Levetekɔ 16:15 - Yálá laawoo hɛɓɛ (dc)

¹⁵ Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Yálá laawoo hɛɓɛ

¹⁵ Ə molu hilɛ nwun dee a nɔi lonnii di wɔ nɛ̨ŋɛ̨n mąąhvaalɛɛ haláá, ə li a ɲąmą ɉəɠə ɓɛla pulu pələ; ə ɲąmą kɛ pələ kɛ lɔ yɛ bələi ə nįŋɛ̨ ɲąmą kɛ la. A ɲąmą ta taɠa mįnɛ̨ kəhi laa kalan mɛ̨i da ɲɛ̨itɔwɔ.

Bible

¹⁵ “Gɛ̀ ní a pâi m̀olii paâi nyii gáa a ǹûai dísɔnyɔ̂ŋ maa sâla-sɛŋ é pá a ŋãa Gwaa ma Waai ma é gbɛ́mɛŋ m̀aloŋ kâa see-sɛŋ ma é da é kpɛ́mɛŋ ŋ̀ɛ́i yɛ̂ɛ berei è gɛ̀ la a niya ŋãai.

Levetekɔ 16:15 ပူးပေါင်းရင်းမြစ်များ

Levetekɔ 16:2

«'Mo ə́ liɛ Aarɔn ɓa, hvo kɛ gaa lɔi gɛɛnąą mąąhəɠɛɛ ɓa a niiɓa pələ ɉəɠə ɓɛla pulu, mįnɛ̨ kəhi ɲɛ̨itɔwɔ, hvo pa nəi haa; ɓɛlɔwai gáá pai gbɔ́wɔ́ lɛi la tulɔ kpinįn ɉu mįnɛ̨ kəhi laakalan mɛ̨i.

Levetekɔ 4:21

A nįŋɛ̨ lon ɉəɠə, ə kulɔ la taai, ə gələn yɛ bələi ə nįŋɛ̨ yii tii kələn na. Yili kaa a nɔi nuą kəlee mąą hvaalɛɛ hɛn.

Levetekɔ 4:5

Ɉaláá laa həli mun tii, a yai di ɉee a nwulɔ mąąhəɠɛɛ, a nįŋɛ̨ ɲąmą həɠə, ə li la gee kaa kələ ɓa,

Lonon mo 17:11

Moisə yɛ Aarɔn ɓa: «Ə́ wɔ lansan kələn gbowoi həɠə, ɉaláá kulɔ nwɔ̨n da pu ɉu, lansan da pu ŋą, lí kilɛ nu kpului tii pɔ, ə́ nɛ̨ŋɛ̨n mąąhvaalɛɛ woo ɓo di mɛ̨i. Ə́ kaa gaai, Yai-Laa aa níiholi, ɛlɛɛ, mɛ̨nį nwąnąą aa gbɛa gɔwɔ tɔɔ yɛ laa nuą diɛ.»

Lonon mo 28:15

Yili pulu, ka ɓolu hilɛ tɔ̨nɔ̨ kulɔ a haláá Yai-Laa ɓa, a nɛ̨ŋɛ̨n mąąhvaalɛɛ haláá, ka bɛlɛ yələ kəlee haláái da gələn mą, da nɔɔi mąąnɛ̨ɛ̨ di paa la.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Hebreu 5:3

ɛlɛɛ, yili mąą mɛ̨nį ɓa, hvo kɛli, ə gbɔwɔ mąą haláá kulɔ, yɛ bələi a nɔi lonnii mąąhaláá kulɔ la, di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Hebreu 6:19

Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Hebreu 7:27

Nwɛi hvo yɛ ɉaláá laa həli nuą kpɛa-kpɛaa tɔlɔɔ tii kɛ, a diɛi, yələ ɓɔ pələ kəlee, hvo kɛli di di kpɔwɔ mąą haláá kulɔ, di hvo tɛɠa kɛ pai nɔi nuą mąą haláá kulɔi. Nwɛi ə gbɔwɔ kulɔ lɔ a haláá tanɔ̨n gbən, gu mąą mɛ̨nį ɓa.

Hebreu 9:12

ɛlɛɛ, lɔi ə mo laa, hvo lɔ li a, ɓolu ɲąmą, hvo lɔ li a nįnɛ̨ ɲąmą, ə lɔ laa, a gbɔwɔ ɲąmą, lɔ taanɔ̨n gbən, ɛlɛɛ, ə nu kanŋaa nwun mąąɓo mɛ̨nį tɛ̨ɛ̨tɛ̨ɛ̨ mąąlaa hɔlɔɓo.

Hebreu 9:13

Mąąhɔlɔɓo, akɛ, ɓolu ɲąmą, niŋɛ̨ hilɛ ɲąmą, ɛlɛɛ, da niŋɛ̨ haa kələn nuwui ti di kɛi daɠa nuąi di mąą hvo həɠə li diɛ, ə kɛli di kɔ́lɔ ɓa mąąhəɠə;

Hebreu 9:3

A həɠə laa, ɉəɠə ɓɛla veelɛnąą pulu pələ, haláá kulɔi ə kɛ laa, diɛ kɛ mą: Gɛɛnąą mąąhəɠɛɛ kpɔ tɛakpa-tɛakpa.

Hebreu 9:7

Kɛlaa, bɛlɛ́ veelɛnąą mu nwɛi, ɉaláá laa həli mun gɛnɛ̨, a lɔ laa, taanɔ̨n gbən yaa tɔ̨nɔ̨, kwɛlan mą; ɛlɛɛ, a kɛi lɔ laa, a lɔ a huwɔ ɲąmą, ə gulɔ a haláá, gbɔwɔ mąą mɛ̨nį ɓa, da nɛ̨ŋɛ̨n nwɔ lɔi nuą hu di ɉəɠə, di mąą mɛ̨nį ɓa.