Levetekɔ 14:21 - Yálá laawoo hɛɓɛ (dc)

²¹ «Nui tii a kɛ a yeehowolomun, a wala pɛli ɉɛnŋąą kəlee hɔlɔɓoi, a ɓɛlaa lon dɔ̨nɔ̨ həɠə a bɔɔŋą pɛli haláá, diɛ naa həli a naa həli pələ, di nɛ̨ŋɛ̨n mąąhvaalɛɛ kóló kɛ mɛ̨i, ə lɛɠɛ hunwɔ̨ kəgən ɉu haaɓa həɠə yii daa ɲɔwɔn a wulɔ, a Yálá kɔ́ hɛn da kəgən gbulɔ wulɔ;

Yálá laawoo hɛɓɛ

²¹ «Nui tii a kɛ a yeehowolomun, a wala pɛli ɉɛnŋąą kəlee hɔlɔɓoi, a ɓɛlaa lon dɔ̨nɔ̨ həɠə a bɔɔŋą pɛli haláá, diɛ naa həli a naa həli pələ, di nɛ̨ŋɛ̨n mąąhvaalɛɛ kóló kɛ mɛ̨i, ə lɛɠɛ hunwɔ̨ kəgən ɉu haaɓa həɠə yii daa ɲɔwɔn a wulɔ, a Yálá kɔ́ hɛn da kəgən gbulɔ wulɔ;

Bible

²¹ “Kɛ́lɛ à kɛ̀ maa nuui kôloɔɔi, va pɔ̂ri zâla sãai ŋí kélee sɔlɔ ƃôi, é pá nɔ́ a ƃála sirɛ tɔnɔ a ŋɔsɔnyɔ̂ŋ maa sála-sɛŋ nyii gáa a ŋɔsâla-sɛŋ gbîŋ-kpîŋ Yâwɛɛ pɔ́ zâla láa soŋ nuui mɛni ma. É pá a felaƃa pãŋ feerɛ m̀ii-sɛŋ salai kula mɛni ma da ɔle-wúlɔ sane kpura.

Levetekɔ 14:21 ပူးပေါင်းရင်းမြစ်များ

Zôo 34:19

Yaai hva tɔɔmun non viɛlaɓo nu takpɛliɠaa diɛ, ə lɛɛ, hva hɛn gɔw nąmu hviɛlaɓo yeehvowolomun ma, mąąhɔlɔɓo, nwɔ pɛli hɛnŋąą ɓaa gəlee.

Hanwon 17:5

Nui a yɛlɛ kulɔ mąąwɛlimun ɉu, a kɛ tii, Yálái mąąwiɛlimun tii pɛli, ya ɓə gaa lalan ɉii. Nui a kwəinɛ̨ɛ̨ kulɔ mąąwɛli mɛ̨nį hu, hva lɛɛ tii, hvo kɛli di ɉutɔɔ.

Hanwon 22:2

Hɛn gɔw nąmu da yeehvowolomun, di tɔɔi kaa tanɔ̨n, Yai-Laa ɓə gəlee hveelɛi pɛli.

Izikiɛ 46:7

Dɔɔmun a Yálá kɔ́ a Eifa tɔ̨nɔ̨, a nįŋɛ̨ nwɛi; ɛlɛɛ Eifa tɔ̨nɔ̨ a mɛlaa hilɛ nwɛi. Mɛlaa lonnii di wɛi, yii lɔpee a too ɲəi. Nwulɔ nwɛi, a kɛ a hin tɔ̨nɔ̨ da Eifa tɔ̨nɔ̨.

Levetekɔ 1:14

«Akɛ, nwɛ̨ni ɓə di paa la a Yai-Laa kɔ́ hɛn, diɛ gəlee kələn, ə kɛ a tonwələn, a wala kɛ tii, ɓopo.

Levetekɔ 12:8

«Akɛ a wala pɛli ɓɛlaa lon ɉɔ̨nwɔ̨ hɔlɔɓoi, tonwələn veelɛ ɓə a paa la, dɔ̨nɔ̨ ə kɛ a haláái da gəlee kələn; dɔ̨nɔ̨ ə kɛ a nɛ̨ŋɛ̨n mąąhvaalɛɛ haláá. Ɉaláá laa həli mun a nɛ̨ŋɛ̨n mąą hvaalɛɛ kóló kɛ nɛ̨ɛ̨nui tii ɓa, a kɛ tii, mąą aa həɠə.»

Levetekɔ 14:10

«Voló mɛ̨ihaaɓa yələ, ə ɓɛlaa hilɛ lon veelɛ həɠə, kpɛɠii hva kɛ diɛ, kwɛlan dɔ̨nɔ̨ ɓɛlaa lon ɉaa tɔ̨nɔ̨, kpɛɠii hva kɛ mą, lɛɠɛ hunwɔ̨ kəgən ɉu mɛ̨inąąn a haláá hɛn, ə ɲɔwɔn a wulɔ, ɛlɛɛ kəgən gbulɔ wulɔ hu.

Levetekɔ 14:22

Tonwələn veelɛ a wala kɛ tii ɓopo hveelɛ, yii ɲee a pɛli mą. Dɔ̨nɔ̨ a kɛ a nɛ̨ŋɛ̨n ɉaláá dɔ̨nɔ̨ ə ɓo a haláái da gələn.

Levetekɔ 27:8

«Nu ta a kɛ a yeehvowolomun, ɲee a wala pɛli yii di vaa ɓo mą, nui ə naakwɛlanmo, a paa la ɉaláá laa həli mun nííla, yili ə wali ta hvaa ɓo mą, yɛ bələi nui tii nwɔ yee pɛli mąą kaa la.

Levetekɔ 5:11

«Nu ta yee a wala pɛli lɔwɔ tonwənən veelɛ ɓa, a wala kɛ tii kwii tonwənən veelɛ ɓa, a pɛli mą ə pa a lɛɠɛ hunwɔ̨ kəgən ɉu nąąn, a nɛ̨ŋɛ̨n mąąhvaalɛɛ haláá hɛn; hva wulɔ kɛ mą, hva lansan hee gwɛlɛ. Mąąhɔlɔɓo, nɛ̨ŋɛ̨n mąąhvaalɛɛ haláá li.

Levetekɔ 5:7

«Hɛn a wala kɛ nu yəi yɛ pɛli taatɛlɛɛ hɔlɔɓoi, mąą nu a nɛ̨ŋɛ̨n ɉəɠə, a pɛli mą ə pa Yai-Laa pɔ a lɔwɔ tonwələn veelɛ, bɔɔŋą pɛli mɛ̨nį ɓa. Awala kɛ tii, kwii tonwələn veelɛ, da dɔ̨nɔ̨ kɛ a mąąhvaalɛɛ haláá hɛn, di dɔ̨nɔ̨ kɛ a haláá hɛn yii da gəlee kələn Yai-Laa ɓa.

Lukə 6:20

Jesus ə ɲɛ̨i hee nwɔ kalan nɛai diɛ, yɛ diɛ: «Nwun na nɛ̨ɛ̨ nuą ɓaa a kaa, kaa ŋɛ̨i a mąąwɛli nuą, mąąhɔlɔɓo, Yálá-taa tɔɔlaa kaa a ka wɔɔ.

Korɛntə veelɛ 8:12

Nu kiliŋąhiɛ pələ a lɛlɛ kpɔ a neelee, da di yee hee mu, da hɛn gaa ɲəi, hɛn da awala nwɔ̨nɔ̨ kɛ ɲəi, mɛ̨nį hvo li!

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Samuɛlə dɔlɔɔ 2:8

A mąąwɛli mun muhəɠə, ə gulɔ muluun ɉu. Yɛ yeehowolo mun gulɔ tulun ŋą. Yɛ di heei gulɔ tɔɔbɛlaa lɔwai, yɛ di hee kpəlin mąąwia mɛ̨i. Mąąhɔlɔɓo, Yai-Laa ɓə lɔi nąą kəlee kaa ɲəi. Ya ɓə lɔi kɔ́wɔ hvilɛn.