Levetekɔ 18:29 - Yálá laawoo hɛɓɛ (dc)

²⁹ Yili ɓa, nui lɔpee a dúwɔ́ taaləi tii ta ɓo, mąąnɛ̨ɛ̨ di gulɔ nwɔ nuą lɔwai.

Yálá laawoo hɛɓɛ

²⁹ Yili ɓa, nui lɔpee a dúwɔ́ taaləi tii ta ɓo, mąąnɛ̨ɛ̨ di gulɔ nwɔ nuą lɔwai.

Bible

²⁹ Kpɛ́ni fêi, ǹúui kélee a m̀ɛni-ŋai ŋí da kɛ̀i vé pâi ŋɔ́nɔ kɛ̂i a ŋánûai da.

Levetekɔ 18:29 ပူးပေါင်းရင်းမြစ်များ

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Lɛɛ gbɔwɔ ɓa 30:33

Akɛ nu ta a nwulɔi tii ɲɔ̨nwɔ̨mąn bɛli, yɛ ɉiɛ nu ta ɓa, mąąnɛ̨ɛ̨ di gulɔ Israɛlə lonnii lɔwai.›»

Levetekɔ 17:10

«Israɛlə lon da, a wala kɛ tii, nwɛ̨ąi heeni ka kɔ́wɔ mɛ̨i, da a ɲąmą mįi, ŋą́ hee ɲąmą mįi mun tii hu, ŋį́ gulɔ nwɔ nuą lɔwai.

Levetekɔ 18:28

Ka gɛ a nɛlɛɛ, nɔi hvo pa ɲee kulɔ ka mu, a gɛi ka mo a lɔi mąąliɓiɛ, hvo nəi pa ɲee kulɔ ka mu, yɛ bələi ə gɛ la a nuąi kɛ ka tɔwɔ ɓɛ nɔi.

Levetekɔ 18:30

«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»

Levetekɔ 20:6

«Nui lɔpee a li ɲąmuątaa tɔlukpɛmun da pɔɔli mąą tɔlukpɛ mɛ̨nį ɓa, yɛ gbɔwɔ mąąiɓi la tii, ŋą́ hee mąą nu hu, ŋį́ gulɔ nɔi nuą lɔwai.

Levetekɔ 7:20

Kɛlaa, nui lɔi tɔ́n gaa mą, haláá yii daa naa həli Yai-Laa ɓa, a da mįi, mąąnɛ̨ɛ̨ di gulɔ ɲəi bɛlɛ́n nuą lɔwai.

Levetekɔ 7:21

Nui lɔpee a tunwɔ̨n tɔ́n ɉɛn da ɓa, ə kɛ a taatɛlɛɛ, ə kɛ a nu kan, ə kɛ a huwɔi lɔpee, tɔ́n gaa mą mąąliɓiɛi. Hɛn da naa həli Yai-Laa ɓa, a da mįi, mąąnɛ̨ɛ̨ di mąą nu kulɔ ɲəi bɛlɛ́n nuą lɔwai.»

Malasi 2:12

Nui lɔpee a túwɔ́ tii, ə mą kɛ Ɉakɔbə nu huwu lɔwai, mąą nu, ə mą kɛ, mąnin bulu mąninŋąą kəlee, ə mą kɛ mąą nu a kɛ kɔ́ hɛnŋaa tɛɛ Yai-Laa Mɛ̨nį Kəlee ŋą Hééɓomun pɔ, gɛ́, Yai-Laa, ə mąą nu laa kulɔ lɔi mɛ̨i.