Levetekɔ 15:31 - Yálá laawoo hɛɓɛ (dc)

³¹ «'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Yálá laawoo hɛɓɛ

³¹ «'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Bible

³¹ “Ǹyaŋ Yâwɛɛ è mò Mose da Eelɔŋ dîa a gɛɛ dí Eezuɛ-ŋai lîa-woo ƃó pîlaŋ dímaa waa-laai mɛ̂ni ma, a gɛɛ dífa lâa Yâwɛɛ ŋɔ́ pɛ́rɛi maa tĩa kara la nyii kɛ̀ mûui sámai. À kɛ̀ da gɛ̀ tí, gɛ̀ ní da pâi saâi.”

Levetekɔ 15:31 ပူးပေါင်းရင်းမြစ်များ

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Izikiɛ 23:38

Di pənə nwɔ̨nɔ̨ di nwɔ́ hvįįtɔɔ yələi laa pu, a ɲələi di nwɔ́ pɛlɛ́i mąą luwu la.

Izikiɛ 36:17

«Ə́ wəli tɔɔ hulɔnu lon, Israɛlə nuąi tii kɛ hee ni di wɔ lɔi hu, di nąą kala a di túwɔ pələ, da di kɛ mɛ̨nįɠaa; di túwɔ pələ ə kɛ lɔ ɲɛ̨́i mu yɛ nɛ̨ɛ̨nu a ɲąnin gaai.

Izikiɛ 44:23

«Ɉɛn gaa a mąąhəɠɛɛ, da yii mąą hvo həɠə li, diɛ ɓə da gulɔ nɔwai lɛ nuą diɛ; ə mą kɛ, yii mąąliɓiɛ da yii mąą hvo liɓi li.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Danîa 9:27

Gwɛlan mɛ̨ihveelɛ lɔwai tii yee mu, da nu kpulu kɛnɛ̨ di kaa pai mįnɛ̨ walawala həɠəi. Kwɛlan ɉaaɓa da gbulɔ yee mu, gaa pai gɛi haláá kulɔ mɛ̨nį da Yálá kɔ́ mɛ̨nįɠaa hu. Gɛɛ kalamun gɛnɛ̨i tii kaa pai nwɔ mɛ̨nį ɲɔ̨nŋaai tii kɛi kpɔ a mąąhulaa, gɛɛ nɔwai ŋɛ̨i di ɲɛɠɛ ɉu hvo kɛ həlii ma.»

Levetekɔ 11:47

Yili ɓə pai tɔ́n ɉuwɔɠaa da yiiɠaai tɔ́n və diɛ, yiiɠaai da di mįi da yiiɠaai di hva di mįi, di kulɔ nɔwai lɛi kaa.

Levetekɔ 13:59

Yili ɓə kɛ a tɔ́n yɛ hvilɛn na hɛnŋąą hviliin mɛ̨nį ɓa; ə kɛ a həɠə ɓɛla, ə kɛ a yiihəɠə, ə mą kɛ hɛn lɔpee da bɛli a huwɔ kɔ́lɔ. Bələ ɓə da tɛɛ la diɛ tɔ́n gulɔ mą, a wala kɛ tii tɔ́n yɛ lɛɛ la mą.

Levetekɔ 15:32

Nui lə́ŋąn gaa mą, da nui mąąkalayá a pu; yɛ tɔ́n bɛlɛ mą, mąą mɛ̨nį kɛ pələ ka ti.

Levetekɔ 19:30

'Ka nwɔ́ hvįįtɔɔ yələɠaa mąąwiɛ, ka nwɔ́ pɛ́lɛ́i mąąwiɛ. Ɲą́ą́ ɓə gáá a Yai-Laa.

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Levetekɔ 21:23

Kɛlaa, mąą hvo nɛ̨ɛ̨li di hvo həli ɉəɠə ɓɛla ɓa, di hvo həli ɉaláá kulɔ kəhi ɓa; mąąhɔlɔɓo, gbɛɠii gaa mą, hvo gɛɛnąą mąąhəɠɛɛ mąąliɓi, da mu hɛnŋąą, mąąhɔlɔɓo, ɲą́ą́ Yai-Laa, ɲą́ą́ ɓə nwɔ́ nuąi tɔɔ nwɔ́ kólói ɓa.»

Lonon mo 19:13

Nui lɔpee a tunwɔ̨n nu powa ɓa, ɛlɛɛ hva mąą həɠə a ɲái tii ta, a kɛ tii aa Yai-Laa nwɔ pɛ́lɛ́i mąą liɓi; mąąnɛ̨ɛ̨ di mąą nu lɛɛ dɔ̨nɔ̨ kon ɉu. Yii hvo gɛ li di hvo nu mąą həɠə yá ta taɠa mą, tɔ́n a kɛ mą, nwɔ tɔ́n tii hva kulɔ mą.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.

Lonon mo 5:3

Ka di kpɛ, ɉinąą mąn, nɛ̨ąą mąn, ka di kpɛ taai. Di hvo Israɛlə lonnii di wɔ taai mąąliɓi. Mąąhɔlɔɓo, gáá Israɛlə lonnii lɔwai.»

Korɛntə dɔlɔɔ 3:17

Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Zûu 1:4

Mąąhɔlɔɓo, nu ɲɔ̨nwɔ̨ɔ̨ tamąą daa lɔ ka lɔwai, diɛ guɔ Yálá nwɔ mɛ̨inɛ̨ɛ̨ woo ŋɛ̨i mąą pənə a di kpɔɔ liiɓa. Ə gɛ, di di wɔ túwɔ́ pələ ɲɔ̨nŋaai lɛ yɛ tɛ̨ą mɛ̨nį. Diɛ lənə Jesus Kristə ɓa, yai gaa a gu mąąkwɛlimun tanɔ̨n gbən da gu Námui. Yálá lawoo a wɔlɔ nuą tii di nwun napili mąą mɛ̨nį ɓo ɉu aa kwɛa.

Samuɛlə dɔlɔɔ 3:14

Yili mąą mɛ̨nį ɓə ŋą́ gwɛla la Eli nwɔ pɛlɛ́i ɓa, hɛn lɔpee ta hvo pai pɛlii Eli nwɔ nuą di wɔ nɛ̨ŋɛ̨n hu pui; ə kɛ a haláá, ə kɛ a mɛ̨inɛ̨ɛ̨ kpɛli-kpɛli.»