Levetekɔ 22:18 - Yálá laawoo hɛɓɛ (dc)

¹⁸ «'Mo Aarɔn da nonnii diɛ, da Israɛlə lonnii kəlee, yɛ́ diɛ: «Israɛlə mun da, a wala kɛ tii, nwɛ̨ąi heeni Israɛlə lɔi hu, a kɛ bɔ ə pa a Yálá mąąwiɛ haláá hɛn Yai-Laa pɔ, ə kɛ a yii gaa a naa gwəi haláá hɛn, ə kɛ a yii ə naakwɛlanmo,

Yálá laawoo hɛɓɛ

¹⁸ «'Mo Aarɔn da nonnii diɛ, da Israɛlə lonnii kəlee, yɛ́ diɛ: «Israɛlə mun da, a wala kɛ tii, nwɛ̨ąi heeni Israɛlə lɔi hu, a kɛ bɔ ə pa a Yálá mąąwiɛ haláá hɛn Yai-Laa pɔ, ə kɛ a yii gaa a naa gwəi haláá hɛn, ə kɛ a yii ə naakwɛlanmo,

Bible

¹⁸ ŋí tɛ́ɛ Eelɔŋ da ǹônii pɔ́ da Eezuɛ-ŋai kélee. Ǹyɛɛ ma Eezuɛ-ŋai da, kpaa máŋ ŋ̀ɔ̃ya-ŋai dísamai da a kɛ̀ kéreŋ sâla kulâi ḿâ, a nɛ̃ɛ ma é kɛ́ a kono têe sala kpaa máŋ gili kula sala, pɔ́ɔ da fé kɛ́ maa taa-tulɛi ḿâ kpaa máŋ gɔ̃liŋɔɔ.

Levetekɔ 22:18 ပူးပေါင်းရင်းမြစ်များ

Kɔlɔnikɔ Veerɛi 31:14

Lévi huwu humun Yimna lon Kore, yai kɛ a voló ɓɛlai pələ bɛlɛ́ laaləi mɛ̨i kaamun, ya ɓə kɛ a Yálá kɔ́ hɛnŋąą mɛ̨i kaamun. Ya ɓə kɛi Yai-Laa nwɛi kulɔ ɉu, yɛ ɉɛn mąąhəɠɛɛ kpɔ kɛnɛ̨ nwɛi kulɔ ɉu.

Mąątɛ̨nɛ̨ 116:14

Mɛ̨nįɠaai ŋą́ naakwɛlan mo Yai-Laa ɓa, gɛ́ gəlee kɛ.

Mąątɛ̨nɛ̨ 116:18

Mɛ̨nįɠaai kpɔ ŋį́ naakwɛlanmo Yai-Laa ɓa, ŋą́ gəlee kɛ, ŋą́ yili kɛ tii nwɔ nu huwui kəlee ɲɛ̨i ɓa.

Mąątɛ̨nɛ̨ 22:25

Hvo gili kulɔ li mąą wɛlimun ɉu, nwɔ mąą wɛlilaa hu, hvo bulu tɔɔ li mą. Kɛlaa, wɔlɔi ə mo mą, ə nwoo mu hon

Mąątɛ̨nɛ̨ 56:12

Yálá ɓə gílitɔɔi mą, və́ ɲɔwi lə ɓə nu kanŋaa da pɛli gɛi a ɲą́ą́?

Mąątɛ̨nɛ̨ 61:5

Gáá kɛ bɔ ə́ ə́ yee hee mú, a kwɛlan gəlee mɛ̨nį, gɛ́ mą́ą́kilɛ laa, nɔ́ɔ́ ə́ koon mu.

Mąątɛ̨nɛ̨ 61:8

'Ə lɛɛ lɔ dɔɔlaa hu, kpɛɛ hvo kɛ mą, Yálá ɲɛ̨i ɓa! Wɛlikɛmąąlaa da tɛ̨ą, di tɔɔ gwɛlɛ, diɛ mąą kpɛ!

Mąątɛ̨nɛ̨ 65:1

Nwələ ɲɛ̨itɔwɔmun Davidə nwɔ wələ.

Mąątɛ̨nɛ̨ 66:13

Gáá lɔi ə́ yəi bɛlɛ́n, haláái da gəlee kələn, gɛ́ kulɔ yɛ́ laa, mɛ̨nįɠaai ŋą́ di laakwɛlanmo yɛ́, gɛ́ gəlee pɔ mɛ̨nį kɛ.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Ikilisiati 5:4

Yii viɛlaɓoɔ ya ɓaa: Nu hvo mun nwoo kwɛlɛ, ə tɛɛ, ə́ woo kwɛlɛɛ ɓa, hvá bɔ mɛ̨nį kɛ.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 1:2

«'Mo Israɛlə lonnii diɛ, yɛ́ diɛ: Nu ta a kɛ gaa Yai-Laa kɔ́i a taatɛlɛɛ, ə gɛ a nįŋɛ̨, a wala kɛ tii, ɓɛlaa da ɓolu.

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 17:13

«Israɛlə lon da, a wala kɛ tii, nwɛ̨ąi gaa ka yəi bɛlɛ́n da, a li huwɔ kpɛi, ə huwɔ ta hon, a wala kɛ tii, nwɛ̨ni, ə ɓo a mįi huwɔ, mąąnɛ̨ɛ̨ ə ɲąmą pu lɔi ɓa, ə pɔlɔ pu mɛ̨i.

Levetekɔ 22:17

Yai-Laa yɛ Moisə ɓa:

Levetekɔ 23:38

Yili a kulɔ ɉu, ka ka kili lɛɛ túwɔ́ yələ mąą tɔ́n hon bələ hu, yai gaa a Yai-Laa nwɔɔ; ə mą kɛ a Yálá kɔ́ hɛnŋąą ka di laakwɛlanmo, ɛlɛɛ, yiiɠaai ka gulɔ Yai-Laa ɓa a naa gwəi haláá, ka ɉaláá hɛnŋąą tii kəlee pɛlɛ gee ɓa ka naa həli a mąą yələ.

Levetekɔ 7:16

«Nui a naa gwəi, yɛ gaa Yálá kɔ́i a taatɛlɛɛ ta, da ɉaláá huwɔi tii mįi a ɲələi da naa həli la, gbəli a lɛɛ, da pɛli di mįi a bulu ɓa yələ laa ɓɔɔ.

Amɔsə 4:5

Lɛɠɛ yiiɠaai da gulɔ Yálá ɓa a haláá, ka dɛ hɛn bu ɉu, ka pa ka gələn, kɔ́ ɓo hɛn ka káá bɔ ka naa həli mą, ka ɉələ kɛ mɛ̨i, hvo gaai, yili ɓə nwɛli kaa kaa. Yai-Laa woo li.

Zôna 1:16

Nąąlɔwai, di kəlee di ɲɔw kpɔ kɛnɛ̨, di nɛ̨ɛ̨mą di haláá kulɔ Yai-Laa ɓa, di di woo kwɛlɛ mą a di nwąnąi.

Zôna 2:9

Nuąi di hvilɛn ŋąąi hali kpɛli-kpɛliɠaa pulu, daa di kpɔwɔ mąą kwɛa ə́ wɔ mɛ̨inɛ̨ɛ̨ ɓa.

Malasi 1:14

Kpalo ɓɛlaai hvulu mun ma, yai a daatɛlɛɛ hilɛ kɔ́lɔi pɔ̨nɔ̨ɔ̨ lɛlɛɛɠaa a di həɠə ɉu a Yálá nwɔɔ, yɛ di lɛɛ ɲəi daatɛlɛɛ kwənąn ɉu, yiiɠaai kiliin ɉi ɲɔ̨nwɔ̨ɔ̨ kaa mą, yɛ bili gee mɛ̨i, yɛ gulɔ a haláá mą́ą́. Kpalo ɓɛlaai mąą nu ɓa, mąąhɔlɔɓo, ɲą́ą́ Yai-Laa Mɛ̨nį Kəlee ŋą Hééɓomun, gáá a Yálái gaa a tɔɔmun, hį́i kəlee diɛ ɲɔw nwɔ huwalawala ɓa.

Lonon mo 15:3

ka kɛi kɛ ka Yálá kɔ́, ka haláá huwɔ ta kələn a Yai-Laa nwɔɔ, ə kɛ a nu a nwoo kwɛlɛ Yálá ɓa bɔ mɛ̨nį kɛɛ, awala kɛ tii, hvóló kəlee haláá kulaa, awala kɛ tii, a ka wɔ hɛli hvóló ta, ka gɛ a nįŋɛ̨, awala kɛ tii, ɓɛlaa, mąą kun nɛ̨ɛ̨, yɛ Yai-Laa lii hon.

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Dutɛrɔnome 12:17

Mąą hvo nɛ̨ɛ̨li ka hvo ka wɔ mɔ̨nun gɔ́n bow nąą, da ka wɔ lɔɔ nįnɛ̨, da ka wɔ wulɔɠaa mįi ka wɔ taaɠaa hu, ə mą kɛ ka wɔ taatɛlɛɛɠaa gbɛa-kpɛa da bɛlɛɛɠaa lon dɔlɔɔɠaa, da haláá lɔpee ka káá pai naakwɛlanmoi, ə mą kɛ ka wɔ naa gwəi haláá, da ka kɛ kóló má dɔlɔɔ-tɔlɔɔɠaa.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Dutɛrɔnome 16:10

Yili pulu, ka nɔwɔ mɛ̨ihveelɛ tɛɛ hɛli pu a Yai-Laa ka wɔ Yálái mąąwiɛ hɛli, kaa pa a gɔ́ hɛnŋąą a ka liiɓa, kaa gɛ yɛ bələi Yai-Laa ka wɔ Yálái ə lúwɔ́ too la kaa.