Levetekɔ 18:27 - Yálá laawoo hɛɓɛ (dc)

²⁷ Ɲɛ̨nɛ̨ɛ̨ həɠə mąą túwɔ́ɠaa tii, nuąi kɛ ka tɔwɔ ɓɛ nɔi, yili ɓə di yee ə kɛ ɉu; nɔi yɛ kɛ la a lɔi mąąliɓiɛ.

Yálá laawoo hɛɓɛ

²⁷ Ɲɛ̨nɛ̨ɛ̨ həɠə mąą túwɔ́ɠaa tii, nuąi kɛ ka tɔwɔ ɓɛ nɔi, yili ɓə di yee ə kɛ ɉu; nɔi yɛ kɛ la a lɔi mąąliɓiɛ.

Bible

²⁷ M̀ɛni-ŋai ŋí ƃe ǹûai kɛ̀ ǹɔii mai dí kɛ̀ gɛ̂i ǹyaa ƃe gɛ̀ ǹɔii maa fé kɛ́ ní a ŋ̀waa.

Levetekɔ 18:27 ပူးပေါင်းရင်းမြစ်များ

Tɔɔɓɛlaa dɔlɔɔ 14:24

Haláá wɛlikɛ nuą di di muhəɠə lɔi hu, di túwɔ́ kpɔlɔɔ yɛ bələi nuąi Yai-Laa ə di hukala Israɛlə mąą mɛ̨nį ɓa, di kɛɛ kala la.

Tɔɔɓɛlaa veelɛ 16:3

Kɛlaa yaamun, ə li kpɔ ə hvilɛn Israɛlə tɔɔɓɛlaa túwɔ́ pələ hu, ə non ɉəɠə ə li la ə gulɔ a haláá, di gələn. Dúwɔ́ ɲɔ̨n tii ɓə nuąi Yai-Laa ə di kpɛ di pɔ lɔi yɛ Israɛlə nuą hee laa, di kɛi gɛ.

Tɔɔɓɛlaa veelɛ 21:2

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə ə gɛ, nɔiɠaa ŋɛ̨i Yai-Laa ə di kpɛ Israɛlə nuą ɲɛ̨i tɔwɔ, di túwɔ́ pələ ɲɔ̨n tii ɓə Manase ə kɛi gɛ.

Kɔlɔnikɔ Veerɛi 36:14

Ə mą kɛ, ɉaláá laa həli nuą ɲɛ̨itɔwɔ nuą, nɔi ɲąąwooɓo nuą kəlee, di di wɔɔ woo kala laa huwiɛ, di túwɔ́ kpɔlɔɔ yɛ bələi, lɔiɠaa da kɛɛ kala túwɔ́ ɓo la; di bɛlɛ́i ŋɛ̨i Yai-Laa ə ɉəɠə ɉu a nwɔɔ Ɉerusalɛmə, di mąąluwu.

Izikiɛ 16:50

di di lii muhəɠə mɛ̨nį kpɛa kpɛa pɔ, mɛ̨nįi mɛlɛ kpɛɛ gwə́i, diɛ gɛ. Yili mąą mɛ̨nį ɓə ŋą́ą́ di pili la, yili kaa ə́ ɲɛ̨i ɓa.

Izikiɛ 22:11

Nu kpəli kaa laa, yɛ túwɔ pələ ɲɔ̨n gulɔ a mɛlan nɛ̨ą; nu kpəli yɛ non nɛ̨ą mąąliɓi a wɛli mɛ̨nį ɓa ə pɔɔli. Nu kpəli yɛ mąąhala kala, ə ɓo a nąn non gbɔɔ-kpɔ.

Osia 9:10

Ŋą́ Israɛlə kaa lɔ, yɛ bələi da towələ kaa la, wɛla pun ɉu, ŋį́ ka nąnni kaa lɔ, yɛ bələi ɓolaa a ɓa la mɛlaa tɔwɔ, da gaa la. Kɛlaa, di pa lɔ Baalə-Peɔrə, diɛ di yee pɛlɛ nwumɛ̨ mɛ̨nį ɓa, diɛ kɛ la a nu kɔ́hɔɓoɔɠaa, lɔ yɛ bələi di liiɓa hɛn tii kaa la.

Levetekɔ 18:24

«Ka hvo ka mąąliɓi a dúwɔ́ taaləi tii ta lɔpee. Nɔiɠaa ŋɛ̨i gáá di kpɛi ka tɔwɔ, dúwɔ́ taaləi tii ɓə di kɛi mo, diɛ di mąąliɓi la.

Levetekɔ 18:26

«Ka wɛi, 'ka lɛɛ nwɔ́ tɔ́nŋąą, da nwɔ́ tíɓoɠaa pulu. Ka hvo dúwɔ́ taaləi tii ta ɓo, yɛ ə kɛ a nɔi lon da, a wala kɛ tii nwɛ̨ąi heeni ka kɔ́wɔ mɛ̨i.

Levetekɔ 18:28

Ka gɛ a nɛlɛɛ, nɔi hvo pa ɲee kulɔ ka mu, a gɛi ka mo a lɔi mąąliɓiɛ, hvo nəi pa ɲee kulɔ ka mu, yɛ bələi ə gɛ la a nuąi kɛ ka tɔwɔ ɓɛ nɔi.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Dutɛrɔnome 25:16

Nui lɔpee a vulu tuwɔ taaləi tii ɓo, yɛ mɛ̨nįi tii kɛ nwɛli kpɛɛ Yai-Laa ka wɔ Yálá ɓa kpɔ kɛnɛ̨.

Dutɛrɔnome 27:15

«‹Nui lɔpee pai hali ta pɛlii a wala kɛ tii, hɛn da mąą nįnįn, a yɛlɛ kɛ mun da yee pɔɔ, ɛlɛɛ, yɛ di tɔɔ kɛɛnąą loɔ ɓa! Mɛ̨nįi gɔhɔɓoɔ Yai-Laa ɲɛ̨i ɓa yaa li! Yálá! Mąą nu nɛ̨ŋɛ̨n naai!› Ɛlɛɛ nɔi lonnii kəlee di di nwoo mu hon, diɛ mą: ‹Mįįną!›