Levetekɔ 19:26 - Yálá laawoo hɛɓɛ (dc)

²⁶ «'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Yálá laawoo hɛɓɛ

²⁶ «'Ka hvo huwɔ mįi ɓɛi ka ɲąmą pulaa, ka hvo tɔlukpɛ, ka hvo ɲɛ̨ąkpɛ.

Bible

²⁶ “Káfe fɛnɛ-sɛŋ da miî nyii ŋ̀ãa káa zui. Káfe póniŋ kɛ́ mɛni kélee da maa kɔ́ri kpaa máŋ wúlu kɛ́ pere.

Levetekɔ 19:26 ပူးပေါင်းရင်းမြစ်များ

Zɛnɛse 44:5

Lə mɛ̨nį ɓa ka nwɔ́ mɛ̨nį nąmu nwɔ kpələkɔwɔi nwuɔ̨ yai a kɛ nwɔ Yálá mɛ̨nį kɛi ɉui? Mɛ̨nį tii kaa gɛ, ka hvə gɛ li a nɛlɛɛ.›»

Zɛnɛse 9:4

Kɛlaa, ka hvə huwɔ ta nɔ̨ɔ̨ lɛɛ ɉu, ka hvo mį́i, yili mukulaa ɓaa: Ka hvo huwɔ ɲąmą mį́i.

Tɔɔɓɛlaa veelɛ 17:17

Di kɛi di lon ɉinąą da di lon nɛ̨ąą tɛɛ nwɔ̨n bɔ, diɛ tɔlikpɛ, diɛ nuą tɔɔ ɲąmuątaa, diɛ lɛa di yee too di kala mɛ̨nįɠaa hu, di túwɔ́ pələ ɲɔ̨n gulɔ a Yai-Laa nwąną lɔ pələ.

Tɔɔɓɛlaa veelɛ 21:6

Ə non gulɔ a haláá nwɔ̨n ɉu, ə kulɔ mąą hɛn damąą həɠə, yɛ nwun dɔɔ a ɲąmuątaa tɔlikpɛ nuą. Manase ə Yai-Laa líiholi a mɛ̨nį ɲɔ̨nwɔ̨ɔ̨ɠaai ə gɛ.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Lɛɛ gbɔwɔ ɓa 8:7

Gbəŋəɠaa mąą kaa pai kwɛai ə́ wɔ pɛ́lɛ́i ɓa, ə mą kɛ ə́ wɔ nu kpɛa-kpɛa da nɔi nuą kəlee; ɲa lee hu lɔ ɓə da kaa pai lɛɛi laa.»

Ɉeremi 10:2

Yai-Laa yɛ diɛ: «Ka hvo ka hiɛ pələ kɔ́ɔn lɔi takpɛliɠaa di wɛi ɓa! Ka hvo ka kpɔɔ ɓowo a yələ kwəi hɛnŋaa. Lɔi takpɛliɠaa ɓə da di kpɔɔ ɓowɔ a yiliɠaa.

Danîa 2:10

Gilimaa nuą di tɔɔmun nwoo ŋąąpənə nwɔ̨nɔ̨, diɛ mą: «Mɛ̨nįi ŋɛ̨i tɔɔmun gaa ɉu hvɛlii kuɔ, nui lɔpee ta hvo ɓɛ lɔi mɛ̨i, yii a pɛli mą. Ə ma kpɛli kɛ, tɔɔmun da aa ta kɛ laa, gɛnɛ̨, ɲee walawalaa, hvo ta mɛ̨nįi ŋɛ̨i ɲɔ̨nwɔ̨mąn ɉu hvɛli li nwɔ tɔlikpɛ nuą diɛ, da nuąi da kwɛli hvilɛn pɛmɛ̨nɛ̨n gɔwɠaa ɓa, ə mą kɛ nwɔ Kilimąą nuą diɛ.

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Levetekɔ 7:26

Ɓɛi lɔpee ka kɛ laa, ka hvo ɲąmą mįi, ə kɛ a nwɛ̨ni ɲąmą, ə mą kɛ a huwɔ huwui lɔpee takpɛli ɲąmą.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Dutɛrɔnome 12:16

Kɛlaa ka hvo ɲąmą mį́i, ka bu lɔi ɓa yɛ ya.

Dutɛrɔnome 12:23

Kɛlaa, hɛɠɛ-hɛɠɛ nee hɛɠɛ-hɛɠɛ nąn, ka hvo huwɔ ɲąmą mį́i, mąąhɔlɔɓo, kɛ yɛnɛ̨ɛ̨ kaa ɲąmą hu. Mąą hvo nɛ̨ɛ̨li ka hvo hɛn da nwɔ yɛnɛ̨ɛ̨ lɛɛ ɉu ka hvo mį́i.

Dutɛrɔnome 15:23

Kɛlaa, ka hvo ɲąmą mįi, ka huwɔ paa, ka ɲąmą pu nɔi ɓa yɛ yá.

Samuɛlə dɔlɔɔ 14:32

di too gɔ́ pulu hɛnŋaa hu, di daatɛlɛɛ pɛlɛɛɠaa həɠə, di nįŋɛ̨ɠaa da di lonnii di nwun dee nɔi ɓa, di mįi da ɲąmą.

Samuɛlə dɔlɔɔ 14:33

Di pa di mo Saulə ɓa, diɛ mą: «Nuą kaa nɛ̨ŋɛ̨n ɉəɠəi Yai-Laa ɓa. Di kaa huwɔ mįi da ɲąmą.» Saulə yɛ mą: «Lɔ gílii nuą ɓaa kaa. Ka kwɛni kpuwulu kɛnɛ̨ kiliɠilin, ka nɛɠɛ ɓɛ mą́ą́.»

Samuɛlə dɔlɔɔ 15:23

Kɛlaa, nu kulaa Yálá woo mu nɛ̨ŋɛ̨n gaa lɔ yɛ, kwɛli hvilɛn ŋąą hali ɓa nwɔ nɛ̨ŋɛ̨n, da wəli kpɔlɔ nɛ̨ŋɛ̨n, ə mą kɛ tɔlu kpɛ nɛ̨ŋɛ̨n. Yii kpɔ yáá lənə Yai-Laa woo ɓa, yaa kpɛli aa lənə yɛ́, hvó kɛa a tɔɔmun.»