Levetekɔ 19:28 - Yálá laawoo hɛɓɛ (dc)

²⁸ 'Ka hvo ka kpɔwɔ mąą nwąną haa mɛ̨nį hu, 'ka hvo nu ta pɔlɔn baa. Ɲą́ą́ ɓə gáá a Yai-Laa.

Yálá laawoo hɛɓɛ

²⁸ 'Ka hvo ka kpɔwɔ mąą nwąną haa mɛ̨nį hu, 'ka hvo nu ta pɔlɔn baa. Ɲą́ą́ ɓə gáá a Yai-Laa.

Bible

²⁸ Káfe kákɔlɔ da tèe ma nyii pâi ǹɛ̂i a gɛɛ kánuu da a saa kpaa máŋ ka ŋɔ̃yâŋ saa kâa. Ńyãa ƃa Yâwɛɛ.

Levetekɔ 19:28 ပူးပေါင်းရင်းမြစ်များ

Tɔɔɓɛlaa dɔlɔɔ 18:28

Di kɛi tomą kpɔ a nwalawalaa, ɛlɛɛ, yɛ bələi da kɛ gɛi la a bɔlɔ, diɛ di mąą nwąną a ɓɔwa da kpalaɠaa; ə lɛɛ kpɔ ɉu ɲąmą yɛ kulɔ di kɔ́lɔ nąą kəlee.

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Ɉeremi 48:37

Yili mąą mɛ̨nį ɓa, daa di nwun gəlee kalaan, daa di kpɛlɛ kəlee pu, daa ɓɔwa pɔɔ kɛ di yee kəlee ɓa, ɓíi hɛlɛn ŋąą nu kəlee woɓə ɓa.

Levetekɔ 19:27

Ka hvo ka wəli kwɛlɛ kpɛlɛ kalaan, ka hvo ka kpɛlɛ mąą tee.

Levetekɔ 19:29

«'Hvo ə́ lon nɛ̨ɛ̨nu ɓɛlɛkpɛɛ mą, a gɛi ya mo a wɛlikɛnɛ̨ɛ̨nu, nɔi hvo pa nee ɲee too wɛli kɛɛ hu, naa hvo pa hvɛɛ a wɛli mɛ̨nį.

Levetekɔ 21:1

Yai-Laa yɛ Moisə ɓa: «'Mo Aarɔn lonnii a ɉaláá laa həli nuą diɛ, yɛ́ diɛ: Mąą hvo nɛ̨ɛ̨li haláá laa həli mun da hvo tɔ́n bɛlɛ gbɔwɔ ɓa a gaayɔwɔɠaa ta powa mąą mɛ̨nį.

Levetekɔ 21:11

hvo tunwɔ̨n powai lɔpee ta ɓa, hvo tɔ́n bɛlɛ gbɔwɔ ɓa, nąn ə mą kɛ nee mąą mɛ̨nį hu.

Levetekɔ 21:5

«Haa a too ɉaláá laa həli nuą tii ta ɓa, mąą hvo nɛ̨ɛ̨li di hvo di nwun galaan di tona, di hvo di laa kwɛlɛ lɛɠa kalaan, di hvo di kpɔwɔ mąą nwąną.

Markə 5:5

Hvóló kəlee, ə kɛ kámą laɠaa ɓa, yɛ tɛ yeeɠaa tonna yɛ lia tómą, yɛ gbɔwɔ mąąnwąną a kwɛniɠaa.

Ɉaan 20:25

Galan nɛa yiiɠaai tii di di woo hukulɔ mą diɛ mą: «Kwaa Ną́mu kaa.» Kɛlaa, ə di woo pulu pənə yɛ diɛ: «Akɛ ŋą́ wala ɲéé lɔ bɛlɛi bala kpɔlɔɔn ɉu, vá laa na.»

Dutɛrɔnome 14:1

Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

M̀ɛni-lɛɛi 14:11

Di mɔ̨nɔ̨ɓo nwɔ̨n nulu a tɛ, ɲɛ̨n deei hvo mą, ɛlɛɛ, hvįi tɔɔ hva kɛ diɛ kpinį pɛlɛɛ hvóló ɓa, a diɛi tii da kɛ kwɛli hvilɛn ɉii ɉuwɔi tii ɓa da mąąnįnįn, ɛlɛɛ, da nui lɔpee naa ŋą kɔlɔn ɉɛn gaa mą.»

M̀ɛni-lɛɛi 14:9

Ɛlɛɛ dakpɛli, a malaka ɉaaɓanąą, ə lɛɛ nąą pulu, ə tomą kpɔ a nwoo kɛnɛ̨ɛ̨, yɛ mą: «Nui a kwɛli hvilɛn ɉuwɔi tii ɓa, da mąąnįnįn, ɛlɛɛ, di gɔlɔn ɉɛn kɛ dɔwɔla, awala kɛ tii ɲee ɓa,

M̀ɛni-lɛɛi 15:2

Ɛlɛɛ, ŋį́ gboloyá ta kaa ə ɓo yɛ pɛ̨nɛ̨n, ɉumoɔ a nwɔ̨n. Nuąi tii di yee ə tɛɛ ɉuwɔi tii ɓa, da mąąnįnįn, da naa nwɔ kwɛdɛn ɉɛɓɛ́ kɔw di mɛ̨i, di ɓo tɔɔni bɛ̨nɛ̨n galan gboloyái tii mɛ̨i, Yálá ŋą gwɛnįnŋaai ə ɓo di yee ɲą.

M̀ɛni-lɛɛi 16:2

Ɛlɛɛ, malaka tɔlɔɔ ə li, ə nwɛi hu ɓo lɔi mɛ̨i. Nuąi ɉuwɔi tii ŋą kɔ́lɔn ɉɛn ə kɛ diɛ, ɛlɛɛ, diɛ kwɛli hvilɛn mąąnįnįn ma, pala ɲɔ̨nwɔ̨ɔ̨ ə tee diɛ.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.