Levetekɔ 16:34 - Yálá laawoo hɛɓɛ (dc)

³⁴ «Ka hiɛ pələ ka tii, hva ɉəɠə mą, Israɛlə lonnii di wɔ nɛ̨ŋɛ̨n mąąhvaalɛɛ pələ li kwɛlan dɛitɛi kəlee ɲee mu.» Mɛ̨nįi Yai-Laa ə Moisə tí la, Aarɔn ə gəlee kɛ.

Yálá laawoo hɛɓɛ

³⁴ «Ka hiɛ pələ ka tii, hva ɉəɠə mą, Israɛlə lonnii di wɔ nɛ̨ŋɛ̨n mąąhvaalɛɛ pələ li kwɛlan dɛitɛi kəlee ɲee mu.» Mɛ̨nįi Yai-Laa ə Moisə tí la, Aarɔn ə gəlee kɛ.

Bible

³⁴ Dɔ̂ŋ ŋí káa dímɛni ma. Fɛ̂ɛ dím̀ɛi káa wɔlɔ-wɔlɔ da wɔlɔ-wɔlɔ. Fɛ̂ɛ dí zâlai ŋí kúla kóraŋ ma tɔnɔɔ Eezuɛ-ŋai kélee dísɔnyɔ̂ŋ, su mɛni lɛ̀ɛ mɛni ma.” Eelɔŋ è m̀ɛnii kélee kɛ̀ yɛ̂ɛ berei Yâwɛɛ è m̀o la Mose mai.

Levetekɔ 16:34 ပူးပေါင်းရင်းမြစ်များ

Lɛɛ gbɔwɔ ɓa 27:21

Ɓɛi gu kaa pai kɛi gu kee kaai laa, ɉəɠə ɓɛla ŋɛ̨i hɛlɛn ni mįnɛ̨ kəhi lííla, mo Aarɔn da nonnii diɛ, di nwulɔ nwɔ̨n ɉee nííla yɛ lən, a yələwulii da yələwala, Yai-Laa lííla. Yili ɓə pai kɛi a Israɛlə lonnii di wɔ kóló, mąą hva hvalin, yɛ ɓo a yələ kəlee mɛ̨nį.

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Lɛɛ gbɔwɔ ɓa 39:43

Moisə ə gólóɠaa tii kaa, di gɛ kpɔlɔ yɛ bələi Yai-Laa ə Moisə tí la. Moisə ə nɛɛ mą ə lúwɔ́ too diɛ.

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Levetekɔ 17:1

Yai-Laa yɛ nwɔ̨nɔ̨ Moisə ɓa:

Levetekɔ 23:28

Ka hvo kóló lɔpee ta kɛ a ɲələ, nɛ̨ŋɛ̨n mąąhvaalɛɛ hvóló kɛnɛ̨ li, diɛ nɛ̨ŋɛ̨n mąąhvaalɛɛ kóló kɛ la ka mɛ̨i Yai-Laa ka wɔ Yálái lííla.

Levetekɔ 23:31

Ka hvo kóló lɔpee ta kɛ a mąą yələ, yili kaa a ka wɔ yɛnɛ̨ɛ̨ kɛ pələ mąą tɔ́n da, kwɛlan gəlee yee mun, ɓɛi lɔpee ka kɛ laa heeni, hva ɉəɠə mą.

Levetekɔ 24:23

Moisə ə mɛ̨nįɠaai tii kəlee laa həli Israɛlə lonnii diɛ. Nui tii Yálá lalan, di kulɔ la daa pulu, di ɉɔɔ a kwɛni. Mɛ̨nįi Yai-Laa ə Moisə tí la, Israɛlə lonnii di gɛ.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Lonon mo 29:7

«Ɲąnin mɛ̨ihveelɛnąą nwɔ hvóló bow yələ, ka ɲąąkpɔn mąąhəɠɛɛ too, ka hin nɔ, ka hva kóló ta kɛ.

Hebreu 10:14

Gbɔwɔ gulɔ lɔ tii ə mo a haláá taanɔ̨n gbən, nuąi a nwɛiɠaa, ə pɛli di mąąhəɠəi, di mąą mɛ̨nį ɲɛ̨i kulɔ a yələ kəlee mɛ̨nį.

Hebreu 10:3

Kɛlaa yaamun, ɉalááɠaa tii pɔ pələ ɓə, di kɛi lɔ di wɔɔ nɛ̨ŋɛ̨n nąą kili toɔ di kpɔwɔ ŋą, a kwɛlan gəlee.

Hebreu 9:25

Ɛlɛɛ, hvo kɛ li li laa gbɔwɔ kulɔ mɛ̨nį a haláá, geemɛ̨i tamąą, yɛ bələi ɉaláá laa həli mun gɛnɛ̨ ə kɛli lɔ la ɉəɠəpɛlɛ́ mu a kwɛlan ɉəli pələ tɛitɛi, a ɲąmą nįnɛ̨.

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.