Levetekɔ 25:10 - Yálá laawoo hɛɓɛ (dc)

¹⁰ Ka gwɛlan bow lɔɔli nąą kɛ a kwɛlan mąąhəɠɛɛ, ɛlɛɛ ka nɔi lonnii kəlee nwun mąąɓo lólóɓo. A kɛ́ ka yəi a hɛli, yɛ Yálá kɛ mɛ̨nįɠaa kili too ka ŋą, nu kəlee ə pənə ə li nąn nwɔ lɔi hu, nu kəlee ə pənə ə li ɉuwu hu.

Yálá laawoo hɛɓɛ

¹⁰ Ka gwɛlan bow lɔɔli nąą kɛ a kwɛlan mąąhəɠɛɛ, ɛlɛɛ ka nɔi lonnii kəlee nwun mąąɓo lólóɓo. A kɛ́ ka yəi a hɛli, yɛ Yálá kɛ mɛ̨nįɠaa kili too ka ŋą, nu kəlee ə pənə ə li nąn nwɔ lɔi hu, nu kəlee ə pənə ə li ɉuwu hu.

Bible

¹⁰ Góraŋ buu lɔ́ɔlui káa a kóraŋ maa waa gɛ́ ƃò a ŋuŋ ma ƃo koraŋ núu kélee mɛ̂ni ma. Diai kélee díkɔ̃liŋ kɔ̀lɛ kâai ka dɛ̀ɛ dípɔ pôlu, kpaa máŋ dílônii pɔ́ góraŋ ŋí su. Diai káyêei luɛ-laa sui ká díŋuŋ ḿa ƃó dí lí pôlu dínûai pɔ́ naa.

Levetekɔ 25:10 ပူးပေါင်းရင်းမြစ်များ

Ɛsdrasə 1:3

Kaai kpɔ ka káá a Yai-Laa nwɔ nuą, gɛ́ Yálá ə lɛɛ ka pɔ. Ka ka muhəɠə ka li Ɉerusalɛmə daai, Ɉuda lɔi hu, ka pɛlɛ́ tɔɔ laa Yai-Laa ɓa, a Israɛlə nwɔ Yálá; yai gaa Ɉerusalɛmə.

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Azaya 49:9

Yɛ́ kɛ gaho nąmįną diɛ: «'Ka kulɔ!» Yiiɠaai kɛ kpinį, yɛ́ kɛ diɛ: «'Ka kulɔ bono ŋą!» Di kaa pai laamii hɛn ɉɔlɔɓoi pələ kəlee pɔ, diɛ di kɔ̨nɔ̨n gaa yee lɔwai kəlee ɓa.

Azaya 63:4

Ŋą́ naa tii gwə́i, gɛ́ nwą́ną́ kulɔ hvoló aa həli, nwun mąąɓo kwɛlan aa kɛ pa.

Ɉeremi 34:10

Nu kpɛa kpɛaa da nɔi lonnii kəlee di kɛɛ mɛ̨nįi tii ɲąą yilii, yai kɛ a nuwɔɠaa lɛɛ mɛ̨nį di kpɔɔ ɓa; ɉinąą mąn nɛ̨ąą mąn, ɛlɛɛ, di hva kɛa di yee kanąn diɛ, luwɔlaa hu. Nwooi tii mɛ̨n di mo, di bɔ mɛ̨nį kɛ, diɛ nuwɔɠaa lɛɛ di kpɔɔ ɓa.

Ɉeremi 34:8

Nwoo ŋɛ̨i ə həɠə nwɔ̨nɔ̨ Yai-Laa pɔ, yɛ həli Ɉeremi ɓa. Ɓɛlɔwai tɔɔmun Sedesiasə ə mo la nuąi kpɔ Ɉerusalɛmə diɛ, da diɛni di woo ə laa ma, diɛ nuwɔɠaa kəlee lɛɛ di kpɔɔ ɓa, nąąlɔwai li kɛ.

Izikiɛ 46:17

Tɔɔmun a nwɔ luwɔ ta kɔ́ a gbɔɔ kpɔɔ lɔi ta, nɔi tii a lɛɛ a nuwɔi tii nwɔɔ, ə lɛɛ ɉu gwɛlan mąąnɛ̨ɛ̨ nuwɔ ə lɛɛ la gbɔɔ ɓa, ɲələ ə həli. Yili pulu, nɔi ə pənə ə lɛɛ dɔɔmun ɲəi. Yii lɔ a tɛɛ dɔɔmun nonnii pɔ, yili ɓə a lɛɛ a di wɔɔ.

Levetekɔ 25:11

Gwɛlan bow lɔɔli nąą a kɛ ka yəi a hɛli, ka hva tíi kɛ, mɔ̨nun gbaɠaɠaai da lɛɛ gban ɉu, ka hvo dee, ɓá wuluɠaai da bɔn di kpɔwɔ ɓa, ka hvo di ɓá kulɔ.

Levetekɔ 25:13

«Gwɛlan tii yee mu, nu kəlee a pɛli ə li, ə hee nąn nwɔ lɔi hu.

Levetekɔ 25:41

Gwɛlan a ɉəli, a kulɔ ə pɔɔli da nonnii, di li di yəi bɛlɛ́n, di hee di wəlingią lɔi ɓa.

Levetekɔ 25:54

Nwun mąą a wala pɛli ɓoi a pələ lɔpee ta, nwun mąąɓo kwɛlan a ɉəlii, a lɛɛ gbɔwɔ ɓa da nonnii.

Lukə 1:74

a ku kulɔ ku yowoɠaa yee mu, ku lɛɛ ku kpɔɔ ɓa, əgɛ, ku tiɓo kɛ yaa tɔ̨nɔ̨ gbən ɓa a ku kwəinɛ̨ɛ̨.

Korɛntə veelɛ 3:17

Mąąhɔlɔɓo, gu Ną́mu kaa a Kili, yaan, ɓɛi gu Ną́mu-Nįi kaa laa, nąą ɓə lɛɛ gbɔwɔ ɓa laa kaa laa.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.