Levetekɔ 20:24 - Yálá laawoo hɛɓɛ (dc)

²⁴ ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Yálá laawoo hɛɓɛ

²⁴ ɛlɛɛ, gɛ́ kɛ kaa: «‹Kaa ɓə di wɔ lɔi kaa lɛɛi ka yəi, ɲą́ą́ ɓə dɛɛi ka pɔ a ka wɔɔ. Ɓɛi hɛn gəlee da lɛlɛ laa.› «Ɲą́ą́ Yai-Laa ka wɔ Yálá, ɲą́ą́ ɓə ka həɠə ɉu hį́i lɔi kəlee lɔwai.

Bible

²⁴ Kɛ́lɛ ŋá ŋ́gono tèe káyêei a gɛɛ ŋa pâi ǹɔii ŋí tɛɛ̂i, kápɔ a kápɔɔ. Ǹɔii nyii ǹáa fɛɛ̂i a ŋíni ya da kɔ̃́iŋ wulɔi. Ńyãa ƃa Yâwɛɛ, Káɣâlai, nyii kákùla ǹûai samai.

Levetekɔ 20:24 ပူးပေါင်းရင်းမြစ်များ

Tɔɔɓɛlaa dɔlɔɔ 8:53

Hvó gaai, yɛ́ ɓə di tɔɔ a dee, diɛ ɓo a ə́ wɔ, ə́ kwɛlin ɓaa diɛ yɛnɛ̨ɛ̨ nuą kəlee lɔwai, yɛ bələi ə́ bu la ə́ wɔ tímun Moisə la, yɛ mo, ɓɛlɔwai ə́ ku nąnni kulɔ la Eziptə lɔi hu, yɛ́i a Yai-Laa ku wɔ Yálá.»

Lɛɛ gbɔwɔ ɓa 13:5

«Ɓɛlɔwai Yai-Laa kaa pai ka lɔi la Kanaan lɔi hu; ɓɛi Hɛtə nuą, Amɔrə nuą, Hivi nuą da Ɉebusə nuą di kaa laa. Nɔi tii ɓə wɔlɔ ə naakwɛlanmo ka kalaɓɔlɔni diɛ, yɛ gaa dɛɛi di pɔ. Ɓɛi hɛn gəlee da lɛlɛ laa. Ɉɛlii ti ɓə ka bu a ɲąnin ti da volói ti.

Lɛɛ gbɔwɔ ɓa 3:17

Ya ɓə, Ŋą́ kɛ Gáá ka kulɔi mɔ̨nɔ̨i tii hu, Ŋą́ li a káá Kanaan lɔi hu, ɓɛi Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa laa, ɓɛi tii hɛn gəlee da lɛlɛ laa.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 33:1

Yai-Laa yɛ Moisə ɓa: «'Həɠə gɛɛnąą ŋɛ̨i ɓa, ka nuą ŋɛ̨i ə́ di kulɔ Eziptə lɔi hu, ka li, ɓɛi ŋį́ nąą laakwɛlanmo Abrahamə Isaakə da Ɉakɔbə ni diɛ, gɛ́ gwɛ́la kpɔ diɛ a gbɔ́wɔ́ kpinįi, gɛ́ kɛ diɛ: ‹Ka huwu ɓə gáá nɔi ti tɛɛi bɔ.›

Lɛɛ gbɔwɔ ɓa 33:16

nuą da pɛli gbaɠala kaai ləi diɛ kɛ ɲą́ą́ kwa ə́ wɔ́ nu huwui, kwaa ə́ lii hon? Kɛlaa, Yá kɛ ku lɔwai, kwa ə́ wɔ nu huwui ku hva kɛ yɛ bələi nu huwu takpɛliɠaa kaa la lɔi mɛ̨i, yili ɓə a nɛ yɛ kwaa ə́ lii hon.»

Lɛɛ gbɔwɔ ɓa 33:3

Ka lɔ nɔi ti hu, ɓɛi hɛn gəlee a lɛlɛ laa; Ɲą́ą́ gbinį lee və́ pai lɛɛi ka lɔwai, gu hvo li laa, mąąhɔlɔɓo, nu huwu nwun nwalawalaa ɓaa a kaa; ə gɛ, və́ pa ka hu kala kpɔ tɛ̨ɛ̨tɛ̨ɛ̨ bələi.»

Lɛɛ gbɔwɔ ɓa 6:8

Gáá lii a kaa nɔi ŋɛ̨i ŋą́ naakwɛlanmo Abrahamə, Isaakə da Ɉakɔbə ni diɛ ɉu. Gáá nąą tɛɛi ka pɔ a ka wɔɔ. Ɲą́ą́ Yai-Laa ɲą́ą́ ɓə mo.»

Levetekɔ 14:34

«Ɓɛlɔwai ka lɔ la Kanaan lɔi hu, yai gáá dɛɛi ka pɔ a ka wɔɔ, ŋą́ pɔɔ ta kɛ nɔi nįnɛ̨i tii ka káá pai lii ɉu nwɔ pɛlɛ́ ta ɓa,

Levetekɔ 20:26

«Ka kaa a Nwɔ́ɔ́ɠaa, 'ka ka mąąhəɠə, Mąąhɔlɔɓo, Mą́ą́həɠɛɛi, Ɲą́ą́ gáá a Yai-Laa; Ŋą́ ka həɠə ɉu hį́i lɔi kəlee lɔwai, əgɛ, ka kɛ a nwɔ́ɔ́.

Lonon mo 23:9

Ŋą́ kɛ ŋɛ̨i tɔɔni kwɛni mɛ̨i, gɛ́ gaa, Ŋą́ kɛ ŋɛ́i tɔɔni yee tonna, gɛ́ mąą kpɛɛ. Gáá gaai a nu huwui dɔɔ a dee. Da lɔi takpɛliɠaa di hvo tɔɔ li.

Ɉaan 15:19

Ka kɛ kɛ a yɛnɛ̨ɛ̨ nwɔɔi, yɛnɛ̨ɛ̨ ə li ka wɛli la kɛ. Nuąi di kaa a yɛnɛ̨ɛ̨ nwɔɔ, diɛ ɓə yɛnɛ̨ɛ̨ a di wɛli la kɛ. Kɛlaa, ɲą́ą́ ka ɉəɠə ɉu, ŋą́ą́ ka kulɔ yɛnɛ̨ɛ̨ hu. Ka hvo kɛa a yɛnɛ̨ɛ̨ nwɔɔ, mɛ̨nįi yɛnɛ̨ɛ̨ hvo pai ka wɛli la kɛi la yaa li.

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Dutɛrɔnome 14:2

Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,