Levetekɔ 14:48 - Yálá laawoo hɛɓɛ (dc)

⁴⁸ «Kɛlaa ɉaláá laa həli mun a lɔ a nąą mąąkpɛɛ, ɉɛn tii pɔɔ hu a wala kɛnɛ̨ bɛlɛ́ ɓa, bɛlɛ́ tɛɛ pulu, a mo yɛ tɔ́n və bɛlɛ́ ɓa. Mąąhɔlɔɓo, ɲɔ̨n tii kɛ bɛlɛ́ ɓa aa kpɛɛ.

Yálá laawoo hɛɓɛ

⁴⁸ «Kɛlaa ɉaláá laa həli mun a lɔ a nąą mąąkpɛɛ, ɉɛn tii pɔɔ hu a wala kɛnɛ̨ bɛlɛ́ ɓa, bɛlɛ́ tɛɛ pulu, a mo yɛ tɔ́n və bɛlɛ́ ɓa. Mąąhɔlɔɓo, ɲɔ̨n tii kɛ bɛlɛ́ ɓa aa kpɛɛ.

Bible

⁴⁸ “Kɛ̀lɛ à kɛ̀ zâla láa soŋ nuui a pà é bɛ́rɛi maa kpɛ́ɛ é gáa a gɛɛ bûŋ fé naa bɛ̂rɛi siaa pôlu ma, gɛ̀ ní a pâi môi a gɛɛ bɛ́rɛi maa waâi, kpɛ́ni fêi, bûŋ aâ kpɛ̀ɛ.

Levetekɔ 14:48 ပူးပေါင်းရင်းမြစ်များ

Zôo 5:18

Yálá ɓə a mɔ̨nɔ̨ laa nu mɛ̨i, yɛ ɉəɠə mɛ̨i; Yaai a kɛ hɛn dɔɔi yɛ a kɛi nwolo.

Osia 6:1

'Ka pa ka gu pənə gwəli Yai-Laa pɔ, ya ɓə ɲɔ̨n bɛlɛ guɔ, ya ɓə pai gu kɔ́lɔi pɔ̨nɔ̨i, ya ɓə gu kɛlɛ, ya lɔ ɓə nwɔ̨nɔ̨ pai bala halii.

Levetekɔ 14:3

Ɉaláá laa həli mun a kulɔ daa pulu, ə mąąkpɛɛ, a gaa yɛ volóɲɔ̨n balaɠaa daa kpɛɛ, voló aa kpɛɛ mąą nu ɓa,

Levetekɔ 14:43

«Da gwɛniɠaa kulɔ tii, ə lɛɛ da bɛlɛ́ nwąną mąą kalaan, di pənə di dɛ, ɉɛn tii pɔɔ a pənə a kulɔ bɛlɛ́ ɓa,

Levetekɔ 14:47

Nu ta a yii bɛlɛ́n, mąąnɛ̨ɛ̨ ə mąą həɠə waa; ɛlɛɛ nu a kɔ̨nɔ̨n mįi laa, mąąnɛ̨ɛ̨ ə mąą həɠəɠaa waa.

Levetekɔ 14:49

«Bɛlɛ́ mąąhəɠə pələ ka: Da nwɛ̨ni hveelɛ həɠə, di bɛlɛ kpitili kwɛi ɓa, da həɠə ɓɛla kpɔluɔ yɛ tɛ́ɛ́ kpɛlɛ, da isopə kpaɠa.

Markə 5:29

Nɛ̨ɛ̨nu tii nwɔ ɲąmą ɲɔ̨n tii ə kpɛɛ kpɔlɔɔ tii ŋąąɓa. Ə gili kɔ́lɔn gbɔwɔ kpinį hu yɛ nwɔ ɲąmą ɲɔ̨n aa kpɛɛ mą.

Markə 5:34

Kɛlaa, Jesus ə mo mą, yɛ mą: «Nón nɛ̨ɛ̨nu, ə́ wɔ laa na laa aa ə́ ɓalo, li liilaa hu, ə́ wɔ ɲɔ̨n gbɛɛ li yɛ́.»

Lukə 7:21

Nąąlɔwai tii hu kpɔlɔɔ, Jesus ə ɲɔ̨n gɛ nuą tamąą kɔ́lɔi pono, yɛ ɲį́nɛ̨n gbɛ daɠaa pulu, ə lɛɛ, yɛ ɲɛ̨ipu nuą ɲɛ̨i hvólóon.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.