Levetekɔ 19:10 - Yálá laawoo hɛɓɛ (dc)

¹⁰ Ka hvo ka wɔ viŋə ma kəlee kulɔ tɛ̨ɛ̨tɛ̨ɛ̨, yii a pu nɔi ɓa, ka hvo ɲɛɠɛ, ka di lɛɛ laa a yeehvowolo nuą da nwɛ̨ą di wɔɔ. Ɲą́ą́ ɓə gáá a Yai-Laa ka wɔ Yálá.

Yálá laawoo hɛɓɛ

¹⁰ Ka hvo ka wɔ viŋə ma kəlee kulɔ tɛ̨ɛ̨tɛ̨ɛ̨, yii a pu nɔi ɓa, ka hvo ɲɛɠɛ, ka di lɛɛ laa a yeehvowolo nuą da nwɛ̨ą di wɔɔ. Ɲą́ą́ ɓə gáá a Yai-Laa ka wɔ Yálá.

Bible

¹⁰ Káfe kási sãai m̀á kélee kùla ŋ̀á. Káfe tela nyii-ŋai da tooi ɣɛ̀ɛ. Ka dílɛɛ naa gôlo-ƃelai mɛni ma da ŋ̀ɔ̃ya-ŋai. Ńyãa ƃa Yâwɛɛ, Káɣâlai.

Levetekɔ 19:10 ပူးပေါင်းရင်းမြစ်များ

Azaya 17:6

A kɛ kpɔlɔ yɛ towələ pu yələ, towələ taa hveelɛ haaɓa ɓə a lɛɛ nwulu hu kpɔ kwɛaa la, towələ taa nąąn a wala kɛti, lɔɔli ɓə a lɛɛ nwonwoɠaai ɓa, diɛ, Israɛlə nwɔ Yálá, Yai-laa woo li.

Azaya 24:13

Nɔi hu, nɔi lonnii lɔwai, gaa lɔ yɛ olivə kpan ɉu kwɛliɛ, yɛ da kɛi mɔ̨nun gban ɉu kwɛli, mɔ̨nun deɛ pulu.

Ɉeremi 49:9

Mɔ̨nun dee nuą da pa ə́ pɔɔli, di hva hɛn da lɛɛ mɔ̨nun gban ɉu, nwuɔ̨ nuą da pa kwii hąą, yii di yee a pɛli mą da gəlee hukala.

Levetekɔ 11:44

Mąąhɔlɔɓo, ɲą́ą́ ɓə a Yai-Laa ka wɔ Yálá, mąąnɛ̨ɛ̨ ka ka kpɔwɔ mąąhəɠə, mąąhɔlɔɓo, mą́ą́həɠɛɛi. Ka hvo ka mąąliɓi a ɉuwɔ pɛlɛɛɠaai tii da tala lɔi mɛ̨i.

Levetekɔ 19:11

«'Ka hvo nwuɔ̨ kɛ, ka hvo lɛɛ kɛ, ka hvo nu ta ɓowo.

Levetekɔ 19:25

Gwɛlan nɔɔli nąą kɛa, ka pɛli má ta mįi, bələ ɓə ka wɔ wuluɠaai ta kaa pai kɛi pɛlɛi la mą a kwɛlan gəlee. Ɲą́ą́ ɓə gáá a Yai-Laa ka wɔ Yála.

Levetekɔ 19:9

«Ka kɛi ka pɔ yɛa mɔ̨nun dee, ka hvo ɉee nɔwɔ ɓa, ka hvo mɔ̨nun gban ɉu kwɛli.

Levetekɔ 23:22

«Ka kɛi ka pɔ yɛa mɔ̨nun dee, ka hvo dee ka hvo həli la nɔwɔ laa pɔ, ka kɛi mɔ̨nun dee, mɔ̨nun gbaɠa yiiɠaa tii da too, ka hvo ɲɛɠɛ díi hu. Ka yiliɠaai lɛɛ laa a yeehowolo nuą da nwɛ̨ą di wɔɔ. Ɲą́ą́ ɓə gáá a Yai-Laa ka wɔ Yálá.»

Levetekɔ 25:6

Nɔi nwɔ hviitɔɔi tii ɓə pai ka kɔ̨nɔ̨n gulɔi, yɛ kpinįi, ə́ wɔ luwɔɠaai, ə mą kɛ ə́ wɔ kóló kɛmun yii ya kɛ ɉalai, ə mą kɛ ə́ wɔ nwɛ̨ą da nuąi ə́ yəi bɛlɛ́n, hɛn a tiliin nɔi ɓa gbɔwɔ ɓa, ya ɓə pai kɛi a ka kɔ̨nɔ̨n.

Abdiasə 1:5

Akɛ nwɔ̨nɔ̨ nuą, a wala kɛ tii, too mɛ̨i kɛ nuą da pa ə́ tɛɠii kpinįi, yii kpɔ di kaa bɔ, da gəlee həɠə də li la, nąąlɔwai, ya too kpɔ tɛ̨ɛ̨tɛ̨ɛ̨. Akɛ kɛɛ kala nuą da lɔ ə́ wɔ viɲə yɛai hu, viɲə tɛitɛi lɔ ɓə da nɛɛ nwulu ɓa.

Mise 7:1

Kpalo ɓɛlaai mą́ą́, gáá yɛ mɔ̨nun deemun a mɔ̨nun dee a vinɉilɛ, yɛ mɔ̨nun gban ɉu kwɛlimun, Kɛlaa, mɔ̨nun gbaɠa tɔ̨nɔ̨ kpɛli hvo hɔlɔɓo li, və́ naa ɲéé kpálá; nííɓa wulu, ma tɔ̨nɔ̨ kpɛli hvo hɔlɔɓo li ɉu.

Dutɛrɔnome 24:19

Ka mɔ̨nun dee ka pɔ yɛa, ka hvo gbanɉu kwɛli, ka hvo pənə ka hvo dee; nwɛ̨ą, təli lon da galanin di wɔɔ li. Yai-Laa kaa pai lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 24:20

Ya ə́ wɔ olivəi kulɔ hvo gbaɉu kwɛli; yii a lɛɛ laa, nwɛ̨ą təli lon da galanin di wɔɔli.

Dutɛrɔnome 24:21

Ka ka wɔ viɲəi kulɔ, ka hvo gbaɉu kwɛli, yii a lɛɛ ɉu, nwɛ̨ą təli lon da galanin di wɔɔ li.

Nwun mąąɓo 8:2

Kɛlaa, Zedeɔn yɛ diɛ: «Lə ɓə ŋą́ gɛ, yaai ka hvo gɛ li? Ɛfraimə nuą, mɔ̨nun ŋɛ̨i ka gwɛli, viɛla hvo ɓo li hvo tɛɛ, Aviɛzɛrə nwɔ teɛ ɓa?

Rutə 2:2

Hvoló ta, Rutə yai a Moabə nɛ̨ɛ̨non ə mo Naomi ɓa, yɛ mą: «Gɛ́ ə́ hvaamą, ŋą́ li kpai kpan ɉu ta ɓa, nąmu a ɲɛ̨́i mąąwɛli kaa, ŋą́ gban ɉu kwɛli.» Naomi yɛ mą: «Nón! Ŋą́ą́ hvaa mą, li.»