc)

⁴³ Hvó ɉon a mɔ̨nɔ̨ ɓo pələ. Bələ ɓə mąąnɛ̨ɛ̨ ka ɲɔw la ka wɔ Yálái ɓa.

Yálá laawoo hɛɓɛ

⁴³ Hvó ɉon a mɔ̨nɔ̨ ɓo pələ. Bələ ɓə mąąnɛ̨ɛ̨ ka ɲɔw la ka wɔ Yálái ɓa.

Bible

⁴³ Káfe dísòŋ a ǹyɔ́mɔɔ, kɛ́lɛ ka yao Ńyãa Ɣâla ma.

Levetekɔ 25:43 ပူးပေါင်းရင်းမြစ်များ

Zɛnɛse 42:18

Voló ɉaaɓa yələ, yɛ diɛ: «Mɛ̨nį gáá ɉu hvɛlii kaa, ka gɛ, ka nwun mąą a ɓo. Mąąhɔlɔɓo, ɲą́ą́ gbɛli, ŋą ɲɔw Yálá ɓa.

Kɔlɔnikɔ Veerɛi 28:10

Yii hui ŋɛ̨i, ka káá kɛi diɛ, ka Ɉuda nuą da Ɉerusalɛmə nuą ŋɛ̨i kɛ a ka wɔɔ luwɔ hinąą da ka wɔɔ kólo kɛ nuą! Kaa kpɔ ŋɛ̨i, a kaa kpįnįi kpɔ ŋɛ̨i, ka hvo mɔ̨ɔ̨ a hɔnmąą nuą ka wɔɔ Yálái Yai-Laa ɲɛ̨i a?

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Zôo 31:14

Yálá a muhəɠə, lə ɓə ŋą́ gɛ́? A mą́ą́ləngɛ, ŋą́ kɛ mą lə?

Lɛɛ gbɔwɔ ɓa 1:17

Kɛlaa, vɛlɛɛlee kɛ nɛ̨ąą tii, di ɲɔw Yálá ɓa, di hvo gɛ, di hvo lɛɛ dɔɔmun nwoo ɲą. Di hvo kɛi ɉinąą paa.

Lɛɛ gbɔwɔ ɓa 1:21

Ɲɔwi vɛlɛlee kɛ nɛ̨ąą di mo Yálá ɓa, ya ɓə gɛ, Yálá yɛ di yəi bɛlɛ́n nuą kwəi nwun.

Lɛɛ gbɔwɔ ɓa 2:23

Kwɛlan damąą kulaa ɉu, Eziptə tɔɔmun ə haa. Kɛlaa ə mą kɛ tii, Israɛlə lonnii di kɛli lɔ mɔ̨nɔ̨ mįi nuwɔlaa hu, diɛ wɔlɔ. Di wɔlɔ woo ə həli Yálá ɓa.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 3:9

Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Lɛɛ gbɔwɔ ɓa 5:14

Israɛlə nuąi di di hee di ɓɛlaa nwun na, di yiliɠaa hukɛlɛ, diɛ kɛ diɛ: «Lə mɛ̨nį ɓa, voló hveelɛi ŋɛ̨i yee mu, pɔlɔ kɔ́wi kɛ mąąnɛ̨ɛ̨ ka gulɔ, ka hvo gulɔ li?»

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Izikiɛ 34:4

Daatɛlɛɛ yiiɠaai kɛ di hviikpɛɛ, ka hvo di hvaŋą lɔ li; yii ɲɔ̨n ə kɛ mą, ka hvo ɉali kɛ li, yii kɛ gɔwɔ yaliɛ, ká hvo nąą yili li, yii kɛi li nwun ma, ká hvo hee li mą, hvo pənə hvo pa, yai kɛ aa pili, ka hvo gwɛli li. Kɛlaa, kaa wɔ ɲąąwooɓo laa kɛ a wea, a nuą hvinna tɔ́n bələ.

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Levetekɔ 25:42

Mąąhɔlɔɓo, nuąi ŋį́ di kulɔ Eziptə lɔi hu, nwɔ́ tí nuą li, nu ta hva pɛli di lɔwɔ́tɔɔi yɛ da kɛi luwɔ lɔwɔ́tɔɔ.

Levetekɔ 25:44

«Luwɔ hinąą da luwɔ nɛ̨ąą ka káá pai kɛi di yái ka kwɛlɛ lɔiɠaa hu,

Levetekɔ 25:46

Ka pɛli di lɛɛi ka lonnii yəi. Ka lonnii di wɔɔ li; diɛi tii, ka pɛli di kɛi a luwɔɠaa a yələ kəlee. Kɛlaa, ka huwu, diɛi ɓaa Israɛlə lonnii, mąą hvo nɛ̨ɛ̨li ka hvo da kɛ a ka wɔɔ luwɔ, kaa hee mɛ̨i kaa mɔ̨nɔ̨ ɓo.

Levetekɔ 25:53

Mąą nu a kɛ dɔlaa nąmu pɔɔli yɛ kóló kɛ mun da ɉala, kɛlaa dɔlaa nąmu hva hee mɛ̨i a mɔ̨nɔ̨ ɓo pələ.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Ifisiɛŋ 6:9

Káái nwɔ̨nɔ̨ nuą kaa ká yee kɔnma, 'ká gɛ lɔ tii a diɛ. 'Ká haŋąmąą mɛ̨nį kulɔ ká lɔwai, ká kili kaa ɉu káá, diɛmąn-o, káámąn-o, ká nwun nąmu kaa yələi pələ, ɛlɛɛ, nwɛi, hva nu huyɛɠɛ.

Dutɛrɔnome 25:18

Ə pa ə pɛlɛ kaa bələi a kɔ́, nuąi kɛi hiɛ ɲąą-ɲąą, nu kpulu pulu pələ, ə di paa; nąąlɔwai ka hviikpɛɛi kɛ, pulu ə ɓo kaa, hvo ɲɔw Yálá ɓa.

Kolosə 4:1

Luwɔ nąmįną, káá kpəlimąn, ká ká wɔɔ luwɔɠaai hon a tələnmolaa, a ɉaŋąą. Ká kili ə pu ɉu káá kpɛlimąn, káá, ká Nąmu kaa yələkɔlɔn ɉu.