Levetekɔ 23:27 - Yálá laawoo hɛɓɛ (dc)

²⁷ «Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Yálá laawoo hɛɓɛ

²⁷ «Yili a həɠə laa, ɲąnin mɛ̨ihveelɛnąą tii nwɔ hvóló pow yələ, nɛ̨ŋɛ̨n mąąhvaalɛɛ hvóló kɛnɛ̨ li, ka haláá kulɔ a ɲələ, ka hin nɔ.

Bible

²⁷ “Ŋ̀áloŋ ǹɔ́ɔlu mɛi feerɛ ɣelei káa a sɔnyɔ̂ŋ su mɛni lɛɛ ɣele. Ka kákpîŋ maa waa ká káŋaa tɛ́ gîe ma ka kéreŋ sala kula ńyãa Yâwɛɛ ma.

Levetekɔ 23:27 ပူးပေါင်းရင်းမြစ်များ

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Mąątɛ̨nɛ̨ 35:13

Ɓɛlɔwai di kɛ la ɲɔ̨n ɉu, ŋį́ kɛi mąąwɛli heeɓo, gɛ́ hin nɔ, gɛ́ Yálá hvɛli gwə́i pələ.

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Levetekɔ 16:11

«Aarɔn ə nįŋɛ̨ gbɔn ɉəɠə, ə naa həli Yai-Laa ɓa, da ɲəi bɛlɛ́n nuą di wɔ nɛ̨ŋɛ̨n mąąhvaalɛɛ mɛ̨nį ɓa, ə nįŋɛ̨ nwun dee.

Levetekɔ 16:15

Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Levetekɔ 16:16

Israɛlə lonnii di wɔ woo tee ŋą laa, di wɔ kwɛli tee laa, yii mukulaa ɓaa di wɔ nɛ̨ŋɛ̨nŋąą kəlee, a di mąąhvaalɛɛ kóló kɛ; ə mą kɛ gee kaa kələi gaa di lɔwai ɓɛlɔwai da kɛ di mąąliɓi mɛ̨nį kɛi la.

Levetekɔ 16:24

A kpɛɛ a yili ə gbinį waa a yá gɛɛnąą mąąhəɠɛɛ ɓa; Yili pulu, nwɔ hɛnŋąąi tɔlɔɔ nee kɛ mą, ə yiliɠaa kɛ mą, ə kulɔ, ɉaláái da gəlee kələn, ə yili kulɔ, gbɔwɔ mąą mɛ̨nį ɓa, da nɔi nuą mąą mɛ̨nį ɓa.

Levetekɔ 23:26

Yai-Laa yɛ Moisə ɓa:

Levetekɔ 23:28

Ka hvo kóló lɔpee ta kɛ a ɲələ, nɛ̨ŋɛ̨n mąąhvaalɛɛ hvóló kɛnɛ̨ li, diɛ nɛ̨ŋɛ̨n mąąhvaalɛɛ kóló kɛ la ka mɛ̨i Yai-Laa ka wɔ Yálái lííla.

Levetekɔ 25:9

Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Gɛlaɠaa 27:9

Yíi kuu tamąą aa kɛ tɛɛ, ɛlɛɛ, hiɛ kulɔ laa walawalaai kɛa kɛ gboloyá ɲą. Mąąhɔlɔɓo, hin nɔ yələ aa kɛa kɛ tɛɛ. Polə ə nuą kili pu tii ɉu, yɛ diɛ:

Zĩi 4:9

'Ká ká wɔɔ mąąwɛli laa hu kɔlɔn, ká mąą wɛli hee ɓo, 'ká wɔlɔ, 'ká ká wɔɔ yɛlɛ mąą pənə a haa wɔlɔ, ɛlɛɛ, 'ká ká wɔɔ kwəinɛ̨ɛ̨ mąą pənə a nwumɛ̨.