Levetekɔ 19:13 - Yálá laawoo hɛɓɛ (dc)

¹³ «Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Yálá laawoo hɛɓɛ

¹³ «Hvó ə yee pənə ə́ ɓɛlan gaa lon ɉu, hvo too mɛ̨i. Kóló kɛ mun vɛla hvo lɛɛ ə́ yəi yələ hvo ɓɔ.

Bible

¹³ “Káfe káƃarâŋ nuu ŋuŋ mɛi tée tûa kɛ̀ la, kpaa máŋ ká vili. Kátii kɛ́-ƃelai dífela-fei fé nyîi kâa.

Levetekɔ 19:13 ပူးပေါင်းရင်းမြစ်များ

Zôo 17:5

Gaa yɛ nui da kɛ mąą hanwon ɉɔɔi, diɛ kɛ mą: «A mɛlaa təli kɔ̨nɔ̨n ma, nonnii diɛ wɔlɔ pulu yəi.»

Zôo 31:39

akɛ ŋą́ kɛ dɔlɔ kulɔi, yii və́ goló kɛ nuą hala li, ə lɛɛ, və́ nɔi naməną mąąwiɛ li,

Zôo 7:2

Bələi kpɔlɔ luwɔ a vii too la nįnįn mu, bələi kpɔlɔ koló kɛ mun a vɛla mąąkpɔn na,

Lɛɛ gbɔwɔ ɓa 20:15

«'Hvó nwuɔ̨ kɛ.

Lɛɛ gbɔwɔ ɓa 22:13

«‹Nu ta a taatɛlɛɛ hvɛli mɛlan ma, daatɛlɛɛ ə mąą nwąną, a wala kɛ ti, ə haa nąmu pulu, nui vɛli a bɔɔi kulɔ ɉu.

Lɛɛ gbɔwɔ ɓa 22:15

«‹Nɛ̨ɛ̨non mąąɲaŋąą hvo ni hulɔnu mɛ̨nį kɔ́lɔn, nu ta a ŋąąhɛn, a gbalaa laa; mąąnɛ̨ɛ̨ ə ɉɔ̨nwɔ̨ tɛɛ gaa-nuą pɔ, ə ɉəɠə a nɛ̨ą.

Lɛɛ gbɔwɔ ɓa 22:21

'Hvo mɛ̨nį ɲɔ̨n naa kalanin da təlilon diɛ.

Lɛɛ gbɔwɔ ɓa 22:7

Da wala nwuɔ̨mun ɉon, bɛlɛ́ nąmu a lɛɠɛ Yálá lííla ə gwɛla, əgɛ, nuą di gaa diɛ hvo ɲee kpɛlaan ni a mɛlan nwɔ hɛngɔwi.

Hanwon 20:10

Hɛnŋąą kɔ́ɔn ɉɛn gɛɛ gee pulu hveelɛ, yili wɛli hvo Yai-Laa ɓa.

Hanwon 22:22

'Hvó ə́ mɛ̨n mąąwɛlimun nwɔ mąąwɛlilaa ɓa, 'hvó mąą kpoloon. Nui dɔɔ bulu hvo mą, 'hvó naanɔ̨nwɔ̨ ɓo.

Hanwon 3:28

'Hvó kɛ ə́ ɓɛlan gaalon ma: Li ə́ pa tinąą, gáá pai vəi. A kɛ hen ganąn gaa mą gaa ə́ yəi dɛɛ ɓo, 'hvó lənə dɛɛi mɛ̨nį ɓa bɔ.

Ɉeremi 22:13

Nui a nwɔ tɔɔ pɛlɛ́i tɔɔ a hvulu, nɛ̨ŋɛ̨n naa mun ni. Yɛ pɛlɛ́ tɔɔ gee mɛ̨i hva gɛ tələnmolaa hu, yɛ nu takpɛliɠaa kóló, ɛlɛɛ, hva di hvɛla tɛɛ di pɔ.

Ɉeremi 22:3

Yai-Laa yɛ ka mɛ̨nį ɓo a tɛ̨ą da tələnmolaa. Nui daa hee mɛ̨i, 'ká gulɔ ɲəi kɛ. Yɛ ə kɛ a nwɛ̨ą, yɛ ə kɛ a təlilon da kalanin, 'ká hvo hee da mɛ̨i, 'ká hvo da mɔ̨nɔ̨ɓo. 'Ká hvo kwəi kwələ mun ɲąmą pu gɛɛnąąi ŋɛ̨i ɓa.

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Izikiɛ 22:29

Nɔi lonnii kaa wɛa mɛ̨nįɠaa kɛi, diɛ nwuɔ̨ kɛ, diɛ hee mąąwɛli nuą da yeehowolo nuą mɛ̨i; diɛ nwɛ̨ą nwɔ tɛ̨ą mɛ̨nį pili ɉu a hulu.

Levetekɔ 25:14

Ka kɛi nɔi tii ta ya, a wala kɛ tii, kaa nɔwɔtɔɔ nɔi lon da ɓa, mąą hvo nɛ̨ɛ̨li ka ta hvo gaayɔwɔ hvulu.

Levetekɔ 25:17

Ka ta hvo kɛ gaa gaayɔwɔ hvului yɛ tɔ̨nɔ̨ kulɔ mą. Bələ ɓə mąąnɛ̨ɛ̨ ə́ ɲɔw la ə́ wɔ Yálái ɓa. Mąąhɔlɔɓo, ɲą́ą́ ɓə gáá a Yai-Laa ka wɔ Yálá.

Levetekɔ 6:3

Ɉaláá laa həli mun a həɠə kwəlɛɛ, da dɛmą kwəlɛɛ kɛ mą. Daatɛlɛɛɠaa kələn ŋąą pulu, nunwui tii a lɛɛ ɉaláá kulɔi, ɉaláá laa həli mun a gələ laa, ə ɉee ɉaláá kulɔi kwɛlɛ.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 20:8

«Hvóló toɔ kɛa, góló nąmu ə mo nui kɛ góló nwun na ma, yɛ mą: ‹'Nuą muhəɠə kɛa, ə́ lɛɛ, ə́ nu kəlee hala tɛɛ bɔ, kɛlaa, gɔɠɔ tɔɔ nɛɛ pulu nuą diɛ.›

Markə 10:19

Ə́ Yálá nwɔ tɔ́n kɔ́lɔn. Yaai a kɛ mą: ‹Ho nu paa; hvo wɛli hon; hvo nwuɔ̨ kɛ; hvo kɛla hvaa ɲɔ̨nwɔ̨ɔ̨ ɓo a nu ta laa; hvo hɛn ɉəɠə nui lɔpee ta yəi a hvulu; ə́ nąn da ə́ lee di mąąwiɛ.›»

Lukə 3:13

Ə di woo pulu pənə yɛ diɛ: «Mąą hvo nɛ̨ɛ̨li ka hvo nįįhɔ̨nwɔ̨ ta laa mɛ̨i nuą diɛ gulɔ, ə lɛɛ lɔ a yii di vaaɓo kaa.»

Tɛsalonikə dɔlɔɔ 4:6

nu ta hvo kɛ gaa mɛlan vului, yɛ mɛ̨nį nwąnąą laa mą mɛ̨nįi ŋɛ̨i hu, gbala ə tɔɔ, gu Nąmu a yili kəlee gwələ kulɔ, yɛ bələi ku gbɛa mo la káá, kuɔ mąąlaŋąn.

Timote dɔlɔɔ 5:18

Ɉɛɓɛ́ kaa moi yɛ: «Nįŋɛ̨ a kɛli ə́ wɔ mɔ̨nun dan, hvó kwɛli too na.» Yɛ nwɔ̨nɔ̨ mą: «Kóló kɛmun mąąnɛ̨ɛ̨ di vɛla kulɔ.»

Zĩi 5:4

'Ká ɓɛ kaa tai! Nuąi kɛi kólo kɛ ka yəi ɲɛa, di halai ká ká yee kanąn mą, gaa tomąi, góló kɛ nuą wɔlɔ woo aa too Mɛ̨nį Kəlee ŋą Hééɓomun nwəlii.