Levetekɔ 16:29 - Yálá laawoo hɛɓɛ (dc)

²⁹ «Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Yálá laawoo hɛɓɛ

²⁹ «Ka hiɛ pələ ka tii a yələ kəlee. Ɲąnin mɛ̨ihveelɛnąą nwɔ hvóló pow yələ, mąąnɛ̨ɛ̨ ka hin nɔ, ka hvo kólói lɔpee ta kɛ, ə kɛ a nɔi lon ə mą kɛ a nwɛ̨ąi heeni ka kɔ́wɔ mɛ̨i.

Bible

²⁹ “Dɔ̂ŋ-ŋai ká ŋí ká dí mɛi káa wɔlɔ-wɔlɔ da wɔlɔ-wɔlɔi. Ŋ̀áloŋ ǹɔ́ɔlu mɛi feerɛi ŋɔfólo puu ɣelei káfe tíi da kélee kɛ̀. Ka sûŋ siɣe káai a Eezuɛ-ŋai ká ŋɔ̃ya-ŋai kélee díkaa kásamai.

Levetekɔ 16:29 ပူးပေါင်းရင်းမြစ်များ

Tɔɔɓɛlaa dɔlɔɔ 8:2

Israɛlə nuą kəlee di di ɲąąkpɔn tɔɔmun Salomɔn kwɛlɛ a ɲąnįn ŋɛ̨i da kɛ mą Etanimə, di wɔ kwɛlan ɲąnįn mɛ̨ihveelɛ lɔwai; a ɉɛli yələ.

Ɛsdrasə 3:1

Ɲąnįn mɛ̨ihveelɛ lɔwai, Israɛlə nuą kəlee di həɠə di wɔ taaɠaai hu, di kəlee di pa, di di ɲąąkpɔn Ɉerusalɛmə daai, yɛ nu tɔ̨nɔ̨.

Ɛsdrasə 8:21

Ŋą́ loloɓo Ahawa ya kwɛlɛ, gɛ diɛ, ku hin nɔ, ə gɛ, ku ku mąą yɛɛ Yálá lííla, ə gə ə hvaa mą ku ɉiɛ kulɔ a nɛlɛɛ kwa ku lonnii da ku tiɛ̨ɠaa.

Mąątɛ̨nɛ̨ 35:13

Ɓɛlɔwai di kɛ la ɲɔ̨n ɉu, ŋį́ kɛi mąąwɛli heeɓo, gɛ́ hin nɔ, gɛ́ Yálá hvɛli gwə́i pələ.

Mąątɛ̨nɛ̨ 69:10

A tɛ̨ą, ə́ wɔ pɛlɛ́i mąą tolo aa lɔ ɉú kɛnɛ̨, di kaa ə́ lalan ɉi, di wɔ lalan nwoo yɛ həli mą́ą́.

Lɛɛ gbɔwɔ ɓa 12:16

Vóló dɔlɔɔ yələ, da vóló mɛ̨ihveelɛ yələ, ka ka ŋąąkpɔn Yálá líí la. Vólóɠaa ti yee mu, kóló lɔpee ta hva kɛ, hvo kɛ li lɔ, kɔ̨nɔ̨n mąąnɛ̨ɛ̨ ka mįi, yili mɛ̨nį.

Lɛɛ gbɔwɔ ɓa 20:10

Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Lɛɛ gbɔwɔ ɓa 30:10

Kwɛlan dɛitɛi kəlee yee mu, Aarɔn a nɛ̨ŋɛ̨n mąąhvaalɛɛ haláá kulɔ lɔ tanɔ̨n, ə ɲąmą hiɛ ɉaláá kulɔi mįnɛ̨ɠaa diɛ. Ɉaláá tii da gulɔ tanɔ̨n kwɛlan dɛitɛi yee mu a nɛ̨nŋɛ̨n mąąhvaalɛɛ haláá, ɲąmą ta ɓə mąąnɛ̨ɛ̨ ə́ ɉaláá kulɔi mąąhəɠə la. Kwɛlan gəlee mɛ̨nį li, lansan haláá kulɔi a kɛ a kɛɛnąą mąąhəɠɛɛ gəlee ɓa a Yai-Laa nwɔɔ.»

Lɛɛ gbɔwɔ ɓa 31:14

Mąąnɛ̨ɛ̨ ka túwɔ́ yələ mąąwiɛ, mąąhɔlɔɓo, hvóló mąąhəɠɛɛ li ka yəi. Nui a volói tii ɓɛlɛkpɛɛ mą, mąąnɛ̨ɛ̨ di baa. Ɛlɛɛ, nui a kóló kɛ a mąą yələ, mąąnɛ̨ɛ̨ di naa kulɔ Israɛlə lonnii lɔwai.

Lɛɛ gbɔwɔ ɓa 31:15

Hvóló mɛ̨ida yee mu, nuą da di mąą kólóɠaa kɛ. Kɛlaa, voló mɛ̨ihveelɛ yələ, vįitɔɔ yələ li. Volói tii kaa a Yai-Laa nwɔɔ. Nui lɔpee a kóló kɛ a túwɔ́ yələ da baa.

Azaya 58:13

Ya wala kɛ kólóɠaa kɛi a hvįįtɔɔ yələ, ya kpəla tɔ̨nɔ̨ kwɛliɛ ɓa, a nwɔ́ hvóló mąąhəɠɛɛ, ya vįitɔɔ yələ laa hee, «a ə́ liiɓa hvóló», Yɛ́ Yai-Laa nwɔ hvólói mąąhəɠɛɛ laa hee, a «hvóló Mąąwiaa.» Yɛ́ mąą həɠə a ə́ lííɓa hiɛɠaai ya nɛɛ laa, hva tɔ̨nɔ̨ kwɛli a mąą yələ, hvo túwɔ mɛ̨nį ɓo hu a mąą yələ.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Azaya 58:5

Volói nu a gbɔwɔ mąąyɛɛ la, ɉín nɔ pələi nwɛli kaa mą́ą́ yaa li? A kɛ tii mąąnɛ̨ɛ̨ nu ə nwun vilɛn yɛ hvee gbaɠa, yɛ həɠə haɠa too gwaną, yɛ hee luwu hu; yili mąą mɛ̨nį ɓə ya hin noloɓo la, a Yai-Laa liiɓa hvóló?

Danîa 10:12

Ə pənə nwɔ̨nɔ̨, yɛ mą́ą́: «Daniɛlə, hvo ɲɔw, ə həɠə kpɔ voló tɔlɔɔi tii ə́ ə́ wɔ kpɔɔmąąyɛɛ laa lɛ la Yálá ɓa, yɛ́ naa ə́ kwəi yɛ́ kɛ diɛ, mɛ̨nįɠaai pai kɛi ə́ gbaɠala kaa, Yálá aa ə́ wɔ hvɛliɓo woo mɛ̨n. Ŋą́ pa, ə gɛ, ŋą́ nwoo ŋąąpənə tɛɛ ə́ pɔ.

Danîa 10:3

Nąąlɔwai tii hu, və́ kɛi kɔ̨nɔ̨n nɛɛ mįi, və́ kɛi huwɔ mįi, ə ma kpɛli kɛ lɔɔ və́ kɛi gbələ, nɔwɔ haaɓai tii kuu mu, və́ kpɛli nwún ɉu pili, və́ kpɛli gɔ́lɔ mąą liihlɛn ɉee.

Levetekɔ 23:21

Voló tɔ̨nɔ̨i tii yee mu, ka nuą təli, ka ka ɲąąkpɔn mą́ą́wiɛ mɛ̨nį ɓa, ka hva kóló lɔpee ta kɛ a mąą yələ; yili kaa a ka wɔ yɛnɛ̨ɛ̨ kɛ pələ ta, kwɛlan gəlee mɛ̨nį li, ɓɛi lɔpee ka kɛ laa heeni, hva ɉəɠə mą.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Levetekɔ 23:36

Voló mɛ̨ihveelɛi tii kəlee yee mu, mąąnɛ̨ɛ̨ kaa haláá kulɔ Yai-Laa ɓa, a haláái da gələn. Voló mɛ̨ihaaɓa yələ, ka ka ɲąąkpɔn, ka haláá kulɔ Yai-Laa ɓa a ɲələ. Volói tii ɓə gaa a ɉɛli ɲee laa kulɔ yələ, ka hva kóló walawala ta kɛ a mąą yələ.

Levetekɔ 25:9

Yili pulu, ɲąnin mɛ̨ihveelɛnąą nwɔ hvóló pow yələ yii gaa a nɛ̨ŋɛ̨n mąą hvaalɛɛ hvóló, ka túlú hvɛɛ ka wɔ lɔi nąą kɔ́lɔ kəlee.

Levetekɔ 3:17

Yili kaa a ka wɔ yɛnɛ̨ɛ̨ mąą tɔ́n hva ɉəɠə mą, kwɛlan gəlee yee mu, ɓɛi kpɔ ka kɛ laa. 'Ka hvo huwɔ wulɔ, da ɲąmą di mį́i.»

Lonon mo 29:7

«Ɲąnin mɛ̨ihveelɛnąą nwɔ hvóló bow yələ, ka ɲąąkpɔn mąąhəɠɛɛ too, ka hin nɔ, ka hva kóló ta kɛ.

Gɛlaɠaa 27:9

Yíi kuu tamąą aa kɛ tɛɛ, ɛlɛɛ, hiɛ kulɔ laa walawalaai kɛa kɛ gboloyá ɲą. Mąąhɔlɔɓo, hin nɔ yələ aa kɛa kɛ tɛɛ. Polə ə nuą kili pu tii ɉu, yɛ diɛ:

Korɛntə dɔlɔɔ 11:31

Kɛlaa, gwa gu kpɔwɔ mąą kpɛɛ, giti hva kala guɔ.

Hebreu 4:10

Mąąhɔlɔɓo, nui a lɔ Yálá ŋą hvįitɔɔi hu, yaa kpɛlimąn, a vįitɔɔ gɛ kólóɠaa diɛ, yɛ bələi Yálá ə vįitɔɔ la nwɛiɠaai diɛ.

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.