Levetekɔ 17:16 - Yálá laawoo hɛɓɛ (dc)

¹⁶ A wala nii mąą həɠə waa, hvo gbinį waa, nɛ̨ŋɛ̨n gaa mą.»

Yálá laawoo hɛɓɛ

¹⁶ A wala nii mąą həɠə waa, hvo gbinį waa, nɛ̨ŋɛ̨n gaa mą.»

Bible

¹⁶ À wàla ŋɔseɣei wáa é gbîŋ waa a pâi tɔŋ kpɛ́ maa sɔlɔ ƃôi.”

Levetekɔ 17:16 ပူးပေါင်းရင်းမြစ်များ

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Levetekɔ 18:1

Yai-Laa ə hvaa Moisə pɔ,

Levetekɔ 19:8

Nui a ɉuwɔi tii ta mįi, aa nɛ̨ŋɛ̨n ɉəɠə, mąąhɔlɔɓo, ɉɛn kɛ a Yai-Laa nwɔɔ, aa mɛlɛkpɛɛ mą. Mąąnɛ̨ɛ̨ di mąą nu kulɔ mɛlaa lɔwai.

Levetekɔ 20:17

«Hulɔnu a mąąhala kɛ a nɛ̨ą, di ɓo nąn ɓa, a wala kɛ tii di ɓo lee ɓa; diɛ di kee kpuwulu kaa; nwumɛ̨ mɛ̨nį li, mąąnɛ̨ɛ̨ di di lɛɛ di tɔ̨nɔ̨ kon ɉu di wɔ lɔi hu nuą ɲɛ̨i ɓa, mąąhala kpuwulu mɛ̨i həɠəi ə mo, yili a kɛ nwuɔ̨ a nɛ̨ŋɛ̨n.

Levetekɔ 5:1

«Nɛ̨ŋɛ̨n ɉəɠə pələ takpɛli ka nwɔ̨nɔ̨: Akɛ mɛ̨nį ta a tɛɛ taa ta hu, di nuą təli gɛla hvaa ɓo mɛ̨nį ɓa, nui mɛ̨nįi tii hukɔlɔn a wala gɛ hvo pa hvo gɛla hvaa ɓo, aa nɛ̨ŋɛ̨n tii wulu lɛɛ nwuɔ̨.

Levetekɔ 7:18

Mąąhɔlɔɓo, da liilaa haláá ɉuwɔ ta mį́i a voló ɉaaɓa nąą, nui ɉaláá laa həli, ɉaláá hva pɛli Yálá lii hon ɉii. Ɉaláá a lɛɛ a kpɛli, huwɔ kalaa li. Nui lɔpee a da mįi, aa nɛ̨ŋɛ̨n ɉəɠə.

Ɉaan 13:8

Piɛrə yɛ mą: «Ə́ gɔ́wɔ́ mąąwaai, a ɲą́ą́! Kpaa!» Jesus yɛ mą: «Ŋą́ wala ə́ waa, ə́ nwɔ nąą hvo nwɔ́ mɛ̨nįi hu.»

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.