Levetekɔ 19:33 - Yálá laawoo hɛɓɛ (dc)

³³ «Nwɛ̨ą a hee ə́ kɔ́wɔ mɛ̨i ə́ wɔ lɔi hu, ka hvo ka yee pənə ɉu.

Yálá laawoo hɛɓɛ

³³ «Nwɛ̨ą a hee ə́ kɔ́wɔ mɛ̨i ə́ wɔ lɔi hu, ka hvo ka yee pənə ɉu.

Bible

³³ “Káfe tûa nyɔ́mɔɔ kɛ̀ a ŋ̀ɔ̃ya-ŋai díkaa kásama kálɔii sui.

Levetekɔ 19:33 ပူးပေါင်းရင်းမြစ်များ

Lɛɛ gbɔwɔ ɓa 22:20

«‹'Hvo ə́ yee pənə nwɛ̨ą hu, mąąhɔlɔɓo, kaa kpɛli ka kɛ a nwɛ̨ąą Eziptə lɔi hu.

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Lɛɛ gbɔwɔ ɓa 23:9

«‹Hvó hee nwɛ̨ą mɛ̨i. Kaa kpinįi, mɛ̨nįi a laa nwɛ̨ą ɓa, ka gɔlɔn. Mąąhɔlɔɓo, kaa kpinįi ka kɛ a nwɛ̨ą Eziptə lɔi hu.

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Dutɛrɔnome 24:14

Ya kɛi kóló kɛ mun vɛla kulɔ, mąąwɛliɛ, hɛn və ɲəi, hvo ə́ yee pənə ɉu; ə kɛ a ka wɔ lɔi hu lon da, ə kɛ a nwɛ̨ąi heeni ka wɔ lɔi hu, da ka wɔ taaɠaai hu.

Dutɛrɔnome 24:17

Ka hvo nwɛ̨ą, a wala kɛ tii təli lon nwɔ tɛ̨ą mɛ̨nį pili ɉu. Ka hvo galanin mąąhəɠə hon a tolaa.

Dutɛrɔnome 24:18

Ka ka kiliŋąhiɛ kaa, ka kɛ luwɔlaa hu Eziptə lɔi hu, ɛlɛɛ Yai-Laa ka wɔ Yálái ɓə ka nwun mąąɓo laa. Yili mąą mɛ̨nį ɓə gáá kɛi la kaa, ka díɓoi tii kɛ.

Dutɛrɔnome 27:19

«‹Nui a nwɛ̨ą, təlilon da galanən di wɔ tɛ̨ą mɛ̨nį pili ɉu! Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›