Levetekɔ 17:15 - Yálá laawoo hɛɓɛ (dc)

¹⁵ «Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Yálá laawoo hɛɓɛ

¹⁵ «Nui lɔpee! Ə kɛ a nɔi lon, ə kɛ a nwɛ̨ą, a huwɔ haa gbɔwɔ ɓa mįi, awala kɛ tii, lɔwɔ huwɔ ta ə wolo mą, ə baa, nui a mįi, mąąnɛ̨ɛ̨ mąą nu ə mąą həɠə waa, ə gbinį waa a yá, tɔ́n a kɛ mąą nu ɓa a mąą yələ, ə lɛɛ ɉu yələ ə wulu, nąąlɔwai ɓə mąą a həɠə la.

Bible

¹⁵ “Núu da kélee a sua da miî nyii sàa gbɔɔ̂i yêe ma kpaa máŋ fɛnɛ-sɛŋ nyii núu da é báai, é máŋ kɛ́ a Eezuɛ nuui da kpaa máŋ ŋ̀ɔ̃ya nyii gáa dísamai, fɛ̂ɛ maa nuui é ŋɔseɣei wáa é gbîŋ waa, ǹyaŋ vé pâi kɛ̂i a m̀aa waa é lɛ́ɛ la zu ɣele-wulii é kɛ́. Gɛ̀ ní a pâi nâa kɛ́i a m̀aa waa.

Levetekɔ 17:15 ပူးပေါင်းရင်းမြစ်များ

Lɛɛ gbɔwɔ ɓa 22:30

«‹Mąąnɛ̨ɛ̨, ka mąą ə həɠə mą́ą́ mɛ̨nį ɓa. Lɔwɔ huwɔ ta a wolo taatɛlɛɛ ta ɓa kpomói, ka hvo mįi, ka bili yilɛɠaa diɛ.

Izikiɛ 4:14

Ŋą́ nwoo pulu pənə, gɛ́ mą: «Yai-Laa, nwɔ́ Yálá, və́ ta dɛ́a mįi li; ə həɠə nólókolo yələ ɓa, ə həli la háákəlee ɓa; huwɔ powa, awala kɛti, huwɔi mɛlan ɉuwɔ aa wolo mą; və́ ta da mįi li; huwɔ yii tɔ́n gaa mą, da hvo ta lɔ li ná.»

Izikiɛ 44:31

Huwɔi aa haa gbɔwɔ ɓa, a wala kɛ tii daa ɉu ɓɛla, ə kɛ a nwɛ̨nį, ə kɛ a huwɔ takpɛli, ɉaláá kulɔ nuą di hvo da mįi.»

Levetekɔ 11:24

«Ɉuwɔɠaai tɔ́n gaa mą, nui lɔpee a tunwɔ̨n da powa ɓa, a kɛ tii, mąą nu aa gbɔwɔ mąąliɓi a volói tii, ə lɛɛ la ɉu yələ ə wulu.

Levetekɔ 11:25

Nui lɔpee a di ta powa kpəŋə, mąąnɛ̨ɛ̨ ə mąą həɠə waa, mąą nu mąą liɓiɛ ə lɛɛ ɉu yələ ə wulu.

Levetekɔ 11:27

Yili a həɠə laa, huwɔi lɔpee gɔwɔ kaa mu nąąn, yɛ hiɛ yɛ nu hiɛ pələ, tɔ́n gaa mą. Nui a tunwɔ̨n da powa ɓa, mąą nu a gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:28

Ɛlɛɛ nui lɔpee a da powa həɠə, mąąnɛ̨ɛ̨ ə mąąhəɠə waa. Mąą nu aa gbɔwɔ mąąliɓi a volói tii ə lɛɛ la ɉu yələ ə wulu. Ɉuwɔɠaai tɔ́n gaa mą ka mąą mɛ̨nį ɓa, diɛ ka tii.

Levetekɔ 11:31

Huwɔ yiiɠaai da tala, yiiɠaai tɔ́n gaa diɛ, diɛ ka tii, nui a tunwɔ̨n da powa ɓa, aa gbɔwɔ mąąliɓi a volói tii, ə lɛɛ ɉu yələ ə wulu.

Levetekɔ 11:32

Ɉuwɔ huwui tii ta powa a too hɛn da mɛ̨i, mąą hɛn tii mąą aa liɓi; Ə kɛ a wulu, ə kɛ a həɠə, ə kɛ a huwɔ kɔ́lɔ, ə kɛ a ɓíi, da kóló kɛ hɛnɲaŋą lɔpee ta, mąąnɛ̨ɛ̨ di mąą waa a yá, a kɛ a hɛn mąąliɓiɛ ə lɛɛ la ɉu yələ ə wulu, yili pulu mąą a həɠə.

Levetekɔ 11:39

«Ɉuwɔɠaai di kaa a ka kɔ̨nɔ̨n, da a haa gbɔwɔ ɓa, nui a ɲee pɛlɛ ɓɔwa ɓa, a tɔ́n ɉəɠə ə lɛɛ ɉu yələ ə wulu.

Levetekɔ 11:40

Nui a ɉuwɔ powai tii ta mįi, mąąnɛ̨ɛ̨ ə mąąhəɠəɠaa waa, tɔ́n a kɛ mą ə lɛɛ ɉu yələ ə wulu.

Levetekɔ 15:10

Nui ɲɔ̨n tii kaa mą, hɛn nɔpee gaa mu, nui a tunwɔ̨n mą tɔ́n gaa mąą nu ɓa, ə lɛɛ ɉu yələ ə wulu. Nui nwɔ̨nɔ̨ a ɉɛn tii kpəŋə, mąąnɛ̨ɛ̨ ə mąą həɠəɠaa waa, ɛlɛɛ ə gbinį lee waa a yá, tɔ́n a lɛɛ mąą nu ɓa ə lɛɛ ɉu yələ ə wulu la.

Levetekɔ 15:21

Nui lɔpee a tunwɔ̨n nwɔ gbin ma, mąąnɛ̨ɛ̨ ə mąą həɠə waa a yá, ɛlɛɛ ə gbinį lee waa, tɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 15:5

Nui a tunwɔ̨n gbin tii ɓa, mąąnɛ̨ɛ̨ mąą nu ə mąą həɠəɠaa waa; ə gbinį waa a yá, ɛlɛɛ, Dɔ́n a lɛɛ mąą nu ɓa ə lɛɛ ɉu yələ ə wulu.

Levetekɔ 22:8

Mąą hvo nɛ̨ɛ̨li Aarɔn huwuhu mun da lɔpee hvo huwɔi aa haa gbɔwɔ ɓa da mįi, a wala kɛ tii, yii kɛ mɛlan ɉuwɔ ta aa wolo mą; a yili kɛ tii, a tɔ́n bɛlɛ gbɔwɔ ɓa. Ɲą́ą́ ɓə gáá a Yai-Laa.

Levetekɔ 7:24

Huwɔi aa haa gbɔwɔ ɓa, yii lɔwɔ huwɔ aa wolo mą, ka pɛli kólói lɔpee gəlee kɛi a di wulɔ, kɛlaa, ka hva di mįi.

Lonon mo 19:19

Nui tɔ́n və mą, a ɲá ta taɠa nui tɔ́n gaa mą mą, a voló ɉaaɓa yələ da voló mɛ̨ihveelɛ yələ. Voló mɛ̨ihveelɛ yələ nwɛi tii a mąą nu nwɔ nɛ̨ŋɛ̨n kulɔ mą. Yili ə mąą həɠəɠaa waa, ə nwaa yái; yələ wulii pɔ, mąą a kɛ a ɉəɠɛɛ.

Lonon mo 19:21

«Israɛlə lonnii di wɔ yɛnɛ̨ɛ̨ hon bələ ta ka tii, hva ɉəɠə mą. Nui a ɲá taɠa mɛlaa diɛ, mąąnɛ̨ɛ̨ ə mąąhəɠəɠaa waa, ə lɛɛ nui a tunwɔ̨n ɲá mąąhəɠɛɛ ɓa, tɔ́n a kɛ mą, ə lɛɛ ɉu yələ ə wulu.

Lonon mo 19:8

Nui tii nįŋɛ̨ kələn, yaa kpɛli a mąą həɠəɠaa waa, ə gbinį waa, yaa kpɛli tɔ́n a lɛɛ mą ə lɛɛ ɉu yələ ə wulu.

Dutɛrɔnome 14:21

Huwɔi lɔpee a haa gbɔwɔ ɓa, ka hvo mįi. Nwɛ̨ą a kɛ ka kɔ́wɔ mɛ̨i, ka dɛɛ bɔ, nwɛi a pɛli mįi; a wala kɛ tii nɔwɔtɔɔ tɛɛ nwɛ̨ą ɓa, mąąhɔlɔɓo, ka káá a nu huwui gaa a Yai-Laa ka wɔ Yálái nwɔ hɛn. Ka hvə ɓolu yili nee ɲįnįya hu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.