Levetekɔ 23:10 - Yálá laawoo hɛɓɛ (dc)

¹⁰ «'Mo Israɛlə lonnii diɛ, yɛ́ diɛ: «Nɔi ŋɛ̨i gáá pai dɛɛi ka pɔ, ɓɛlɔwai ka li ka hee la ɉu, mɔ̨nun deei lɔwai a ɉəli, mɔ̨nun gɔn dɔlɔɔi ka dee, ka dɛɛ ɉaláá laa həli mun bɔ.

Yálá laawoo hɛɓɛ

¹⁰ «'Mo Israɛlə lonnii diɛ, yɛ́ diɛ: «Nɔi ŋɛ̨i gáá pai dɛɛi ka pɔ, ɓɛlɔwai ka li ka hee la ɉu, mɔ̨nun deei lɔwai a ɉəli, mɔ̨nun gɔn dɔlɔɔi ka dee, ka dɛɛ ɉaláá laa həli mun bɔ.

Levetekɔ 23:10 ပူးပေါင်းရင်းမြစ်များ

Lɛɛ gbɔwɔ ɓa 22:29

«‹Bələ lɔ ɓə yá gɛ la a ə́ wɔ nįŋɛ̨ da ə́ wɔ ɓɛlaaɠaa, a lɛɛ nee pɔ hvóló mɛ̨ihveelɛ yee mu, voló mɛ̨ihaaɓa yələ, ə́ dɛɛ bɔ́.

Lɛɛ gbɔwɔ ɓa 23:16

Ka mɔ̨nun dee hɛli pu, ka kɛ kólóɠaa da ɉɛnŋąąi ka ɉin ka pɔ yɛa, di ɓá dɔlɔɔ-tɔlɔɔ hɛli li. Gwɛlan naa kulɔi lɔwai, ɉɛnŋąąi ka ɉin, ka kɛi di ɓáɠaa pui kɛ, ka yili ɉɛli pu.

Lɛɛ gbɔwɔ ɓa 23:19

Ka pa a ka wɔ hihɛn má dɔlɔɔ-tɔlɔɔɠaa Yai-Laa ka wɔ Yálái yəi bɛlɛ́n. Ka hvo ɓolu lon ɲili nee ɲįnįya hu.

Lɛɛ gbɔwɔ ɓa 34:22

«Mąąnɛ̨ɛ̨ ka nɔwɔ mɛ̨ihveelɛ hɛli pu a ɉihɛn dɔlɔɔ kulɔi lɔwai, ɛlɛɛ, ka mɔ̨nun dee hɛli pu, a gwɛlan naa kulɔi lɔwai.

Lɛɛ gbɔwɔ ɓa 34:26

«Mąąnɛ̨ɛ̨ ka pa a ka wɔ lɔi hu wulu ɓá dɔlɔɔ Yai-Laa ka wɔ Yálá yəi bɛlɛ́n. Ka hvo ɓolu lon ɲili nee ŋįnįya hu.»

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Levetekɔ 14:34

«Ɓɛlɔwai ka lɔ la Kanaan lɔi hu, yai gáá dɛɛi ka pɔ a ka wɔɔ, ŋą́ pɔɔ ta kɛ nɔi nįnɛ̨i tii ka káá pai lii ɉu nwɔ pɛlɛ́ ta ɓa,

Levetekɔ 23:11

Ɉaláá laa həli mun a mɔ̨nun gɔn tii lɛ Yai-Laa ɓa a naa həli pələ, ə ɲee hee mu, yili yɛ ka wɛli too mą. Ɉaláá laa həli mun a naa həli a túwɔ́ hvóló mąą yələ laa ɓoɔ.

Levetekɔ 23:17

Ɓɛi lɔpee ka kɛ laa heeni, ka pa a lɛɠɛ mɔnŋąą hveelɛ, dɛitɛi kəlee pɛliɛ a gəgən ɉu haaɓa lɛɠɛ hunwɔ̨, dɛ hɛn yɛ ɓo ɉu. Ka wɔ hihɛnŋąą mɛ̨ikɔw li, a Yai-Laa nwɔɔ.

Levetekɔ 23:9

Yai-Laa ə mo Moisə ɓa, yɛ mą:

Lonon mo 15:2

«'Mo Israɛlə lonnii diɛ, yɛ́ diɛ: «Nɔi ŋɛ̨i ka káá lii heei ɉu, a ɓɛi ŋɛ̨i ŋį́ nąą tɛɛ ka pɔi, ka həli laa,

Lonon mo 28:26

«Ka kɛ kóló má tɔlɔɔɠaa mąą hɛli pu yələ, ka kɛi pa Yai-Laa kɔ́i a ka pɔ yɛa ɓá nįnɛ̨ɠaa a nɔwɔ mɛ̨ihveelɛ hɛli yələ, mąąnɛ̨ɛ̨ ka ɲąąkpɔn mąąhəɠɛɛ too; ka hva kóló ta kɛ a mąą yələ.

Lomaŋ 11:16

Da hɛn nįnɛ̨ kulɔ Yálá ɓa, gbəli kəlee kaa a nwɔɔ. Wulu ɉamu a kɛ a Yálá nwɔɔ, nwulu nąą kəlee kaa a nwɔɔ.

Dutɛrɔnome 16:9

Ɓɛlɔwai ka káá pai kɛi mɔ̨nun dɔlɔɔɠaa teɛ kɔ́wɔ tɔɔi la, ka lɔwɔ mɛ̨ihveelɛ lonon; ka nonoɔ kɔ́wɔ tɔɔ a mɔ̨nun tɔlɔɔ tee yələ.

Zĩi 1:18

Yaa kpinįi niiɓa hu ɓə, ə gu kaa la a lon, tɛ̨ą woo háálai, əgɛ, gu kɛ a ŋą pɛli hɛn dɔlɔɔɠaa.

Zasua 3:15

Ə kɛ a di wɔ hihɛnŋąą ɓá kulɔi lɔwai, yaan, nąąlɔwai Ɉurdɛn ə kɛ a vɛɛ naŋin ŋąą gahin mɛ̨i; kɛlaa, ɓɛlɔwai mįnɛ̨ kəhi həɠə nuą kɔ́wɔ ə hvilɛn na ɲái,

M̀ɛni-lɛɛi 14:4

Di hvo di mąąliɓi li a nɛ̨ɛ̨nu mɛ̨nį, mąąhɔlɔɓo, di hvo nɛ̨ɛ̨nu mɛ̨nį hu kɔlɔn. Di hvilɛnŋąąi mɛlaa Lon bulu, ɓɛi aa kɛli li laa, diɛ ɓo bɔ. Diɛ ɓə di nwun mąą aa ɓo nu kanŋaa lɔwai, yɛ dɔɔ dɔwɔɠaa a Yálá nwɔɔ, ɛlɛɛ, da Mɛlaa Lon,

Rutə 1:22

Bələ ɓə Naomi da non nɛ̨ą Rutə ŋɛ̨i kɛ a Moabə lɔi hu mun, di paa la Bɛtleɛmə daai a di wɔ kpai teei lɔwai kɔ́wɔ tɔɔi.