Levetekɔ 14:22 - Yálá laawoo hɛɓɛ (dc)

²² Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Yálá laawoo hɛɓɛ

²² Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Bible

²² É pá máŋ a toloŋ feerɛ kpaa máŋ popôo feerɛ. Dɔnɔ kɛ̀ ƃò ŋɔsɔnyɔ̂ŋ salai kula mɛni ma, gbelii kɛ́ ƃo géreŋ salai kula mɛni ma.

Levetekɔ 14:22 ပူးပေါင်းရင်းမြစ်များ

Mąątɛ̨nɛ̨ 68:13

Tɔɔɓɛlaa diɛ tɛɛ a gilɛ, kɔlaɠaɠaa diɛ di pu, di yəi bɛlɛ́n ɉɛngɔwɠaai ə́ di hon kɔ́ hu, Yɛ́ di ɲąąkwɛlɛ.

Wɛli 2:14

Nwɔ́ tonwələn gbɔlun yɛ́i ə́ kaa kwɛni wolo hu, ə́ loɔ gwɛniɠaa lɔwai, ə́ nwun gulɔ, ŋį́ ə́ ɲɛ̨ilai kaa; 'hvaa, ə́ woo ə too nwə́lii. Mąąhɔlɔɓo, ə́ woo nɛ̨ɛ̨i, ə́ ɲɛ̨ilaa mąąhəɠɛɛ.»

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Ɉeremi 48:28

'Ká həɠə daaɠaa hu, ka li ka hee gwɛni woloɠaa hu; Moabə nuą, ka kɛ yɛ tonwələnŋaa, kaa ka taa tɔɔ kɛɛnąą ləɠə-ləɠə ɓa, moloonŋaa mɛ̨i.

Izikiɛ 7:16

Nuai pai kulɔi ɉu, di kaa pui diɛ li ɲeeɠaa hu, yɛ lɔwɔ-tonwələnŋaa; di mąąwɛliɛ. Nu kəlee kpɔwɔ nɛ̨ŋɛ̨n mąą mɛ̨nį ɓa.

Levetekɔ 14:21

«Nui tii a kɛ a yeehowolomun, a wala pɛli ɉɛnŋąą kəlee hɔlɔɓoi, a ɓɛlaa lon dɔ̨nɔ̨ həɠə a bɔɔŋą pɛli haláá, diɛ naa həli a naa həli pələ, di nɛ̨ŋɛ̨n mąąhvaalɛɛ kóló kɛ mɛ̨i, ə lɛɠɛ hunwɔ̨ kəgən ɉu haaɓa həɠə yii daa ɲɔwɔn a wulɔ, a Yálá kɔ́ hɛn da kəgən gbulɔ wulɔ;

Levetekɔ 14:24

Ɉaláá laa həli mun a nu pɔɔŋąą pɛli haláá ɓɛlaa lon ɉəɠə da gəgən gbulɔ wulɔi tii, ɉaláá laa həli mun a di laa həli a naa həli pələ Yai-Laa ɓa.

Levetekɔ 15:14

Voló mɛ̨ihaaɓa yələ a pa a tɔ́nwələn veelɛ a wala kɛ tii ɓopo hveelɛ, ə paa la Yai-Laa lííla gee kaa kələ laaləi, ə di tɛɛ ɉaláá laa həli mun bɔ.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Lonon mo 6:10

Voló mɛ̨ihaaɓa yələ, a pa a ɓopo hveelɛ, a wala kɛ tii tonwələn veelɛ, ɉaláá laa həli mun bɔ, gee kaa kələ laaləi.