Levetekɔ 14:14 - Yálá laawoo hɛɓɛ (dc)

¹⁴ Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Yálá laawoo hɛɓɛ

¹⁴ Ɉaláá laa həli mu a ɉaláá taatɛlɛɛi ti ɲąmą laa həli ə da hiɛ nui di mąą haláá kulɔi mamįiyee wəli ɓa, da mamįiyee kpiɛ ɉinɛ̨ ɓa, ə mą kɛ mamįiyee kɔ́wɔ kpiɛ ɉinɛ̨.

Bible

¹⁴ Zâla láa soŋ nuui a pâi daa-tulɛ ŋãai da siɣei é zia ǹúui da maa waai, láa mii yee mɛi wôli kpɛrɛi ma, é da sia naa mii yee gbua kɛ́tɛi kponoi ma da ǹáa mii yee kɔɔ gbua zɛ-kponoi.

Levetekɔ 14:14 ပူးပေါင်းရင်းမြစ်များ

Lɛɛ gbɔwɔ ɓa 29:20

ə́ mɛlaa hilɛi ti nwun dee, ə ŋąmą ta həɠə, ə da hiɛ Aarɔn ɓa-mįi-yee wəli kpɛlɛ ɓa, ə mą kɛ nonnii wəli kpɛlɛ ɓa, da di ɓa-mįi-yee kpiɛ-ɉɛnɛ̨ ɓa, da di ɓa-mįi-yee kɔ́wɔ kpiɛ-ɉɛnɛ̨ ɓa; ə ŋąmą taɠa ɉaláá kulɔ taɓali ɓa nąą kəlee.

Azaya 1:5

Mįnɛ̨ kpɔ ɓə kɛa da ka kɛlɛ laa? Kaa ŋɛ̨i ka kwɛliteɛ lɔ Yálá yəi a yələ kəlee? Ɲɔ̨n gaa ka nwun galən ma nąą kəlee, ka lii yɛ mɔ̨nɔ̨ mįi ka kwəi.

Levetekɔ 14:19

Ɉaláá laa həli mun ə nɛ̨ŋɛ̨n ɉaláá kulɔ, ə gɛ Yálá ə nui tii mąąhvaalɛɛ, mɛ̨nį da gɛ nu ɓa tɔ́n yɛ kulɔ mą, ə yili kɛ nui pai gbɔwɔ mąąhəɠəi mɛ̨i. Yili pulu, ə ɉaláái da gələn nwɔ taatɛlɛɛ nwun dee.

Levetekɔ 14:25

Ə nu pɔɔŋą pɛli haláá ɓɛlaa lon nwun dee, ə daatɛlɛɛ ɲąmą ta həɠə, ə da hiɛ nui di kaa mąą haláá kulɔi mamįiyee wəli ɓa, ə da hiɛ mamįiyee kpiɛ ɉinɛ̨ ɓa, ə da hiɛ mamįiyee kɔ́wɔ kpiɛ ɉinɛ̨ ɓa.

Lomaŋ 12:1

Ną́n nonnii, gáá ká hvaŋąlɔi Yálá nwɔ ɲɛ̨imąąwɛli kaa laa hu, gɛ́; 'Ká ká kpɔwɔ kulɔ a haláá vulú mąą, mąąhəɠɛɛ, nwɛli ə ɓo Yálá ɓa. Yili ɓə gaa a kwɛli hvilɛn ŋąąi viɛlaɓoɔ.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:19

Ka wɔ hvii kpɛɛ laa mąą mɛ̨nį ɓa, gáá nwooɠaai ŋɛ̨i ɓoi kaa a nu kiliŋąhiɛ. Pələi ti tɔlɔɔ ka ka kpinį kəlee kɛ la a mɛ̨nį ɲɔ̨n nwɔ luwɔ, kaa ka kwɛli tee Yálá ɓa, yiihu kɛa ka ka kpinįi kəlee kɛ a tələnmolaa nwɔ luwɔ, ə gɛ, ka wɔ yɛnɛ̨ɛ̨ kɛ pələ ə kɛ a Yálá liiɓa.

Korɛntə dɔlɔɔ 6:20

Nu ta ɓə ka nwun mąąɓo a ɉɔ̨nwɔ̨ kɛnɛ̨. 'Ká Yálá mąąwiɛ kan a ka kɔlɔ.

Korɛntə veelɛ 7:1

Nwɛ́likɛmąą nuą, yii kani Yálá kpinįi aa mɛ̨nį taaləi tii laakwɛlanmo guɔ, 'ká gu gu kpɔwɔ kpinįi mąąhəɠə, hɛn a nu kɔlɔ da nįį kɔhɔɓo gəlee yəi, 'ká gu gu kpɔwɔ mąąhəɠə mɛ̨nį, ɲee laa kulɔ kɛ Yálá ŋą ɲɔwmąąlaa hu.

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.